Jeremiah 13:14 - Bible Ni Thothup

¹⁴ Aram e bay gu chafnegrad nga ta’bang ni pi’lal nge fel’ yangren, ni bod e melor nchafneg reb nga reb, dariy ba kireban’ ara ba marnguy nra talegneg ni nge dabkug thang e pogofan rorad.”

Jeremiah 13:14 Σταυροειδείς Αναφορές

2 Kronicles 20:23

Pi salthaw nu Ammon ngu Moab e ra chelgad ngar maelgad ngak fa raba’ i salthaw nu Edom ngar thanged e pogofan rorad’, ma aram miyad cheal ngorad ngu’ur li’ed yad.

BABYOR NI JOB 27:22

re cham e nifeng nga dakenrad ko ngiyal’ ni yad be guy rogon ni ngar milgad.

Psalms 2:9

Bay mu gagiyeg nagrad nga pa’am nib wasey; bay mu bilbiligrad nnochiyang ni bod ba th’ib ni but’.’”

Isaiah 27:11

Papa’ngin e gek’iy e ke l’ud be m’ingm’ing, be kunuy e pi’in ppin ni nge mang l’ud. Bochan e dar nang e girdi’ fan ban’en, me’ere Got ni En ni Sunumiyrad e bay dabki kirban’ ngorad ara dag bochu’uw i marunguy ngorad.

Jeremiah 15:5

Be ga’ar SOMOL, “Gimed e girdi’ nu Jerusalem, i mini’ e bayi runguymed, nge mini’ e bayi kireban’ ngomed? Mini’ e ra tal nge fith salapmed?

Jeremiah 15:6

Gimed e ka mu n’iged gag; ka mu pi’ed keru’med ngog. Ere ku gu k’iyag pa’ag ku ggad ngomed ka mu masengseng gad, ya kug dabuy e k’adan’.

Jeremiah 16:5

“Dab mman ngalan ba naun ni yibe mowaw riy. Ma dabi kireban’um ngak be’. Arme dab kug tow’athnag e girdi’ rog ko gapas fa gu dag e t’ufeg nge runguy ngorad.

Jeremiah 21:7

Machane gur, nge tayugang’ rom, nge girdi’ ni fos u tan fare mael, nge uyngol ni yib, nge liliy — e bay gu pagmed ni gimed gubin nge kolmed Nebukadnezzar ni Pilung nge pi’in gimed ba to’ogor ni yad ba’adag ni ngar li’ed gimed ngam m’ad. Ma Nebukadnezzar e ra li’med ngam m’ad. Ni dabi pag ta’ab gimed ara kirban’ fa runguy ya’an bigmed. I Gag SOMOL e gu be non.”

Jeremiah 25:16

Ma nap’an ni yad ra unun e n’en ni bay riy, ma bay ur thigthiggad me man lanin’rad ni bochan e mael ni bay gu pi’ nib togopluw ngorad.”

Jeremiah 47:3

Bay ra rung’agned lingan ay e os, nge lingan e chariot, nge lingan e tiyapyap riy. Gallabthir e bay dab kur sulod ngak pifakrad; ma bayi ul pa’rad nga but’.

Jeremiah 48:12

“Ere chiney e ke taw ko ngiyal’ ni nggu l’oeg e girdi’ nge pu’og yu Moab ni bod e wayin. Bay ra mlik niged fapi melor miyad bilbilig nge yoch yang.

Jeremiah 6:21

Ere bay gu gagiyeg nagrad nge tun ayrad ngar dol’gad. Pi gal labthir nge bitir e bay ram’ad, ma ku er rogon e pi tafager rorad nge pi’in yad bbuguliyoror.”

Lamentations 2:21

Fel’ yangren nge pilbithir e go’ yad ba aw’ u lan e kanawo’ ni karmad’. Pumo’on nge ppin ni bfel’ yangeren, e karm’ad ko saydon rok e pi to’ogor. Mu thang e pogofan rorad nide wurngan’um ni gelngin e damumuw rom e rofen nem.

