Jeremiah 11:22 - Bible Ni Thothup

²² Ma aram me ga’ar SOMOL ni Gubin ma Rayag Rok, “Bay gu gechig nagrad! Pi’in pagel e bay nli’rad u tan e mael, ma pifakrad e bayi math’ owcharad ko bilig.

Jeremiah 11:22 Σταυροειδείς Αναφορές

2 Kronicles 36:17

Ma aram me pag SOMOL fare pilung nu Babylon nge cham ngorad. I thang fare pilung e fan rok e pi’in pagel nu Judah ni mus ngak e tin bay u Tempel. Dariy be’ ni runguy, fel’ yangren fa pilbithir, pumo’on ara ppin, m’ar nge pi’in de m’ar. I pi’rad Got nga pa’ ni yad gubin.

Jeremiah 18:21

Machane chiney SOMOL, e gu be wenig ngom ni ngam pag pifakrad nge math e fan rorad ni uyongol; ma ga pagrad ngan li’rad u fithik’ e mael. Mu pag e pi’in ni ppin nge thay figirngirad nge pifakrad u pa’rad; mu pag e pi pumo’on ngarm’ad ko liliy, ma ga pag e pi’in ni pagel ngan li’rad u fithik’ e mael.

Jeremiah 21:14

Me gag e bay gu gechig nagem ko n’en ni ka mu ngongliy. Bay gu urfiy e naun ntafen e pilung rom, ma re nifiy nem e ra urfiy urngin ban’en u to’oben i yan. I Gag SOMOL e gu be non.”

Jeremiah 44:13

Bay gu gechignag e pi’in yad ma par u Egypt, nri bod rogon ni gu gechignag yu Jerusalem — ko mael, nge uyngol, nge liliy.

Jeremiah 49:26

Rofen nem e yira thang owchen e pi’in kab pagel u daken e yupa’ i kanawo’ ko fare binaw, ma gubin e salthaw riy ni bay nli’rad.

Jeremiah 9:21

Yam’ e ke yib u langan e pi winda rodad nga naun, ke yib nga naun ko pi pilung rodad; ke thang owchen e bitir ni be fafel u kanawo’ nge pi’in ni pagel ni yad bay ko yungi tagil’ e market.

Lamentations 2:21

Fel’ yangren nge pilbithir e go’ yad ba aw’ u lan e kanawo’ ni karmad’. Pumo’on nge ppin ni bfel’ yangeren, e karm’ad ko saydon rok e pi to’ogor. Mu thang e pogofan rorad nide wurngan’um ni gelngin e damumuw rom e rofen nem.

Amos 4:10

“Gu pag e msilipig ngomed ni bod fa binem ni gu pag ngak piyu Egypt. Kug thang e fan rok e pi’in pagel romed u fithik’ e mael mu gu fek e pi os romed. Mu gu suguy p’ethungmed nga bon e yam’ u lan gin gimed be par riy. Machane ku da mu sulod ngog.