Jeremiah 11:13 - Bible Ni Thothup

¹³ Girdi’ nu Judah e ta’reb feni yo’or e got rorad ko binaw rorad, ma girdi’en yu Jerusalem e ka ra suwegged e altar nib bo’or ni fan ko maligach ko fare got ni Baal nib sunsonogor ni ta’reb urngin ko yupa’ i kanawo nu lan fare binaw.

Jeremiah 11:13 Σταυροειδείς Αναφορές

2 Kings 23:13

Miki kirebnag Josiah fapi altar ni ngongliy Solomon ni Pilung ni bay ko ngek u Jerusalem, ma bay ko yimuch ko Burey nu olives ni fan ko meybil ko liyos, ni aram e yibe tay fan fare got ni Astarte ni got rok yu Sidon, nge Kemosh ni got rok yu Moab, nge Milcom ni got rok yu Ammon.

2 Kronicles 28:25

Gubin e pi binaw nge pi yuchi binaw nu lan yu Judah ni ngongliy riy tagil e tayfan rok e pi’in ndar nanged Got, ni aram e yungi n’en ni un urfiy e pi incense riy ngak e pi got rok boch e nam. Irera’ kanawo’en ni girengiy Ahaz nga daken fare damumuw rok SOMOL ni Got rok e pi chitamngin.

Isaiah 2:8

Lan binaw rorad e ke sugnag e liyos, ni yad ma tayfan ma yad be siro’ nga bogi ban’en ni yad e kar ngongliyed nga pa’rad.

Jeremiah 11:17

“I Gag, fare SOMOL ni Gubin ma Rayag Rok, e gu yung yu Israel ngu Judah; machane chiney e kugog ngorad ni nge yib e riya’ ngorad. Ka ra girngiyed e ran’ey nga dakenrad ni bochan e kireb ni ka ra ngongliyed; kar puged e damumuw rog ko maligach ni yad be pi’ ngak Baal.”

Jeremiah 17:1

SOMOL e ga’ar, “Girdi’ nu Judah, denen romed e kan yoloy ko pen ni wasay; ma kan ker ngab p’ebgul e diamond nga lanin’med nge nga daken e pi tabthung ko pi altar romed.

Jeremiah 18:15

Girdi’ rog e chiney e ka ra paged talig; yad be urfiy e incense ngu’ur pi’ed ko pi got ni go’ bogi ban’en. Yad be dol’dol’ ko re pa’ i kanawo’ ni yad be yan riy, kar paged e yu pa’ i kanawo’ rorad ni kakrom; yad be yan u yu yang ni gathi kanawo’.

Jeremiah 19:4

Bay gu rin’ e ren’ey ya girdi’ nu roy e ka ra n’iged gag ma kar ta’ay niged e gin’ey ko incense ni yad be urfiy ngar pi’ed ngak yugu boch e got, ni bogi got ni mus ngorad, ara pi chitamangirad, ara pi pilung nu Judah ma dar nanged murung’agen. Ka ra suguyed e gin’ey nga racha’en e girdi’ ndawori bucheg ban’en,

Jeremiah 19:5

ma kar ubunged e pi altar ni fen Baal, ni fan e ngu’ur urfiyed pifakrad u mit e nifiy ngar pi’ed ngak ni maligach. Ri da gu pi’ mat’awrad ni ngar dumed ban’en ni aray rogon; ma ku de yib ngan’ug ban’en ni aray rogon.

Jeremiah 2:28

“Bu uw fapi got ni mu ngongliyed ni fan ngomed? Fa’an bay mu gafgowgad, me ere mu nonod ngorad ngar ayuweged gimed — ni fa’an gomang e rayag rorad. Judah, pire’ e got rom ni bod feni yo’or e binaw ni bay rom.

Jeremiah 3:24

Machane pigpig ngak Baal, ni fare got ko tamra’ e aram tapgin ma ke malog e yuran’ i gamanman rodad nge pifakdad ni pumo’on nge ppin, nge gubin e tin i thagnag e pi chitamangidad kakrom ko maruwel ni ur ted.

Jeremiah 3:25

Thingar da thiggad nga but’ u fithik’ e tamra’ nge mang m’ayfan rodad e upnguydad. Gadad nge pi chitamangidad kakrom e gubin ngiyal’ ni u da denengad nib togopluw ngak SOMOL ni Got rodad, ni da ud folgad ko tin ni yog.”

Jeremiah 32:35

Ka ra toyed e altar ni fen Baal u lan e yiy u Hinnom, ni ngar pi’ed pifakrad ni pumo’on nge ppin ni maligach ko fare got ni Molek. Da gog ngorad ban’en ni ngar rin’ed ni aray rogon, ma ku detun ngan’ug ni yad ra rin’ ban’en ni aray rogon nge waliy e girdi’ nu Judah nge denen.”

Jeremiah 44:21

“Fapi maligach ni gimed ma pi’ nge pi chitamangimed, nge pi pilung romed nge pi tayugang’ romed, nge girdi’ ko fare nam ni yad ma pi’ ni maligach u lan fa yochi binaw nu Judah ngu lan e yupa’ i kanawo’ u Jerusalem — e gimed be leamnag ni SOMOL e de nang murung’agen fa ke pag talin?

Jeremiah 44:5

Machane da um motoyilgad ara mu folgad riy. Dariy e ngam paged e ngongol romed ni kireb ko maligach ni gimed be pi’ ngak yug boch e got.

Jeremiah 48:35

Bay gu taleg e girdi’ nu Moab ndab kur ngongliyed e maligach ni mo’oruf ko yung i tagil e meybil rorad nge maligach ni yad ma pi’ ko pi got rorad. I Gag SOMOL e kugog e pi thin ney.

Jeremiah 7:9

Gimed be moro’ro’, ma gimed be thang e pogofan, ma gimed be par e pumo’on nge ppin ni gathi mabgol romed, ma bay mmicheged ni ngam weliyed e tin riyul’ mi gimed lifith l’ugunmed, ma gimed be pi’ e maligach ngak Baal, ma gimed be tay fan boch e got, ni bogi got nda mu nanged murung’agen.

Ezekiel 16:24

kam toy yungi n’en u charen gubin pa’ e kanawo ni ngu’um tayfan e liyos riy mu’um pi’em riy ni chuway’.

Hosea 10:1

Yu Israel e yad bod bake woldug ni grape nib sug wom’ngin. Ra i yo’or ban’en rorad ma aram e fin be yo’or e altar ni yad be toy. Ra be fel’ rogorad i yan ma aram e ku be fel’usun fa yu raba’ i malang ni yad be ngongliy ni ngu’ur meybilgad ngay.

Hosea 12:11

Ma yug aram rogon ma yibe meybil ngak e pi liyos u Gilead, ma pi’in yad ma meybil ngak e liyos e bay ni thang owcharad. Pi garbaw ni pumo’on e yibe maligach ngay u Gilgal, ma pi altar u rom e bayi par ni yu ulung i malang u daken e ted.”

Hosea 9:10

Be ga’ar SOMOL, “Som’on ni gu pir’eg yu Israel, ma bod e grape ni kan pir’eg ni be tugul u lan e ted ni desert. Som’on ni gguy e pi chitamangimed, ma bod ni gguy e tin som’on wom’ngin e fig nike lol u ngal’an. Machane nap’an nrabad ko fare Burey ni Peor, miyad tabab i tayfan Baal, ma de n’uw nap’an miyad bod feni sunsonogor fapi got nib t’uf rorad.