Jeremiah 15:1 - Bible Ni Thothup

¹ Me ga’ar SOMOL ngog, “I mus ni fa’an mang e ba sak’iy Moses nge Samuel u roy ni yow be wenig ngog, ma dab gu runguy e girdi’ nu Judah. Mu guy rogon ngar chuwgad u p’eowcheg.

Jeremiah 15:1 Σταυροειδείς Αναφορές

Genesis 19:27

Ri kab kadbul u reb e rran riy me gurnag Abraham ir ko fa gin’em ni sak’iy riy u p’eowchen SOMOL.

2 Kings 17:20

Me fek SOMOL owchen rok urngin piyu Israel, me gechig nagrad me pi’rad nga pa’ e pi to’ogor ni buchan’ nma’ngach nge yan i taw ko ngiyal’ nike tharbegrad u p’eowchen.

Psalms 106:23

Nap’an ni yog Got nra thang owchen e girdi’ rok, me Moses nike mel’eg ni tapigpig rok, e sak’iy nga thilin e girdi’ nge Got nge taleg e damumuw rok Got ndabi thang owcharad.

Psalms 99:6

Moses nge Aron e yow e prist rok, me Samuel e be’ ni i meybil ngak; ra pininged SOMOL, me fulweg lungurad.

Proverbs 14:35

Pi pilung e ma felfelan’ ko tapigpig rok nib salap; machane yad ma gechignag e pi’in der yag e maruwel rorad.

Jeremiah 10:18

I SOMOL e nge yon’med nga wuru e re binaw ney; ni nge parsiymed nge taw ko ngiyal’ ndakriy be’ nra magey. I SOMOL e be non.

Jeremiah 11:14

Jeremiah, dab meybil ngog ara mu wenig ngog ni fan ko pi girdi’ ney. Ya nap’an nra yib e magawon ngorad miyad ning e ayuw ngog, ma dab gu motoyil ngorad.”

Jeremiah 14:11

Be ga’ar SOMOL ngog, “Dab mu wenig ngog ni nggu ayuweg e pi girdi’ ney.

Jeremiah 14:12

I mus ni yad ra pag e abich ma dab gu telig nga lamrad ni yad be wenig ngog ni nggu ayuwegrad; ma dab ra fel’gad u wun’ug, ni mus ni yad ra pi’ ngog e gamanman ni ka ni urfiy nge grain. Ma aram e bay gu li’rad ko mael nge uyongol nge liliy.”

Jeremiah 15:19

Me fulweg SOMOL ni ga’ar, “Fa’an ga ra sul ngog, mu gu fekem ngam mang reb e tapigpig rog bayay. Fa’an ga ra weliy ban’en ni bay fan, ma gathi tin ndariy fan e ngam weliy, ma rayag ni ngam mang profet rog bayay. Girdi’ e bay ra sulod ngom bayay, machane gathi gur e ngam man ngorad.

Jeremiah 16:13

Ere aram e bay gon’med nga wuru’ ere binaw ney nga daken reb e but’ ndariy bigmed ara pi chitamangimed ni manang murung’agen. Nu rom e bay um tedfan boch e got riy ni rran nge nnep, me gag dab ku gu dag e runguy rog ngomed.’”

Jeremiah 16:5

“Dab mman ngalan ba naun ni yibe mowaw riy. Ma dabi kireban’um ngak be’. Arme dab kug tow’athnag e girdi’ rog ko gapas fa gu dag e t’ufeg nge runguy ngorad.

Jeremiah 18:20

Gur tin nib kireb e puluwon e tin ni bfel’? Ya ka ra kered ba low ni nggu mul nga langgin. Mu tafinaynag rogon ni gub ngom nggu welthin ngom ni gu be wenig nagrad, ni nge dab mu gechig nagrad u fithik’ e damumuw rom.

Jeremiah 22:28

Gu be ga’ar, “Gur i Jehoyakin ni Pilung e ke bod ba rume’ nike pil kan’ag ni dakriy be’ ni ba’adag? Gur arfan ni ka ni fek nge pifak ni kalbus nga ba nam ni dariy ban’en ni yad manang u murung’agen?”

