Jeremiah 11:19 - Bible Ni Thothup

¹⁹ Gu bod rogon ba saf nib sumnguy nni pow’iy i yan ni ngan li’ nge yim’, dagnang ni gag e yad be tanomnag e kireb ni nge togopluw ngog. Ra ga’argad, “Ngad thab’ed e re ke gek’iy ney nga but’ ni kabay wom’ngin; ngad thanged owchen nge par ni dakriy be’ ni ku ra yib wuran ngan’ bi’id.”

Jeremiah 11:19 Σταυροειδείς Αναφορές

BABYOR NI JOB 28:13

Gonop e dab ni pir’eg u fithik’ e girdi; dariy be’ ni manang e bin rriyul’ i fal’ngin.

Psalms 109:13

Mang e yigi math mit e pi’in owchen, mang e yigni pagtalin fithingan u lan e bin bayib e mfen.

Psalms 112:6

Be’ ni bfel’ e dariy bi’id nra magawon; ma dab ni pag tilin bingyal’.

Psalms 116:9

Are gu be yan u p’eowchen SOMOL u roy u but’ ko pi’in yad bfos.

Psalms 142:5

SOMOL, gu be yornag e ayuw ngom; i gur, SOMOL, e manaf rog; kemus ni gur e pagan’ rog ko biney e tamilang.

Psalms 27:13

Mich u wun’ug ni gu ra guy fel’ngin SOMOL ko biney e tamilang.

Psalms 31:13

Gu be rung’ag e kathkath ko to’ogor ni yo’or; ke ingeg e morus ni gel. Yad be purpuruy’ nib togopluw ngog, yad be makath ni ngar thanged e fan rog.

Psalms 35:15

Machane nap’an ni l’ag e oloboch ngog, ma go’ ra felan’gad miyad mu’ulung ngu’ur minmingad ngog; be pirdi’iyeg e pi’in dagnang owcharad ni dariy e toffan.

Psalms 52:5

Are Got e bayi tem ko bin but’ e fol ni dariy n’umngin nap’an; bayi tharbegem u tafnam; bayi chuwegem ko fayleng ko pi’in bafos.

Psalms 83:4

Yad be ga’ar, “Mired, ngad thirifed e re nam rorad ney, ya ngan pagtalin yu Israel ndabki yib ngan’uy bi’id.”

Proverbs 10:7

Pi’in manigil e yad ra par ni bod ba tow’ath uwun’uy, machane pi’in kireb e dabi n’uw nap’an mi ni pagtilrad.

Proverbs 24:15

Dab mbod be’ nib kireb nma guy rogon ni nge mro’ro’ ko girdi’ ni yul’yul’ ara fek e tabnaw rorad u pa’rad.

Proverbs 7:22

Me un ngak ngranow ni bod ba garbaw ni pumo’on ni ngan li’ ngem’, ma ku bod ba gamanman ni deer ni be yif ay i yan ni nge yan i tay ngalan ba wup,

Isaiah 32:7

Ir be’ nib kireb mma rin’ e kireb; ma lifith l’ugun ni aram e be ngongliy e makath ni nge gafgownag e pi’in gafgow nge dabiyag ngorad mat’wunrad.

Isaiah 38:11

Gu leamnag ni lan e biney e fayleng ni yibe par riy e dariy e ngiyal’ ni kug ra guy SOMOL bayay ara be’ ni kabfos.

Jeremiah 18:18

Ma aram me ga’ar e girdi’, “Marod ngad rin’ed ban’en ngak Jeremiah! Ya gubin ngiyal’ ni bay e pi prist ni yad ra fonow niged gadad, nge girdi’ nib gonop ni yad ra pow’iydad, nge pi profet ni yad ra weliy e thin rok Got ngodad. Ngad olobochgad ngak ma dab ku da motoyilgad ko tin be yog.”

Jeremiah 20:10

Gu ma rung’ag laman e girdi’ ni pire’ ni yad ma kathkath, ni be lungurad, “Gafgow nib gel e bay u gubin yang! Ere ngad eg niged e cha’nir ko pilung!” Mus ngak e pi’in nri gamad ba pach ni yad be sonnag ni yiggu thor. Be lungurad, “Sana rayag ni ngan bannag, me yag nda koled ngad fulweged taban ngak e tin ni be yog.”

Jeremiah 26:8

Ma nap’an ni yug gu mu’ i weliy urngin ban’en nike yog SOMOL ngog, ma aram me yib e pi prist, nge pi profet, nge girdi’ ra koledgag ni yad be tolul ni be lungurad, “Thingar ni li’em ngamum’ ni bochan e pi thin ney ni kamog!

Lamentations 3:60

Gamnang rogon e pi to’ogor rog ni yad be fananikayeg ma yad be makath nageg.

Ezekiel 32:24

“I Elam e bay u rom, nib liyeg fapi malangen e yam’ ko salthaw rok. Yad gubin nli’rad ko mael, miyad yan nga’ar ko fare fayleng ko pi’in karm’ad nda ni maad’ad nagrad ni bod ni yog e motochiyel ku Moses. Nap’an e yad bfos ma ur k’arnged e marus i yan, machiney e yad ba thig u but’ ni yad ba yam’ nib m’ayfarad.

Daniel 9:26

Ma bayi m’ay e ngiyal’nem ni Got e ke turguy ma bay ni thang e pogofan rok fa en ni turguy Got ni nge gagiyeg, ndariy ban’en nike bucheg. Re binaw nem nge fare Tempel ni bay riy e bay yib e salthaw rok ba pilung nib gel gelngin ngar buthuged. Ma tomur riy e yib ni bod e lul’ ni sugubur nge yib e ran riy i tharey e binaw nib tomgin nike fek e mael nge mogothgoth i yib ni Got e ke tiriggiliy.

Hosea 9:8

Got e ke l’ogeg ni gub profet ni nggu ginaeng e girdi’ rok nu Israel. Machane gubin yang ni gu ra yan ngay mi gimed guy rogon ni ngam thabey niged gag ni bod ba arche’. Mus ngalan e Tempel rok SOMOL ma girdi’ riy e to’ogor ko fare profet.