Jeremiah 12:3 - Bible Ni Thothup

³ Machane, SOMOL, I gur e ga manangeg; gur e ga be guy e n’en ni gu ma rin’ nge rogon fanam t’uf rog. Mu girengiy e pi girdi’ nib kireb ney nga orel ni bod e saf ni ngan li’ ngem’; mu matanagiyrad nge mada’ ko ngiyal’ ni ngan thang e pogofan rorad.

Jeremiah 12:3 Σταυροειδείς Αναφορές

2 Kings 20:3

“SOMOL, nge par u wun’um, ni rogon ni ug pigpig ngom e rib fel’ rogon ma rigub yul’yul’ ngay ma gubin ngiyal’ ma gu be guy rogon ni nggu rin’ e tin gab adag ni nggu rin’.” Me tabab ko meyor nib gel.

1 Kronicles 29:17

Gu manang ni ga ma changar nga gumircha’en gubin e girdi’ ma bfel’ u wun’um e girdi’ ni bfel’ laniyan’. Gu be pi’ gubin e pin’ey ngom nrib fel’ lanin’ug ma kug guy rogon e girdi’ rom ni kar mu’ulunggad e ngaray nib felfelan’rad ngay ni ngar pi’ed e pi maligach rorad ney ngom.

BABYOR NI JOB 23:10

Yug aram rogon ma Got e manang gubin yay ni gu be yif’ eg; ra sikeng nigeg, ma ra pir’eg ni gu ba machalbog.

Psalms 11:5

Ma fal’eg i yaliy e fel’ nge kireb ni ta’reb rogon; ma pi’in der fol ko motochiyel e ma fananikayrad u polo i gumircha’en.

Psalms 139:23

Got, mu guy lanin’ug ngam nang; mu sikeng nigeg ngam nang e leam rog.

Psalms 17:3

Ga manang lanin’ug. Kamub ngog nnep’; ka mu sikeng nigeg ni polo’ ma dam pir’eg ba ar ar ni kireb u fithik’ag. Da gur ma yog ban’en nib kireb,

Psalms 26:1

A SOMOL, mog ni bfel’ e rog, ni bochan e gu be rin’ e n’en ni bfel’ ma rib pagan’ug ngom.

Psalms 7:9

Gur e ga ba Got ko mat’aw, ma ga ma pufthinnag lanin’mad nge ar ar romad. Mu taleg e pi’in kireb ko ngongol nib kireb ma ga tow’athnag e pi’in ni bfel’.

Jeremiah 15:15

Ma aram mug ga’ar, “SOMOL, i gur e ga manang. Mu leam nigeg ngam ayuwegneg. Pi’in ni yad be gafgow nigeg e ngam fulweg taban ngorad. Dab mu gum’an nigem rorad ngar li’edgag ngagum’. Mu leamnag ni yibe yog e thin nib kireb ngog ni bocham.

Jeremiah 17:16

Machane SOMOL, gathi gu be towasar ngom ni ngam girengiy e riya’ nga dakenrad; da gu finey bangiyal’ ni ngar gafgow gad. SOMOL, I gur e gamnang e ran’ey, gamnang ko mang e u gog.

Jeremiah 17:18

Mu tamra’nag e pi’in yad be gafgow nageg, ma ga faleg riy nga bang, SOMOL. Mu suguyrad ko marus, machane dab mu k’ar marus ngog. Mu girengiy e riya’ nga puluwrad nga mu tet’arad ngar yoch yang gad.

Jeremiah 20:12

Machane gur fare SOMOL ni Gubin ma Rayag Rok e mmat’aw e sikeng ni ga ma pi’ ngak e girdi’; ya ga manang e tin bay u lanin’rad. Ere mu gagiyeg ngug guy ni ka mu falbiy ko pi to’ogor rog, ya tin yibe rin’ ngog e kug pag fan nga pa’am.

Jeremiah 48:15

Moab nge pi binaw riy e kan kirebnag; ma pi’in pagel ni yad ba cheag e kan thang owcharad. I gag e pilung, ni fare SOMOL ni Gubin ma Rayag Rok, e kugog e pi thin ney.

Jeremiah 50:27

Ngan li’ gubin e salthaw rorad! Ngan thang e pogofan rorad! Girdi’ nu Babylon e kar bilged t’ay e gafgow! Ya ke taw ko ngiyal’ ni ngan gechig nagrad!” (

Jeremiah 51:4

Bay ra maad’adgad ngarmad’ u lan e yupa’ i kanawo’ ko pi binaw rorad.

John 21:17

Me ga’ar Jesus ngak ko yay ndalip, “Simon, ni fak John gur, gub t’uf rom?” Me taganan’ Peter ni bochan e ke gaman e dalip yay nike fith Jesus ngak e re bugithin ney ni ga’ar, “Gub t’uf rom?” Me ga’ar Peter ngak, “Somol, ga manang urngin ban’en; ga manang ni gab t’uf rog!” Me ga’ar Jesus ngak, “Mu gafaliy e saf rog.

James 5:5

N’umngin i nap’an e yafos romed u roy u fayleng e gimed be n’ag e salpiy ko tin tolang puluwon ban’en nge fafel. Kam duruw’iyed gimed kam sugsuggad ni fan ko rofen ni ba’aram ni bay nli’med ngam m’ad.

2 Peter 2:12

Machane pi girdi’ ney e yad be ngongol ni n’en ni yad be ar’arnag e ir e be gagiyeg nagrad, ni bod rogon e gamanman ni malboch ni kan gargelegrad ni nge kolrad e girdi’ ngan li’rad; ma pi girdi’ nem e yad ma yog e thin nib kireb nga bogi ban’en ndar nanged fan. Ma bay nli’rad ngarm’ad ni bod rogon e gamanman ni malboch;