Jeremiah 12:4 - Bible Ni Thothup

⁴ Uw n’umngin nap’an ni nge par e but’ romad nike fengfeng, nge pan nike maroroy u gubin yang e flang romad? Gamanman nge arche’ e be yim’ ni bochan e kireb ko girdi’ romad, ni pi girdi’ ni be ga’ar, ‘Got e darguy ko mang e gadad be rin’.’”

Jeremiah 12:4 Σταυροειδείς Αναφορές

Psalms 107:34

I pingeg e but’ nib yong’ol nge buday ni daki fel’, ni bochan e kireb ni i ngongliy e pi’in i par u rom.

Psalms 50:21

Urngin e pin’ey ni kam rin’ed, ma ku gu th’ab gulungag, ere kam leam niged ni ta’ab rogog ngomed. Ma chiney e nggu puwan’ ngomed, mu gup’ e kireb romed nga owchemed.

Isaiah 24:4

Fayleng bayi mlik’ nge mororay; ga’ngin e fayleng nra m’ing kawon me me’waer; fayleng nge lanelang e l’agruw nra wod.

Isaiah 24:6

Are Got e keyog ni nge buch wa’athan e fayleng; girdi’ riy e bayi fek machan e tin ur rin’ed. Ri bochu’uw i yad e ra par nib fos.

Jeremiah 12:11

Ka ra ted ni dakriy e wulgo’ riy; ke par u p’eowcheg ni dakriy ban’en riy. Ga’ngin fare but’ nike daken e ted ni desert, ni dakriy be’ ni be magfan’ ngay.

Jeremiah 14:2

“Yu Judah e ke parnag e meyor; pi binaw riy e ke fengfeng, girdi’ riy e ka ra thig gad nga but’ u fithik’ e gafgowan’, ma yu Jerusalem e yad be yornag e ayuw ngalang.

Jeremiah 23:10

Re nam ney e ke sug ko girdi’ nde yul’yul’ ngak SOMOL; tin kireb e yad be rin’ ma mat’awrad ni bay e ka ra muruwliyed e tin nib kireb ngay. But’ ko nam e ke kireban’ ya ke bucheg SOMOL wa’athan, ma yungi n’en nma kay e gamanman e pan riy e ke yim’ e pan riy.

Jeremiah 4:25

Gguy ni dariy e girdi’; mus ko arche’ ni kar changaggad karanod.

Jeremiah 4:28

Bayi yor e fayleng; ma lanelang e bayi lumor. I SOMOL e be non ni dabi thilyeg lanyan’. Ke turguy e tin nge rin’ ni dabi sulsul riy nga tomur.

Jeremiah 5:13

Yad be yog ni pi profet e dariy rograd ni yad bogi nifeng ni der pi’ SOMOL e thin rok ngorad. I SOMOL ni Got ni Gubin ma Rayag Rok e ke ga’ar ngog, “Jeremiah, bochan e pi thin nike yog e pi girdi’ ney, ma bay gu tay e thin rog nga langam ni bod ba nifiy. Girdi’ e bay ra boded e l’ud, ma nifiy e bayi urfiyrad ngar m’ay gad.”

Jeremiah 5:31

Pi profet e go’ ban e yad ma tay, ma prist e yad be gagiyeg u rogon nike yog e profet, ma girdi’ e dariy ban’en niyad be yog riy. Machane mang e yad ra rin’ ko ngiyal’ nike taw gubin ban’en ko tungun?”

Jeremiah 7:20

Ere gag, SOMOL ni Th’abi Tolang, e bay gu pu’og e damumuw rog nib gel nga daken e re Tempel ney. Bay gu pu’og nga daken e girdi’ nge gamanman nta’reb rogon, ma ku er i tay e gek’iy nge woldug. Damumuw rog e bayi bod ba nifiy ndariy be’ nrayag ni nge thang.

Jeremiah 9:10

Me gag Jeremiah e gu be ga’ar, “Bayi gafgowan’ug ko fapi burey, mu gu yornag e yungi tagil’ e abich ko gamanman; ya ke yim’ e pan riy, dakuriy be’ ni be milekag riy. Dakunir rung’ag laman e garbaw riy; arche’ nge gamanman ni malboch e kar milgad kar chuwgad riy.”

Jeremiah 9:9

Gur dab gu gechig nagrad ni fan e pin’ey? Gur dab gu falbayen ba nam ni aray rogon? I Gag SOMOL e gu be non.”

Hosea 4:3

Ere bayi m’ay e ran u daken e nam, ma urngin ban’en nib fos e bay yim’, ni urngin e pi gamanman nge pi arche’, mus ko nig ni bayi yim’.”

Joel 1:18

Be moen e garbaw ni kar gafgowgad ya dakriy e yungin ngar ked e pan riy; fa yu ran’ i saf e ku arrogon ni kar gafgowgad.

Amos 1:2

Me ga’ar Amos, “I SOMOL e tolul u Burey ni Zion; be yib laman u Jerusalem ni bod lingan e dirra’. Nap’an ni yodorom me yim’ e pan nma kay e gamanman, ma pan nib galunglung ni bay u daken e Burey ni Karmel e pig nge mororoy.”

Habakkuk 3:17

Yugra yan i par ndariy wom’ngin e gek’iy ni fig, ma dariy wom’ngin e grape; Yugra de k’uf e gek’iy ni olive, ma de k’uf e grain; mus nra yim’ urngin e saf, ma yugra par tafen e garbaw ndakuriy e garbaw riy;

Zekariah 1:12

Ma aram me ga’ar fare engel, “SOMOL ni Gubin ma Rayag Rok, kam par ni gab damumuw ngak yu Jerusalem nge pi binaw nu Judah nike gaman medlip i ragag e duw e chiney. Fin wi’in e ra taw ngay ma fin mu dag ngorad e runguy rom?”

Roma 8:22

Gadad manang ni urngin e tin ke sunumiy Got e be gel’gel’ ko amith ni bod rogon e amith ko gargel, ni kab kakrom i yib ke mada’ ko chiney.