Jeremiah 11:16 - Bible Ni Thothup

¹⁶ Immoy bingyal’ ni ug gog ni yad bod bake gek’iy ni olive nib dammal yuwan mab yo’or wom’ngin ni fefelel’; ma chiney e bay gu tolul nib lingan dirra’ mu gup’ e nifiy nga yuwan mu gu tet’ar papa’ngin.

Jeremiah 11:16 Σταυροειδείς Αναφορές

BABYOR NI JOB 8:16

Girdi’ nib kireb e ma for ni bod e pan u tamal’, ni bod e pan ni be yo’or i yan u daken e milay’.

Psalms 52:8

Me gag e gu bod bake gek’iy ni olive ni galunglung u lane naun rok Got; Ke pagan’ug ko t’ufeg rok ni dabi mus ni manechibog ko pi chibog.

Psalms 80:16

Pi to’ogor romad e kar paged e nifiy ngay ma kar th’abed nga but’; mu changar ngorad u fithik’ e damumuw ngam thirifrad u but’!

Psalms 80:17

Mu ayuweg ma ga yororiy e girdi’ ni gur e mu mel’egrad, ni fare nam ni mu gagiyegnag ngi i par nib gel.

Psalms 83:2

Amsap, pi to’ogor rom e kar chelgad kar maelgad nib togopluw ngom, ma pi’in yad be fanenikem e yad be togopluw.

Isaiah 27:11

Papa’ngin e gek’iy e ke l’ud be m’ingm’ing, be kunuy e pi’in ppin ni nge mang l’ud. Bochan e dar nang e girdi’ fan ban’en, me’ere Got ni En ni Sunumiyrad e bay dabki kirban’ ngorad ara dag bochu’uw i marunguy ngorad.

Jeremiah 2:21

Gu yungem ni bod rogon ba ke grape nib mal’eag, ni yib ko bin th’abi fel’ e awoch. Machane a mu sap ko n’en ni ka mu rin’. Gur e kambod ba kenggin ba ke grapes nike wod ni dabki fel’.

Jeremiah 21:14

Me gag e bay gu gechig nagem ko n’en ni ka mu ngongliy. Bay gu urfiy e naun ntafen e pilung rom, ma re nifiy nem e ra urfiy urngin ban’en u to’oben i yan. I Gag SOMOL e gu be non.”

Jeremiah 7:20

Ere gag, SOMOL ni Th’abi Tolang, e bay gu pu’og e damumuw rog nib gel nga daken e re Tempel ney. Bay gu pu’og nga daken e girdi’ nge gamanman nta’reb rogon, ma ku er i tay e gek’iy nge woldug. Damumuw rog e bayi bod ba nifiy ndariy be’ nrayag ni nge thang.

Hosea 14:6

Ma bay ra chigargad ngar tugulgad ngar pired ni bfel’ ya’arad ni bod e gek’iy ni olive. Bay i yan gol’ochinginrad ni bfel’ ni bod e gek’iy ni cedar nu Lebanon.

Matthew 3:10

Ya tow e kan fal’eg rogon ke par ni nge th’ab e gek’iy u lik’ngin; gubin kaen e gek’iy nder yib wom’ngin ni bfel’ e yira th’ab nga but’ nga nin’ nga mit e nifiy.

John 15:6

En ni dabi par u fithik’ag e yira n’ag, nge mororoy ni bod ba pa’ngin e grape; papa’ngin e grape ni aram rogon e yira kunuy nga nin’ nga mit e nifiy nge yik’.

Deuteronomy 28:40

Bayi tugul e gek’iy ni olive u gubin yang u lane nam romed, machane bay mu pired ndariy e gapgep ni olive romed, ni bochan e bayi mulmul wom’ngin nge m’ay.

Revelation 11:4

Gali cha’nem ni ngar weregew e thin rok Got e yow fa gal ke gek’iy ni olive nge fa gal magal ni bay u p’eowchen fa en ni ir e Somol nu fayleng.