Jeremiah 23:39

e bay gu chibiyrad ngalang nggon’rad nga palog rog, nib mu’un fare binaw ngorad ni gu pi’ ngorad nge pi chitamangirad.

Jeremiah 35:19

Ere gag, fare SOMOL ni Gubin ma Rayag Rok, ni fare Got rok yu Israel, e gu micheg ni Jonadab nib mo’on ni fak Rekab e gubin ngiyal’ ma bay reb e pumo’on ni owchen ni ir e nge pigpig ngog.”

Jeremiah 52:3

I SOMOL e ri damumuw ngak piyu Jerusalem ngu Judah, me tharbegrad ngar chuwgad u p’eowchen. Zedekiah e togopluw ngak Nebukadnezzar ni Pilung nu Babylon,

Jeremiah 9:19

Mu telmed nga laman e meyor ni yibe tay u lan yu Zion ni be lunguy, “Kan thirifdad u but’! Kad pired ni kari m’ay fadad! Thingar da chuwgad ko nam rodad; pi naun rodad e ka ni buthug nga but’.”

Ezekiel 14:14

Fa’an mang e i par fa dalip i pumo’on ni Noah, Danel, nge Job u rom, ma farad mat’aw e go’ yafos rorad e ra ayweg.” I SOMOL ni Th’abi Tolang e keyog e pi thin ney.

Ezekiel 22:30

Gu be changarnag be’ nrayag ni nge ubung bang i rungrung, nrayag ni nge sak’iy ko yungi n’en nike puth e rungrung riy me ayweg e nam ko ngiyal’ ni nge aw e damumuw rog ngay, machane dag pir’eg be’.

Hosea 9:15

Be ga’ar SOMOL, “Gubin e ngongol rorad nib kireb e tabab u Gilgal. Ireram e gin gu tabab i dabuy dakenrad riy. Ma bay gu tulufrad ngar chuwgad u daken e nam rog, ni bochan e kireb ni kar rin’ed. Aram e dabkur t’ufgad rog; gubin e pi tayugang’ rorad ma kar togopluwgad ngog.

Zekariah 3:3

I Joshua e ba sak’iy u rom nike yin’ e mad nib alit.

Deuteronomy 9:26

Mu gu meybil ni lungug, ‘SOMOL nib Th’abi Tolang, dab mu thang owchen e girdi’ rom, ni fapi girdi’ ni gur e mu chuwegrad u Egypt nga gelngim nib gel nge feni sorom.

Hebrews 9:24

Ya Kristus e gathi yan ngalan e Gin nib Thothup ni girdi’ e ngongliy, ni ya’an e bin ba’aram ni ir e ba riyul’. I ir e yan ngalan e tharmiy, ni ireram e gin ke yan ngay nike yan nga p’eowchen Got ni fan ngodad.

Judges 5:9

Lanin’ug e bay rok e pi’in yad be tay murung’agen e salthaw nu Israel, ni bog ni’ nra og niged yad nib magan’rad ngay ni ngaru’ned ko mael. Ke sorok SOMOL!

1 Samuel 12:19

me lungurad ngak Samuel, “Siro’ ngom, mu meybil ngak SOMOL ni Got rom ni fan ngomad, nge dab gu m’ad. Ya re kireb ney ni kug ninged reb e pilung ni nge yag ngomad e kug puthuyed ko tin kabay e denen romad.”

1 Samuel 12:23

Me gag e ri dab gu tal i pi’ e meybil romed, ya ra dab gu pi’ e meybil romed ma aram e kug denen nib togopluw ngak. Mu gu par ngu’ug fil ngomed e tin bfel’ nge tin nib mat’aw ni ir e ngu’um rin’ed.

1 Samuel 7:9

Me li’ Samuel ba pifak e saf me urfiy ni ga’ngin nge pi’ ni maligach ngak SOMOL. Me meybil ngak SOMOL ni nge ayuweg piyu Israel, me fulweg SOMOL taban e meybil rok.