Jeremiah 13:18 - Bible Ni Thothup

¹⁸ Me ga’ar SOMOL ngog, “Mog ngak fare pilung nge chitiningin ni ngar luwgow nga but’ u tagil’row nib pilung, ya te’elyaw ko pilung ni bfel’ ya’an e ke mul u lolugen row.

Jeremiah 13:18 Σταυροειδείς Αναφορές

2 Kings 24:12

me pi’ Jehoyakin ni Pilung ir nga pa’ yu Babylonia, ni ir nge chitiningin nge pifak ni pumo’on, nge pi tolang ko salthaw rok, nge pi tolang ni yad bay nga tan pa’ ni yad ma maruwel u tabinaw rok. U lan e bin meruk e duw nike pilung Nebukadnezzar, me fek Jehoyakin ni aram e nge kalbusnag,

2 Kings 24:15

Me fek Nebukadnezzar Jehoyakin nga Babylon nike kalbus ni ir nge chitiningin, nge pi le’engin, nge pi tolang ni yad bay u tan pa’, nge pi pumo’on nu Judah ni yad ma yog e thin.

2 Kronicles 33:12

Mu fithik’ e gafgow rok me sobut’ laniyan’, me cheal nge sap ngak SOMOL ni Got rok, me wenig ngak ni nge ayuweg.

2 Kronicles 33:19

Fare meybil rok fare pilung nge fulweg riy ni pi’ Got, nge babyoren e denen ni i rin’ fare pilung u m’on ni pi’ keru’ ko denen rok-kireb ni i rin’, yungi tagil’ e tayfan rok e pi’in ndar nanged Got nge pi pow rok Asherah ni fare got nib bpin ni ngongliy nge pi liyos ni i tayfan — e go’ kan yoloy ngalan e babyor ni Chepin e Profet.

2 Kronicles 33:23

Machane de bod e chitamngin ni sobut’nag laniyan’ nge sul ngak SOMOL; kabgel feni kireb e tin i rin’ rok chitamngin.

Exodus 10:3

Ma aram me yan Moses nge Aron ngak Farao, me lungurow ngak, “Ba’aray e thin nike yog SOMOL, ni ir e Got ko Hebrew, ‘Uw n’umngin nap’an ni ngu’um par ndab mu rin’ e tin gu be yog? Mpag e girdi’ rog ngranod ngar meybilgad ngog.

Exodus 39:28

nge fare turban, urwach, nge yuler i zubong nni ngongliy ko mad ni wech,

Proverbs 27:24

ni bochan e fla’ab e dabi par ni manemus. Mus ko pi nam ma dabi par ni dariy n’umngin nap’an.

Isaiah 3:20

nge urwach rorad, nge florida ni yad ma thiy nga pa’rad nge tungun pa’rad;

Isaiah 3:26

Pi garog ko binaw e ra kireban’rad ngar yorgad, ma fare binaw e ra bod be’ ni bpin ni kan th’ab e mad u daken nike par nga but’.

Isaiah 47:1

SOMOL e ga’ar, “Babylon, mu luw nga but’ ko liw rom, ngam par nga fithik’ e ab u daken e but’. Ummoy bingyal’ ni ga bod be’ ni bpin ni dawori nang e pumo’on, nib binaw ni dawor i waer ko mael, machane dakriy fal’ngim ngabang! Chiney e gur e sib!

Jeremiah 22:24

I SOMOL e ga’ar ngak Jehoyakin ni Pilung nib mo’on ni fak Jehoyakim ni Pilung nu Judah, “Rogon ni Gag fare SOMOL ni gu ma par nib fos, ni mus ni fa’anra gur fare luwaw ni bay e hung riy u ba’ ni mat’aw i pa’ag, ma gu ra buch’oyem u pa’ag

Jeremiah 22:26

Nggu motogel ngom nge chitinam ngam kalbus gow u wuru’ e nam. Bay mmarow nga ba nam ni dariy bigmed nni gergeleg riy, ni aram e gin ngam’ow riy ni gimew l’agruw.

