Jeremiah 15:3 - Bible Ni Thothup

³ I Gag SOMOL e kug duwgiliy ni aningeg ban’en nib gel e gafgow riy e nge yib ngorad: bay nli’rad ko saydon ngarm’ad; ma dowef rorad e bay yib e pilis ngi i girengiy; bay yib i par e arche’ ngi i longuy; ma gamanman ni malboch e bay yib i longuy e tin ke magey ko dowef rorad.

Jeremiah 15:3 Σταυροειδείς Αναφορές

Psalms 68:23

ya nge yag nim marod u fithik’ e racha’ rorad, me lil’ e pilis romed urngin e racha’ ni yad ba’adag.”

Isaiah 18:6

Pi ldow ko salthaw rorad e bay ni pag u but’ nib m’ug ko pi arche’ nge gamanman ni malboch. Nap’an fangin e gowal ma bay i longuy e arche’ fapi ldow, me taw fangin e garbeb me languy e gamanman.”

Jeremiah 12:9

Girdi’ ni ku gu mel’eg e yad bod ba arche’ nike liyeg e hawk yad be k’ad. Mu pining e gamanman ni tmacham ngarbad ngar uned ko mur!

Jeremiah 14:12

I mus ni yad ra pag e abich ma dab gu telig nga lamrad ni yad be wenig ngog ni nggu ayuwegrad; ma dab ra fel’gad u wun’ug, ni mus ni yad ra pi’ ngog e gamanman ni ka ni urfiy nge grain. Ma aram e bay gu li’rad ko mael nge uyongol nge liliy.”

Jeremiah 14:16

Pi’in ka ra weliyed e pi thin ney ngorad e bay ki li’rad e mael nge uyongol. Dowef rorad e bay nin’ ngalan e yu pa’ i kanawo’ u Jerusalem, ma dariy be’ nra k’eyagrad. Irera’ e n’en ni bayib ngorad ni yad gubin, nge pi le’engirad, nge pifakrad ni pumo’on nge ppin. Bay gu gagiyegnag ngar pi’ed puluwon e kireb rorad.”

Jeremiah 16:4

Yad ra yim’ ko m’ar ni ubchiya’, ma dariy be’ nra yor nagrad fa k’eyegrad. Dagur rorad e ra aw u but’ ni bod yu ulung i t’ay e gamanman. Ma yira li’rad u tan e mael fa ram’ad ko bilig, ma downgirad e bayi mang ggan ko arche’ nge gamanman ni malboch.

Jeremiah 7:33

Girdi’ nike yim’ e bayi mang ggan ngak e arche’ nge gamanman ni malboch, ma dakriy be’ ni nge tulufrad.

Lamentations 3:11

I tulfeg nga wuru’ e kanawo’, nge popofeg ni yoch yang, me pageg nge yan.

Ezekiel 14:21

Irera’ e n’en ni be yog SOMOL ni Th’abi Tolang: “Bay gu pi’ aningeg e gechig ni th’abi gel nga daken yu Jerusalem — ni aram e mael, uyngol, gamanman ntacham, nge liliy ni nge thang mit e girdi’ nge gamanman ni ta’reb rogon.

Ezekiel 33:27

“Mu weliy ngorad ni Gag SOMOL, ni Th’abi Tolang e gu be ning chiylen ngorad nrogon feni riyul’ ni Gag fare Got ni gu be par ni gub fos, e aram feni mich ni pi’in yad be par u lan fapi binaw ni kan gothey e bay nthang e pogofan rorad. Ma pi’in yad be par u wuru’ e binaw i yan e bayi longuyrad e gamanman ni malboch. Ma pi’in yad be mith u daken e pi burey ngu lan e yiy i yan e bay yib e liliy ngorad ngarm’ad.

Levitikus 26:16

ma gu ra gechig nagmed. Gu ra pag e buch wa’athan nge yib ngomed, nge m’ar ndab mu golgad riy nge gowel u dakenmed nra malmit nagmed me ngochnag e yafos romed. Bay mu yunged e pi woldug romed, machane dabi yib fal’ngin ngomed, ni bochan e bayi gel e pi to’ogor romed ngomed miyad kay e pin’en ni kam yunged.

Levitikus 26:22

Bay gu pi’ e gamanman ni tak’ad nge yib nga fithik’med, ma bay ra li’ed pifakmed ngarm’ad, ma ku yad ra li’ e gamanman ni gimed be chugliy, ma ri’in i gimed e yad ra magach ma yupa’ i kanawo’ romed e bay nn’ag.

Levitikus 26:25

Bay gu pag e mael nge yib ngomed ni nge gechig nagmed ya kam th’abed fare m’ag u thildad, ma fa’an gimed ra mukun ngalan e pi binaw romed ni fan e nge dabi buch ban’en romed, ma bay gu pi’ e m’ar ndariy falayyin nge yib nga fithik’med, ma bay mpired nike math e liyeb ngomed mi gimed m’ing ngak e to’ogor romed.

Amos 5:19

Ra yan i par ni bod be’ ni mil rok ba layon me mada’ nag ba bear! Ara bod be’ ni yib nga tabinaw rok me gif nga pa’ nga downgin e rungrung me k’ad ba porchoyog pa’!

Deuteronomy 28:26

Nap’an ni gimed ra yim’, ma arche’ nge gamanman ni malboch e ra yib nge longuymed, ma dakuriy be’ nra tulufrad.

Deuteronomy 32:24

Bay ram’ad ko bilig nge m’ar ni gawel u dakeney; nge pi liliy ni ubchiya’. Bay gu l’oeg e gamanman ni malboch ngi i cham ngorad, nge porchoyog nib yub nge k’adrad.

Revelation 6:8

Mu gu sap, mu gguy ba os nib ol ram’en dow. Ma en ni bay u daken e kan tunguy fithingan ni Yam’, ma be lay Hades u tomur rok nib chugur ngak, ni yow e kan tayrow ni ngrognew e thin u ta’ab guruy ko aningeg guruy e fayleng, ni ngar li’ew e girdi’ riy ko saydon, nge uyongol, nge liliy, nge gamanman ni malboch ni bay u fayleng.