Jeremiah 17:18 - Bible Ni Thothup

¹⁸ Mu tamra’nag e pi’in yad be gafgow nageg, ma ga faleg riy nga bang, SOMOL. Mu suguyrad ko marus, machane dab mu k’ar marus ngog. Mu girengiy e riya’ nga puluwrad nga mu tet’arad ngar yoch yang gad.

Jeremiah 17:18 Σταυροειδείς Αναφορές

BABYOR NI JOB 16:14

Ke maad’ad ngog u bayay ngu bayay; be cham ngog ni bod ba salthaw nike man lolgen ko damumuw.

Psalms 35:4

Mang e yigi waer me ma’fan e pi’in yad be guy rogon ni ngar thanged e pogofan rog! Mang e yugu ra sulod nike wagagey lanin’rad yad e pi’in yad be makath nigeg!

Psalms 35:8

Machane riya’ e bay i aw ngorad u m’on ni ngar nanged; bay ra awgad ko wup rorad ni aram e ke aw e riya’ ngorad!

Psalms 40:14

Mang e yigi par e pi’in yad be guy rogon ni ngar thanged e fan rog ni ka ra waergad ma ke wagagey lanin’rad! Mang e yigi par e pi’in ni kar felan’gad ni bochan e pi oloboch nike yib ngog ngar sulod nike m’ayfarad!

Psalms 70:2

Mang e yigi waer me wagagay lanyan’ e pi’in yad be guy rogon ni ngar thanged e fan rog! Mang e yigi sul nge may’fan e pi’in ni ka ra felan’gad ni bochan e pi oloboch rog.

Psalms 71:1

SOMOL, kugub ngom ni ngam yoror rog; dab mu pageg bingyal’ nggu waer’!

Jeremiah 1:17

Jeremiah, mu fal’eg rogom; mman ngam weliy ngorad urngin e tin kugog ngom ni ngam weliy ngorad. Dab mu rus ngorad e chiney, ya rug gelnag e marus rom ko ngiyal’ ni kamtaw ngorad.

Jeremiah 11:20

Ma aram mu gu meybil ni lungug, “SOMOL ni Gubin ma Rayag Rok, I gur ba tapufthin nib mat’aw; ga ma sikengnag gumircha’en nge lanyan’ e girdi’. Kug tay e oloboch rog ngalan pa’am; ere mu pageg nggu yaliyem ni ngam felbayen e pi girdi’ ney.”

Jeremiah 12:3

Machane, SOMOL, I gur e ga manangeg; gur e ga be guy e n’en ni gu ma rin’ nge rogon fanam t’uf rog. Mu girengiy e pi girdi’ nib kireb ney nga orel ni bod e saf ni ngan li’ ngem’; mu matanagiyrad nge mada’ ko ngiyal’ ni ngan thang e pogofan rorad.

Jeremiah 14:17

I SOMOL e ta’chiylen ngog ni nggog ko girdi’ murung’agen e kireban’ rog ni ngug ga’ar: “Nge par lan owcheg ni be ser e lu’ riy ni rran nge nep’, mu gu par ndab gu tal ko meyor; ya girdi’ rog e rib elmerin e cham ni ka ni tay ngorad, rib gel e maad’ad ni ka ni tay ngorad.

Jeremiah 16:18

Bay gu ruw yay nag taban e denen rorad ni nge aw ngorad nge farad kireb, ni bochan e ka ra ta’ay niged e nam rog ko pi liyos ni dariy e yafos riy ni bod e yam’, ni ka ra sugyed ko pi got rorad ni go’ bogi ban’en.”

Jeremiah 17:13

SOMOL, I gur e lagan’ rok yu Israel; urngin e pi’in yad ra n’igem e yad ra tamra’. Yad ra m’ay nga bang ni bod fithngey nni yoloy nga daken e fiyath, ni bochan e ka ra furyed gur, ni gur SOMOL, ni fare alublub nib machalbog.

Jeremiah 17:16

Machane SOMOL, gathi gu be towasar ngom ni ngam girengiy e riya’ nga dakenrad; da gu finey bangiyal’ ni ngar gafgow gad. SOMOL, I gur e gamnang e ran’ey, gamnang ko mang e u gog.

Jeremiah 17:19

I SOMOL e ga’ar ngog, “Jeremiah, mman ngam weliy e thin rog ko fare Garog ko Girdi’, nma yib e pilung nu Judah riy ngalan e binaw ma yad ma sul riy nga wuru’; ma aram mu ku mman ko tin kabay e garog u Jerusalem.

Jeremiah 20:11

Machane gur SOMOL e ga bay u ba’ rog ni gab gel ma gubin mrayag rom, ma pi’in yad be gafgow nigeg e bay ra parawgad. Bay ra pir’ed nike m’ayfarad ni manemus, ya dabiyag ni nge yan i aw nga rogon e tin yad be leamnag. Tamra’ ni yad ra tay e dariy n’umngin nap’an ma dab ni pag talin.

Deuteronomy 33:11

SOMOL, mu ayuweg e ganong rorad ngu’ur pired ni yad ba gel; wenig ngom, nge fel’ u wun’um e pin’en ni yad be rin’. Mu thirif e pi to’ogor rorad u but’ ni urngin, nge dabkiyog nra sak’iygad bayay.”

Revelation 18:6

Mu rin’ed ngak ni bod nike rin’ ngomed, mu gechigniged ni l’agruw yay u gelngin e n’en ke rin’ ngomed. Mu suguyed e kap rok ko n’en ni yima unum nl’agruw yay ni kab gel ko n’en nike ngongliy rogon ni ngam unumed.