Ezekiel 24:14

I Gag, SOMOL, e gu be non. Ke taw ko ngiyal’ ni nggu mithmith. Dab gu fek owcheg ko pi denen rom fa gu dag e runguy ara wurnganug. Bay ni gechig nigem ni fan ko tin kam ngongliy.” Fare SOMOL ni Th’abi Tolang e be non.

Ezekiel 7:3

“Israel, tungun e ke anog. Bay mu thamiyed e damumuw rog, ni bochan e kug gonpiy ni aram rogon ni fan e tin kam rin’ed. Bay gu fulweg taban ngom gubin e gafarig rom ni golong.

Ezekiel 7:4

Dab gu pagmed ni dabi buch ban’en romed fa gu dag ngomed bochu’uw i wurengan’. Bay gu gechig nagmed ni fan ko tin nib golong ni kam rin’ed, ma aram e bay mu nanged ni Gag SOMOL.”

Ezekiel 7:9

Dab gu digeymed fa gu dag bochi marnguy ngomed. Aram e nggu gechig nagmed ni fan ko pin’en nib golong ni kam rin’ed, ma aram e bay mu nanged ni Gag SOMOL ni gag e cha’ ni gu be gechig nagmed.”

Ezekiel 8:18

Bay ra thamiyed ga’ngin gelngin e damumuw rog. Dab gu pag bagyad nib fos fa gudag boch’uw e murnguy ngak bagyad. Bay ra meybilgad ngog ni yad be tolul ni kari musmus ga’ngin lungrad, machane dab gu motoyil ngorad.”

Ezekiel 9:10

Machane dab kug runguyrad; nggu rin’ ngorad e n’en ni kar rin’ed ngak boch e girdi’.”

Ezekiel 9:5

Mug rung’ag nike ga’ar Got ko fatin ba’aram e pumo’on, “Mu leked e cha’nem u lan fare binaw ngam chamgad. Ni dab mu paged be’, ma dab mu rungyed be’.

Hosea 2:4

Dab gu runguy pifak; ya yad fak fare pin nma falchuway’ ngak ni der tamra’,

Zekariah 11:6

I SOMOL e ga’ar, “Bay dab kug runguy be’ u daken e fayleng. I gag e bay gu tay gubin e girdi’ nga tan gelngin e pi’in yad ma gagiyeg nagrad. Pi tagagiyeg ney e bay ra kireb niged e fayleng, ma dab gu ayweg e fayleng u pa’rad.”)

Matthew 10:21

“Ma girdi’ e bay ra pi’ed pi walagrad ni pumo’on ni ngan li’rad ngarm’ad, ma pi matam e ku ireram e n’en ni bay rrin’ed ngak pifakrad; ma bitir e bay ra togopluwgad ko matam nge matin rorad ngar pi’ed yad ngan li’rad ngarm’ad.

Mark 13:12

Ya girdi’ e bay ra pi’ed e pi walagrad ni pumo’on ni ngan thang e fan rorad, ma pi chitamangiy e ku eram e n’en ni bay rrin’ed ngak pifakrad; ma bitir e bay ra chealgad ngar togopluwgad ngak e gallibthir rorad miyad pi’ e gallibthir rorad ngan thang e fan rorad.

Deuteronomy 29:20

Dabi n’ag Got fan rok e cha’ nra rin’ e biney. Ya damumuw rok SOMOL e ra daramram nib togopluw ngak, ma urungin e pi gafgow ni kan yoloy ngalan e re ke babyor ney e go’ ra aw ngak nge mada’ ko ngiyal’ ni ka ri thirif SOMOL facha’ u but’.

1 Samuel 14:16

Pi salthaw rok Saul ni be matanag u Gibeah u lan e nug rok Benjamin e ra guyed ni be mil e pi Filistine ni kar balyanggad.