Jeremiah 1:18 - Bible Ni Thothup

^18-19 Jeremiah, mu telim! Ra be’ ko re nam ney, ni pi pilung nu Judah, nge pi tolang, nge pi prist, nge girdi’ riy e yad gubin ni bay ra togopluwgad ngom. Machane daba’ e ku gu gagiyeg nigem ni nge yag ni ngam togopluw ngorad; bay mu bod bbinaw ni ka ni yororiy ni fan ko mael, nge ba duga’ ni wasey, nge bangi rungrung nni ngongliy ko wasey ni bronze. Dabiyag rorad ni ngar gelgad ngom, ya bay gu un ngom ngu’ug yoror rom. I Gag SOMOL e gu be non.”

Jeremiah 1:18 Σταυροειδείς Αναφορές

Isaiah 50:7

Machane moning ni yad be tay ngog e dariy ban’en nra rin’ ngog, ya SOMOL ni Th’abi Tolang e be pi’ e ayuw ngog. Kug athamgil, ya gu manang ndabiyag ni nge yan i aw ndariy fag,

Jeremiah 1:17

Jeremiah, mu fal’eg rogom; mman ngam weliy ngorad urngin e tin kugog ngom ni ngam weliy ngorad. Dab mu rus ngorad e chiney, ya rug gelnag e marus rom ko ngiyal’ ni kamtaw ngorad.

Jeremiah 15:10

Ba gel e gafgow ni gu be tay! Mang ni gargel nigeg e chitinag ngalan e biney e tamilang? Dabisiy ni nggu tugthin mu gu malu’ag thin ngak urngin e girdi’ ko re nam ney. Dawor gu pi’ e salpiy ngak be’ ni nge maruwel ngay nge mu’ me fulweg ngog, ma dawor gu ning e salpiy ku be’ nggu maruwel ngay nge mu’ mu gu fulweg; machane urngin e girdi’ ni yad be yibil ni yigi buch ban’en rog.

Jeremiah 15:20

Bay gu gagiyeg nigem ngam par u puluwrad ni ga bod bangi rungrung nib el nni ngongliy ko wasey ni bronze. Bay ur bad ra chamgad ngom, ma dabiyag ni ngar gelgad ngom. Bay gu un ngom ngu’ug yoror rom ngam par ndabi buch ban’en rom.

Jeremiah 20:11

Machane gur SOMOL e ga bay u ba’ rog ni gab gel ma gubin mrayag rom, ma pi’in yad be gafgow nigeg e bay ra parawgad. Bay ra pir’ed nike m’ayfarad ni manemus, ya dabiyag ni nge yan i aw nga rogon e tin yad be leamnag. Tamra’ ni yad ra tay e dariy n’umngin nap’an ma dab ni pag talin.

Jeremiah 21:4

ma nganog ngak Zedekiah ni SOMOL, ni Got nu Israel, e ke ga’ar, “Zedekiah, I gag e nggu cham nggu li’ fapi salthaw rom ni yad be cham nib togopluw ko pilung nu Babylon nge salthaw rok. Ma bay gu ulunguy talin e cham ko salthaw rom nga lukngun e binaw.

Jeremiah 26:24

Da ni pi’eg nga pa’ e girdi’ ngan thang e fan rog ni bochan e yib Ahikam ngi i ayuwegneg, nib mo’on ni Shafan e chitamngin.

Jeremiah 34:3

Dabyag ni ngam mil; bay ni kolem ngan pi’em nga pa’. Bay mmada’nag nge sabal owchamew ngam nnow. Ma aram e bay ni fekem nga Babylon.

Jeremiah 37:7

ngak Zedekiah, “Fa raba’ i salthaw nu Egypt e karbad ni ngar ayuweged gur, machane bay ra sulod nga taferad.

Jeremiah 38:18

Machane fa’anra dab mu pi’em nga pa’rad, ma aram e bay ni pi’ e re binaw ney nga pa’ piyu Babylon ngar urfiyed ma dabiyag ni ngam mil rorad.”

Jeremiah 38:2

ke ga’ar SOMOL, “En nra par u lan e re binaw nem e ra yim’ u fithik’ e mael, ara uyongol, ara liliy. Machane en nra yan nga wuru’ e re binaw nem nge pi’ ir nga pa’ piyu Babylon e dab ni li’ ngem’; me thay u pa’ e riya’ me fos.”

Jeremiah 42:22

Ere aram e nge par u wun’med e ran’ey: bay m’ad u fithik’ e mael fa uyngol ara liliy u daken e re gi but’ ni gimed ba’adag ni ngam pired riy.”

Jeremiah 6:27

Jeremiah, mu sikengnag e girdi’ rog, mu sikeng nagrad nga mu nang farad.

John 1:42

Ma aram me fek Simon i yib ngak Jesus. Me changar Jesus ngak me ga’ar ngak, “I gur Simon, ni fak John gur. Nge par fithingam ni Kefas.” (Re ngachal ney e ta’reb rogon fan ko fare ngachal ni Peter.)

Revelation 3:12

En nra gel nde pag ir ko kireb e ra gu tay ni ir reb e duga’ u lan e Tempel rok e Got rog, ma dabki chuw riy bi’id. Ma bay gu yoloy fithingan e Got rog nga daken, nge fithingan fare binaw rok e Got rog, ni fa bin nib be’ech e Jerusalem ni bay yib rok e Got rog u tharmiy nga but’. Ma bay ku gu yoloy fithingag nib be’ech nga daken.