Jeremiah 29:2

Gu yoloy e re gi babyor ney u tomuren ni kan fek i Jehoyakin ni Pilung nga kalbus, nge chitiningin, nge pi tolang u tafen e pilung, nge pi’in yad ma gagiyeg u Judah ngu Jerusalem, nge pi’in yad ba salap i ker ya’an bogi ban’en, nge pi’in yad ba salap ko maruwel.

Jeremiah 36:16

Ma nap’an ni mu’ i be’eg rok ni gubin, miyad chachangar u owcherad ni kar rus gad, me lungurad ngak Baruk, “Thingar gu weliyed e pi thin nir ngak e en pilung.”

Lamentations 1:6

Fla’ab rok yu Jerusalem e ban’en nike thumur. Pi’in yad ma gafaliy e kar boded e gamanman ni deer nike m’ay gelngin ni bilig, Nike chugur ni nge m’ay gelngirad ni bod ni yad be mil ko pi tamkol gamanman ni be lol’oegrad.

Lamentations 1:9

Feni alit e ba mom ni yira guy, machane de dag nike magfan’ ko mang e ke buch rok. Ir nike thay e rib gafgow; dariy be’ nra fal’eg lanyan’. I gel e pi to’ogor rok me yor ngak SOMOL ni ngan runguy.

Lamentations 2:10

Pi pumo’on ni pilibthir nu Jerusalem e kar pired nga but’ nike math gulungrad, Ni go’ fiyath daken lolugrad ma mad u dakenrad e tutuw. Ma pi’in rugod e kar’aned lolugrad nga daken e but’.

Lamentations 5:16

Dakriy ban’en ni magach ko gubin e tin u gu uf’uf gad ngay. Ku’ug denen gad, ere chiney e karug gafgowgad.

Ezekiel 16:12

Mu gu pi’ e talbuch ni fen p’ethngum nge telim nge ba te’eliyaw nrib fel’usun ni ngam tay nga lolugem.

Ezekiel 21:26

I Gag SOMOL ni Th’abi Tolang e kugog e pi thin ney. Mu chuweg u lolugem e te’elyaw ko pilung nge fare turban. Dakriy ban’en nra par u gil’. Nge sak’iy e pi’in gafgow nge gagiyeg, min girengiy nga but’ e pi’in nma gagiyeg!

Ezekiel 24:17

Mu yor u lanin’um ma dab mu dag nike kireban’um. Dab mu chuweg e mad u lolgem ara mu luf e sus u em; dab mu upnguy owchem ni nge m’ug nike gafgow lanin’um, ara mu koy ba ggan ni makay e pi’in nma mowaw.”

Ezekiel 24:23

Dab um marod ni dariy e upong u lolugmed fa sus romed fa mu mowaw ara um yorgad. Bay mmaygad nga bang ni bochan e denen romed, bay um gel’gel’gad ngomed.

Ezekiel 44:18

Ngar faned e turban ni mad ni wech nge yuley i tan e mad nib wech, machane dab ra faned e leed, ya nge dabi filrad e athuw.

Daniel 5:20

Ma bochan e tolngan’ me ufanthin me gelan’, me gafgownag e girdi’, min chuweg ko pilung nge dakun tay fan.

Jonah 3:6

Nap’an ni rung’ag e en ni pilung nu Nineveh e re bugithin nem, me sak’iy u tagil’ ngalang, me luf madan e pilung u daken, me yin’ e mad ni tutuw me yan i par nga fithik’ e awat.

Matthew 18:4

En nra yan i par ni ir e th’abi tolang ko gagiyeg nu tharmiy e en nra sobut’nag ir nge bod e chi tir ney.

James 4:10

Mu sobut’niged lanin’med u p’eowchen Got me tolangnagmed.

1 Peter 5:6

Ere mu sobut’ niged lanin’med u tan pa’ Got nib gel gelngin, me fal’eg lanin’med ko ngiyal’ ni be finey.