Jeremiah 1:11 - Bible Ni Thothup

¹¹ Me fith SOMOL ngog ni ga’ar, “Jeremiah, mang e ga be guy?” Mu gu fulweg ni lungug, “Ba pa’ i gek’iy ni kel.”

Jeremiah 1:11 Σταυροειδείς Αναφορές

Genesis 30:37

Me fek Jakob yuley i papa’ngin e gek’iy ni poplar, almond, nge gubin papa’ngin e gek’iy ni pine, nge fathiy yu yangi keru’ fa yuley i gek’iy nge par ni kem’ug yu thal i wechwech riy.

Isaiah 55:11

Ku aram rogon e thin nma yib u l’ugunag, ndabiyag ni nge dabi rin’ e tin nike m’ay i leamnag rog; ya ra rin’ urngin ban’en ni kug l’oeg ni nge rin’.

Jeremiah 24:3

Ma aram me ga’ar SOMOL ngog, “Jeremiah, mang e kamguy?” Mug fulweg, “Fig. Ni tin ni bfel’ e rib fel’, ma tin nib kireb e rib kireb, ni dabyag i kay.”

Ezekiel 12:25

I Gag SOMOL, e bay gu non ngorad, ma n’en nggu gog e ra aw ngagil’. Dariy e sosowath riy. Ko ngiyal ni kigimed bfos, gimed e pi tatogopluw nir, me gag e bay gu rin’ e tin ni ug gineangmed riy ni gu ra rin’. I Gag SOMOL ni Th’abi Tolang e gu be non.”

Ezekiel 12:28

Ere ngamog ngorad ni Gag, SOMOL ni Th’abi Tolang e gu be ga’ar: Dabi sosowath. N’en ni gog e nge yodrom. I Gag SOMOL ni Th’abi Tolang e gu be non!”

Ezekiel 7:10

Yaran e riya’ e ke yib. Ke tagyet e cham. Ma tolngan’ e kemus tolngin.

Amos 7:8

Me fith ngog ni ga’ar, “Amos, mang e ga be guy?” Me lungug, “Ba fol nib yil’ i gaf ni ba’ ban’en u taban nib tomal.” Me ga’ar, “Mu sap, gu be maruwel ngay ni nge dag rogon gelngin e kireb nike tay e girdi’ rog, ya yad bod bangi rungrung nde k’iy. Dab kug thiliyeg lanin’ug bayay ni nge dab kug gechig nagrad.

Amos 8:2

Me ga’ar SOMOL, “Amos, mang e ga be guy?” Mug ga’ar, “Ba dug i wom’ngin e gek’iy.” Me ga’ar SOMOL ngog, “Ke anog e tomur ni nge mus e girdi’ rog ni Israel. Dab kug thiliyeg lanin’ug bayay ni nge dab kug gechig nagrad.

Zekariah 4:2

Me fitheg ni ga’ar, “Ba mang e ga be guy?” Mug fulweg ni lungug, “Ba tagil’ e magal nni ngongliy ko gol, u daken p’ebugul e bay barba’ i dabiy riy ni fen e gapgep. Ma daken tagil’ e magal e medlip lay e magal ni bay riy, ra balay ma medlip yang e wik ni bay riy.

Zekariah 5:2

Me fitheg fare engel ko mang e kug guy. Mug ga’ar ngak, “Bbabyor ni kan bachiy ni be changag u fithik’ e nifeng; re babyor nem e guyey e fit n’umngin ma ragag nge lal e fit radan.”

Numbers 17:8

Me reb e rran riy nnap’an ni yan Moses ngalan fare Tent, me guy ni ley rok Aron e sog, ni pow ko birok Levi e ganong e ke for mal’gun. Ke k’uf ke puf e floras riy, ma ke yib wom’ngin ni keal nike lol!