Jeremiah 10:9 - Bible Ni Thothup

⁹ Liyos rorad e kan ing ko silber nu Spain nge gol nu Ufaz, nni ngongliy u gubin e salap rok e pi’in ni bfel’ salpen i ngongliy ban’en; ma kanon’ e mad nga daken e pi liyos nem nib violet nge purple ra’en ni lifith e pi’in tha’bi salap i lifith e mad.

Jeremiah 10:9 Σταυροειδείς Αναφορές

1 Kings 10:22

Ma bay boch e barkow rok nma cheag ko tirok Hiram e barkow ngu ur churgad. Ma ra gaman dalip e duw me sul fapi barkow rok nike fek e gol, nge silber, nge nguwelean e elefant, nge gorilla nge mongki.

2 Kronicles 9:21

Ma immoy bogi barkow rok nma tareg u maday ni be un ko tirok Hiram ni Pilung e barkow. Yu dalip e duw me sul e pi barkow rok bayay nike fek e gol, nge silber, nge ivory, nge gamanman ni ape, nge mongki.

Psalms 115:4

Pi got rorad e ni ngongliy ko silber nge gol, ni pa’ e girdi’ e ni ngongliy ngay.

Psalms 72:10

Pi pilung nu Spain nge pi donguch e bay ur pi’ed e tow’ath ngak; gal pilung nu Sheba ngu Seba e bay ur pi’ew e maligach ngak.

Isaiah 23:6

Mu gogo’gad ko gafowan’, gimed e girdi’ nu Foenicia! Mu guyed rogon e mil nga Spain!

Isaiah 40:19

De bod ba liyos nma ngongliy e girdi’ nib salap, ma be’ nma maruwel ko gol e gabdiy e gol nga wuru’, me duwgiliy ay nga daken e silber nge par nike sak’iy.

Ezekiel 27:12

“Um siyobay u lan yu Spain ngu’um fek e silber nge wasay nge kobre’, nge lead ni puluwon e tirom ban’en.

Ezekiel 27:7

Lay rom e ni ngongliy ko mad ni wech, Ni linen nni sisyunag u Egypt, Nib m’ug. Tabogbog rom e ni ngongliy ko kire ni th’abi fel’, Nib ra’en purple nni fek ko donguch nu Cyprus.

Daniel 10:5

Mu gu sap mu gguy be’ nib mo’on nike yin’ e mad nib wech ma bay bangi leed ni gol nrib fel’ u lukngun.

Hosea 8:6

Be’ nu Israel nib salap e ir e toy fare liyos, ni aram e gathi ba got e ran’em! Fare garbaw nni ngongliy ko gol ni bay u Samaria e bay ni bilbilig nge yochiyang.

Jonah 1:3

Machane me mil Jonah rok SOMOL nge yan nga Tarshish. I yan nga Joppa, me pir’eg ba barkow u rom ni be n’en ni nge yan nga Tarshish; me pi’ puluwon nge un nga daken me cheag ngak e sala ko re barkow nem ngranod nga Tarshish, nike mal’af rok SOMOL.

Habakkuk 2:19

Bay yib e gechig ngomed! Ma lungumed ngak bangi ren, “Mu od!” ara ngak ba malang, “Mu sak’iy!” Gur rayag rok ba liyos ni nge tamilangeg nem u ban’en? Ra manga kan ing ko gol nge silber, machane dariy e yafos u fithik’.