Jeremiah 13:17 - Bible Ni Thothup

¹⁷ Fa’anra dab mmotoyil gad, ma bay gu yor nib mith ni bochan fanmed tolngan’; bay gu yor u fithik’ e m’ingan’, nge map’ lu’ag ni bochan e girdi’ rok SOMOL ni ka ni fekrad nga bang ni kalbus.

Jeremiah 13:17 Σταυροειδείς Αναφορές

Psalms 119:136

Lu’ rog e be map’ nga but’ ni bod ba lul’, ni bochan e der fol e girdi’ ko motochiyel rom.

Psalms 80:1

Gur fare tagafaliy e saf nu Israel, mmotoyil ngomad; mu rung’ag e meybil romad, gur e tagagiyeg romad. Kam par nga tagl’im ngalang ko kerubim

Isaiah 63:11

Machane me yib ngan’rad e kakrom, ni nap’an Moses ni tapigpig rok SOMOL, me lungurad, “Bu uw e chiney fare SOMOL ni ayweg fapi tagagiyeg rok e girdi’ rok nge chuwegrad u fithik’ fare day? Bu uw fare SOMOL ni pi’ e kan nthothup rok ngak Moses?

Jeremiah 14:17

I SOMOL e ta’chiylen ngog ni nggog ko girdi’ murung’agen e kireban’ rog ni ngug ga’ar: “Nge par lan owcheg ni be ser e lu’ riy ni rran nge nep’, mu gu par ndab gu tal ko meyor; ya girdi’ rog e rib elmerin e cham ni ka ni tay ngorad, rib gel e maad’ad ni ka ni tay ngorad.

Jeremiah 15:17

Da ug un ngak e girdi’ ko minmin nge mur ni yad be tay ni yad be felfelan’, ni bochan e maruwel ni mpi’ ngog mu gu par rog ni gu be damumuw.

Jeremiah 17:16

Machane SOMOL, gathi gu be towasar ngom ni ngam girengiy e riya’ nga dakenrad; da gu finey bangiyal’ ni ngar gafgow gad. SOMOL, I gur e gamnang e ran’ey, gamnang ko mang e u gog.

Jeremiah 22:5

Machane fa’anra dab mu folgad ko n’en kugog, ma aram e gu be micheg ngomed ni re tafen e pilung ney e bayi puth nga but’ nge mogothgoth. I Gag SOMOL e kugog e pi thin ney.

Jeremiah 23:1

Ba gel e gechig nra tay SOMOL ngak e pi’in yad be gagiyeg, ni yad e kar li’ed e girdi’ rok ma kar wereged yad i yan.

Jeremiah 23:2

Irera’ e n’en ni SOMOL, ni ir e Got nu Israel, e be yog ni murung’agen e pi’in yad be gagiyeg ni yad e ngu’ur ayuweged e girdi’ rok ni be ga’ar, “Kam wereged e girdi’ rog ka ra weargad; da um ayuweged yad. Ere bay gu gechig nagmed ni bochan e pi kireb ni ka mu ngongliyed. I Gag SOMOL e kugog e pi thin ney.

Jeremiah 9:1

Gu be finey ni gomang e lolgeg e ba luwed ko ran, ma lan owcheg e ba athang’el ko lu’, ya nge yag ni gu yor ni rran nge nep’ ni bochan e girdi’ rog ni kan thang e pogofan rorad.

Lamentations 1:16

“Aramfan ni lan owcheg e kesug ko lu’ ni be map’. Dariy be’ nrayag ni fal’eg lanin’ug; fa i pi’ e athamgil ngog. An to’ogor e ke gel ngog; ma pi girdi’ rog e dakriy ban’en ni magey rorad.

Lamentations 1:2

N’umngin e nep’ ni i yor; ngi i ser e lu’ u owchen nga but’. Dariy bagyad e pi’in ni ur fagergad ni magey ni nge fal’eg lanyan’. Pi’in yad e yad e karyag niged, go’ kar togopluwgad ngak e chiney.

Lamentations 1:9

Feni alit e ba mom ni yira guy, machane de dag nike magfan’ ko mang e ke buch rok. Ir nike thay e rib gafgow; dariy be’ nra fal’eg lanyan’. I gel e pi to’ogor rok me yor ngak SOMOL ni ngan runguy.

Lamentations 2:18

Jerusalem, mu pag e pi rungrung rom ngar yorgad ngalang ngak SOMOL! Mu pag lu’am nge map ni bod e lul’ ni be yan e ran riy ni nnep’ nge rran. Nge aw parwom ko meyor nge gafgow ni ga be tay.

Lamentations 3:48

Be map’ ni lul’ e lu’ nu owcheg ko gafgow rok e girdi’ rog.

Ezekiel 24:16

ni ga’ar, “Fak e girdi’, bay gu fek rom nib tomgin e cha’ ni th’abi t’uf rom. Dariy ban’en ni ngamog riy ara mu yor ara map ba gaf i lu’ u owchem.

Ezekiel 34:31

“Gimed e saf rog, ni fare ran’ i saf ni gu ma duruw’iy, e gimed e girdi’ rog, me Gag e Got romed,” I SOMOL ni Th’abi Tolang e be non.

Ezekiel 36:38

Pi binaw ni ka ni kirebnag ka ni pag ni aram rogon e bayi sug ko girdi’ ni bod rogon yu Jerusalem ni i par ba ngiyal’ nib sug ko saf ni nga ni pi’ ni maligach ko rofen ni ngan madnomnag ba madnom ni ba ga’. Ma aram e bay ra nanged ni Gag e SOMOL.”

Ezekiel 9:4

“Mman u ga’ngin yang fare binaw nu Jerusalem ngam tay e pow nga peri’ gubin e girdi’ nike kireban’rad ma ke gafgow lanin’rad ni bochan e pin’en nib sunsonogor ni kan rin’ u lan fare binaw.”

Malaki 2:2

Thingar mu liyor gad ngog ko ngongol romed. Fa’anra dab motoyilgad ko n’en ni gu be yog, ma aram e bay gu bucheg wa’athmed. Bay gu gagiyegnag nge dabki fel’ rogomed ko pin’en ni bfel’ ni be yag ngomed. Kug mu’ i gagiyegnag ni nge kireb, ya damur ted ngan’med e tin kugog ni ngam rin’ed.

1 Samuel 15:11

“Kug kolngan’ug ni gu turguy Saul ni nge mang pilung; ya ke pi’ keru’ ngog daki fol ko tin gog ngak ni nge rin’.” Me par Samuel ni kari kireban’ ma ke damumuw, me par e re nep’ i n’em ni polo’ ni be wenig ngak SOMOL.

1 Samuel 15:35

Ma daki mada’nag Samuel Saul ni Pilung u n’umngin nap’an e yafos rok; machane me par Samuel ni kari kireban’ ngak Saul. Ma SOMOL e kalngan’ ya ir e turguy Saul ni nge mang pilung nu Israel.