Jeremiah 10:19 - Bible Ni Thothup

¹⁹ Girdi’ nu Jerusalem e yad be yor ngalang ni yad be ga’ar, “Kaygi almarin e maad’ad ni kadted! Ma’ad’ad u dowdad e dabi fos. Ya ud leam niged ni irera’ ban’en nrayag nda athamgiliyed!

Jeremiah 10:19 Σταυροειδείς Αναφορές

Psalms 39:9

Bay gu th’ab gulngag, ni ta’ab bugithin ma dab gog, ya gur e kam teg ni ngug gafgow ni aray rogon.

Psalms 77:10

Ma aram me lungug, “N’en ni ka ri kireban’ug ngay e Got e daki gel gelngin.”

Isaiah 8:17

I SOMOL e ke mith ko girdi’ rok, machane gu be par nib pagan’ug ngak me ir e ke lagan’ug ngak.

Jeremiah 14:17

I SOMOL e ta’chiylen ngog ni nggog ko girdi’ murung’agen e kireban’ rog ni ngug ga’ar: “Nge par lan owcheg ni be ser e lu’ riy ni rran nge nep’, mu gu par ndab gu tal ko meyor; ya girdi’ rog e rib elmerin e cham ni ka ni tay ngorad, rib gel e maad’ad ni ka ni tay ngorad.

Jeremiah 14:7

Girdi’ rog e yad be yor ngog ni yad be ga’ar, ‘Yug aray rogon ni denen romad e ku gu affed riy’en, machane SOMOL, mu aywegmad ni bod ni mmicheg. Kug pi’ed keru’mad ngom nike yo’or yay; ma ku gu denengad nib togopluw ngom.

Jeremiah 17:13

SOMOL, I gur e lagan’ rok yu Israel; urngin e pi’in yad ra n’igem e yad ra tamra’. Yad ra m’ay nga bang ni bod fithngey nni yoloy nga daken e fiyath, ni bochan e ka ra furyed gur, ni gur SOMOL, ni fare alublub nib machalbog.

Jeremiah 4:19

Amith! Dabkiyag ni ngu athmagliy e amith! Gumircha’eg! Be mithmith gumircha’eg nib almarin! Dabkiyag ni gu th’ab gulngag; kug rung’ag lingan e rappah nge lungun e tolul ko mael.

Jeremiah 4:31

Ku gu rung’ag laman e yor, ni bod be’ ni bpin ni nge gargel, nge ba tolul ni bod be’ ni bpin ni nge gargaleg e bin som’on e bitir rok. Re lam nem e lungun Jerusalem ni be rere’nag e pogofan rok, be ki’yag pa’ ni be ga’ar, “Gafgow gag! Karbad ni ngar thanged e pogofan rog!”

Jeremiah 8:21

Ke maad’ad lanin’ug ni bochan e girdi’ rog ni ka ra gafgow gad; gu be yor; kari gafgow an’ug.

Jeremiah 9:1

Gu be finey ni gomang e lolgeg e ba luwed ko ran, ma lan owcheg e ba athang’el ko lu’, ya nge yag ni gu yor ni rran nge nep’ ni bochan e girdi’ rog ni kan thang e pogofan rorad.

Lamentations 1:2

N’umngin e nep’ ni i yor; ngi i ser e lu’ u owchen nga but’. Dariy bagyad e pi’in ni ur fagergad ni magey ni nge fal’eg lanyan’. Pi’in yad e yad e karyag niged, go’ kar togopluwgad ngak e chiney.

Lamentations 3:48

Be map’ ni lul’ e lu’ nu owcheg ko gafgow rok e girdi’ rog.

Mikah 7:9

Kad denen gad nib togopluw ngak SOMOL, ere chiney e thingar da lubeged e damumuw rok boch ngiyal’. Machane tomur riy e bayi n’uf dad me yal’uweg e pi kireb ni ka ni ngongliy ngodad. Bayi chuwegdad u fithik’ e lumor nge fekdad ko tamilang, gadad ra par ni gadad bfos nge taw ko ngiyal’ nikad guyed nike thapeg dad make mat’aw nagdad.