Jeremiah 10:16 - Bible Ni Thothup

¹⁶ Fare Got rok Jakob e de bodrad; ya ir e sunmiy urngin ban’en, me ir e mel’eg yu Israel ni nge mang tirok e girdi’. I SOMOL ni Gubin ma Rayag Rok e ireram fithingan.

Jeremiah 10:16 Σταυροειδείς Αναφορές

Psalms 119:57

A SOMOL, urngin e tin bt’uf rog e gur; ku gu micheg ni nggu fol ko motochiyel rom.

Psalms 135:4

Ir e ke mel’eg Jakob ni nge milfan ngak, nge girdi’ nu Israel.

Psalms 142:5

SOMOL, gu be yornag e ayuw ngom; i gur, SOMOL, e manaf rog; kemus ni gur e pagan’ rog ko biney e tamilang.

Psalms 33:6

I SOMOL e non me sum e pi tharmiy, I non me sum e yal’ nge pul nge pi t’uf.

Psalms 73:26

Lanin’ug nge dowag e ra me’waer i yan, machane Got e ir gelngig; kari mus ni ir e nge yag ngog!

Psalms 74:2

Mu tay u wun’um e girdi’ rom, ni mu mel’egrad kakrom ni ngar manged girdi’ rom, ni pi’in ni mu chuwegrad ko sib ngar manged birom e ganong. Mu tay’ u wun’um e Burey nu Zion, ni um par riy bingyal’.

Exodus 19:5

Fa’an gimed ra fol rog ngam ayuweged fare m’ag rog, ma gimed ra par ni kam manged girdi’ rog. Fayleng ni polo’ e bmilfan ngog, machane bay mpired ni gimed e girdi’ ni kug mel’egmed ni ngam manged girdi’eg,

Exodus 34:9

Me ga’ar, “SOMOL, fa’anra rriyul’ ni gub fel’ u wun’um, ma gu be wenig ngom ni ngam un ngomad. Pi girdi’ ney e yad ba gel’an, machane wenig ngom mu n’agfan u wun’um e denen nge kireb romad, ngam pagmad nggu manged girdi’em.”

Proverbs 16:4

Urngin ban’en ni ngongliy SOMOL e bay e gin nge yani mada’ ngay, ma girdi’ ni kireb e gechig e ra mada’nag.

Isaiah 19:25

I SOMOL ni Gubin ma Rayag Rok e bayi fal’eg wa’athrad me ga’ar, “Egypt, bay gu tow’ath nigem, i gur girdi’eg; nge gur Assyria, ni gu sunmiyem; nge gur Israel ni girdi’ rog ni gu mel’eg.”

Isaiah 45:7

I gag e gu sunumiy e tamilang nge lumor; gu ma fek e fel’ rogon nge gafgow i yib. I Gag SOMOL e gu be rin’ urngin e pin’ey.

Isaiah 47:4

Fare Got nib thothup nu Israel e ke pithigdad fithngan e SOMOL ni Gubin ma Rayag Rok.

Isaiah 47:6

Kug damumuw ko girdi’ rog; kug ta’rad ni gowa gathi ku yad e girdi’ rog: Kug tayrad nga tan gelngim, ma da mu dag e runguy ngorad’; ni mus ko tin ke pilibthir ma ga be gafgow nagrad.

Isaiah 51:15

“I Gag SOMOL ni Got romed; i gag e gu pug e day nge mada’ lingan e n’ew riy ngalang. Fithingag e SOMOL ni Gubin ma Rayag Rok!

Isaiah 54:5

En ni sunumiyem e bayi bod be’ ni figirngim, fithingan e SOMOL ni Gubin ma Rayag Rok! Fare Got nib thothup nu Israel e bayi biyuliyem, ir e be gagiyegnag ga’ngin e fayleng!

Jeremiah 10:12

I SOMOL e ngongliy e fayleng nga gelngin; ni gonop rok e sunmeg e fayleng ngay me fil’ath lanelang.

Jeremiah 10:6

SOMOL, dariy be’ ni bod gur; I gur e th’abi gel gelngim, ma fithingam e ba mathangeluwol ma ba gel gelngin.

Jeremiah 31:35

I SOMOL e ke pi’ e yal’ ni nge pi’ e tamilang ni rran, ma ke pi’ e pul nge pi t’uf ni nge gal nnep’. I ir e pug e day nge chub lingan; i SOMOL ni Gubin ma Rayag Rok fithingan.

Jeremiah 32:18

Kam dag gelngin e t’ufeg rom ngak bokum biyu’ e girdi’, machane kag ma gechignag e girdi’ ni bochan e denen rok e gallabthir rorad. I gur e gab Got nib gab ga’ ma ba gel gelngim; I gur e SOMOL ni Gubin ma Rayag Rok.

Jeremiah 33:2

Fare SOMOL ni ir e sunmiy e fayleng nge ayliy nga tagil, e ir e non ngog. Fithingan e cha’nem e SOMOL ni ga’ar,

Jeremiah 46:18

I Gag fare SOMOL ni Gubin ma Rayag Rok, e gub pilung. I Gag fare Got nib fos. Bod rogon e Burey ni Tabor nib tolang ko pi burey nge fare Burey ni Karmel nib sak’iy ngalang u daken e day, e aram feni gel e cha’ nra cham ngomed.

Jeremiah 50:34

Machane cha’ nra lagrad e rib gel — fithingan e SOMOL ni Gubin ma Rayag Rok. Ir e bay i aywegrad me pi’ e gapas nga fayleng, ma gafgow e ra pi’ ko girdi’ nu Babylon.”

Jeremiah 51:19

Fare Got rok Jakob e de bodrad; ya ir e sunmiy urngin ban’en, ma ir e mel’eg yu Israel ni nge mang tirok e girdi’. I SOMOL ni Gubin ma Rayag Rok e ireram fithingan.

Lamentations 3:24

I SOMOL e kemus ni ir e urngin ban’en ngog, are ir e kug tay e pagan’ rog nga daken.

Amos 4:13

I Got e ir e cha’ ni ngongliy e pi burey me ir e sunumeg e nifeng. Me ir e gagiyegnag nge nang e girdi’ e leam rok; me ir e be gagiyegnag ngi i rran ma be nep’. I ir e ma yan u pe’bugul e fayleng. Ba’aray fithingan: ni SOMOL ni Got ni Gubin ma Rayag Rok!

Zekariah 2:12

Bay i sul bayay yu Judah nge par nib mal’eag nib milfan ngak SOMOL u lan e nam rok nib thothup, ma yu Jerusalem e bay i par ni fare binaw ni th’abi t’uf rok.

Deuteronomy 32:9

Ma pi’in owchen Jakob e ir e mel’eg ni ir e nge par rok.