Jeremiah 10:25 - Bible Ni Thothup

²⁵ Mu sapeg e damumuw rom ko pi nam ndarir liyor gad ngom nge nga daken e pi’in ni ka ra furyed gur. Kar li’ed e girdi’ rom; ma karted gamad ko bin but’ e fol ka ra paged e nam romad ni dakriy woton u but’.

Jeremiah 10:25 Σταυροειδείς Αναφορές

BABYOR NI JOB 18:21

Ireram wa’athan e pi’in kireb, wa’athan e pi’in ndariy fan Got u wan’rad.

Psalms 14:4

Me fith SOMOL ni ga’ar, “Gur dar nanged? Gur urngin e pi cha’ney ni yad be ngongliy e kireb e de tamilangan’rad? Kar pired yad be leag u fithik’ e yargel e tirok e girdi’ rog, ma darir meybilgad ngog.”

Psalms 147:20

De rin’ e ran’ey ni fan ngak yug boch e nam; ni dar nanged e motochiyel rok. Ke sorok SOMOL!

Psalms 27:2

Ngiyal’ nra cham e girdi’ nib kireb ngog ni yad be guy rogon ni ngar thanged e fan rog, ma ra tun ayrad ngar dol’gad.

Psalms 69:24

Mu pu’og e damumuw rom nge dakenrad; damumuw rom nib gel e nge kolrad!

Isaiah 43:22

Be ga’ar SOMOL, “Machane gathigag e um meybilgad ngog; ya chalabanmed yu Israel ngog.

Isaiah 64:7

Dariy be’ ni ka be meybil ngom; ma dariy be’ ni ka be yib ngom ni ngam ayuweg. Kam mithegem romad, ma kam n’agmad ni bochan e denen romad.

Isaiah 9:12

Syria ko ngek me Filistia ko ngal e kar falew langrow ni ngar ful’ew yu Israel. Ni yugu aram rogon ma damumuw rok SOMOL e daworimus; kab k’iyeg pa’ ni nge gechig.

Jeremiah 11:1

I SOMOL e ga’ar ngog,

Jeremiah 30:16

Machane chiney, e gubin e pi’in ra ful’ed gimed e bay ni ful’rad, ma gubin e pi to’ogor romed e bay ni fekrad nga orel ni yad e kalbus. Gubin e pi’in nu ur gafgow naged gimed e bay ni gafgow nagrad, ma gubin e pi’in ur giliw niged gimed e bay kun yodrom nagrad.

Jeremiah 50:17

I SOMOL e be ga’ar, “Girdi’ nu Israel e yad bod e saf, ni lol’oeg e layon ngar wagageygad. Som’on e fare pilung nu Assyria e cham ngorad, me migid ma Nebukadnezzar ni Pilung nu Babylon e guchiy e yil rorad.

Jeremiah 50:7

Bay i li’rad gubin e pi’in bay i mada’ nagrad. Pi to’ogor rorad e yad be ga’ar, ‘Kar denengad nib togopluw ngak SOMOL, ere n’en ni kad rin’ed e de kireb. Pi chitamangirad e i pagan’rad ngak SOMOL, yad e dabisiy ni ngar pired ni yad ba yul’yul’ ngak.’

Jeremiah 8:16

To’ogor rodad e ka ra tawgad ngalan e binaw nu Dan; gadad be rung’ag lingan e nifeng u peth’ngun e os rorad. Ga’ngin e binaw ni be t’on ko ngiyal’ ni be gogo’ e os rorad. Pi to’ogor rodad e karbad ni ngar gathayed tafadad nge gubin ban’en riy, nge binaw rodad nge girdi’ riy.”

Lamentations 2:22

Mu pining e to’ogor rog nga ba madnom ko k’ar marus u to’obeg i yan, Ma dariy be’ nrayag ni nge thay nge mil u fithik’ e damumuw rom e rofen nem. Kar thanged e pogofan rok pifakag, ni ug chugliyrad ni yad ba t’uf rog.

Zefaniah 1:6

Bay gu thang mit e pi’in kar pi’ed keru’rad ngog nda kurir lekedgag, ni pi’in nda kurirbad ngog ara ra ninged e ayuw ngog ni nggu pow’iyrad.”

Zefaniah 3:8

Me ga’ar SOMOL, “Ere yug muson, muson nag fare rran ni bay gu sak’iy nggu togopluw ko pi nam. Kug turguy u wun’ug ni nggu kunuy e pi nam nga ta’bang ya aram e nggu pagrad ngar thamiyed gelngin e damumuw rog. Ga’ngin e fayleng nra mogothgoth ko damumuw rog ni be mo’oruf.

Zekariah 1:15

ma kar gu damumuw ngak e pi nam ni kar felan’gad u fithik’ e mocha’ nge gapas. De n’uw nap’an nug kadan’ug ko girdi’ rog, ma fapi nam e ra gel niged e gafgow ngak e girdi’ rog nge pag rogon.

John 17:25

Chitamag ni gab mat’aw! Girdi’ nu fayleng e dawor ra nanged gur, machane gag e gu manangem, ma tiney e girdi’ e kar nanged ni gur e kam l’oegeg ku gub.

Acts 17:23

Ya kug wan u lan binaw romed ma kug guy e yungi n’en ni gimed be meybil riy, ma ku kug pir’eg ba altar ni kan yoloy e re bugithin ni ba’aray nga daken nike ga’ar, ‘Ngak ba got nda nnang!’ Re got nem nda mu nanged ma gimed be meybil ngak e ireram fare Got ni nggu weliy murung’agen e chiney ngomed.

1 Korinth 15:34

Mu sulweged lanin’med mi gimed tal ndab kum denengad. Ba’aray bbugithin ni nggog ma ngam tamra’gad ngay ni nge lungug: bay boch i gimed ndar nanged Got.

1 Thessalonika 4:5

ma gathi bochan e ar’ar rok, ni bod e pi’in ndar nanged Got.

2 Thessalonika 1:8

nge nifiy ni be daramram, ni nge gechignag e pi’in nde t’uf rorad ni ngar nanged murung’agen Got nge pi’in ndarir folgad ko fare Thin Ni Bfel’ ni murung’agen e Somol rodad i Jesus.

Revelation 16:1

Ma aram mu gu rung’ag ba lam ni ba ga’ ni be non u lan fare Tempel ngak fa medlip i engel ni be ga’ar, “Mmarod mpu’oged fa medlip raba’ i plet ni bay e damumuw rok Got riy nga daken e fayleng!”