Isaiah 9:9 - Bible Ni Thothup

⁹ Urngin e girdi’ nu Israel, ni gubin e pi’in ma par u Samaria, ni bay ra nanged nike rin’ ni aray rogon. Machane riyad ba tolngan’ ma yad ba ufanthin. Ra ga’argad,

Isaiah 9:9 Σταυροειδείς Αναφορές

1 Kings 22:25

Me ga’ar Mikayah, “Bay mu nang ko ngiyal’ ni bay mman nga reb e senggil u ba’ ni tabugul ko naun ni ngam mith.”

Proverbs 16:18

Tolngan’ e be sor i yan ko riya’, ma ufanthin e be sor i yan ko gin yira mul riy.

Isaiah 26:11

Pi to’ogor rom e dar nanged ni ga ra gechig nagrad. SOMOL, mu tamra’ nagrad ma ga pagrad ngar gafgowgad; mu pagrad ngar gafgowgad u tan e gechig ni ka mu fal’eg rogon kam tay. Mu dag ngorad feni t’uf rom e girdi’ rom.

Isaiah 28:1

Nam nu Israel e kan turguy e gechig ni nge aw ngak! Fla’ab rok e be chuw ni bod yu kiy i te’eliyaw ni floras ni bay u lolugen e pi’in yad be yog e thin riy ni karm’ad ko rrum. Lolugrad nib uf e ka ni floridanag ni bfel’ rogon, machane kar thiggad nga but’ ni kar balyanggad ko rrum.

Isaiah 28:3

Ma ufan e pi’in yad be yog e thin ni yad ma balyang ko rrum e bay u not’not’ nga but’.

Isaiah 46:12

“Mu telmed ngog, gimed e girdi’ ni gelan’, ni gimed be leamnag ni gel ni ngam ted e kab mal’af.

Isaiah 48:4

Gumnang ni bay um pired ni gimed ba gel’an, ni bod feni el e wasay ma dab m’inggad ni bod e bronze:

Isaiah 7:2

Me taw e thin ngak fare pilung nu Judah ni salthaw nu Syria e ka ra mufgad ngalan yu Israel, me yib e marus ngak nge gubin e girdi’ rok ngu’ur t’on gad ni bod e gek’iy ni mithmitheg e nifeng.

Isaiah 9:8

I SOMOL ni yog rogon e gechig ni nge aw nga daken e nam nu Israel, ni aram e pi’in owchen Jakob.

Jeremiah 32:24

“Girdi’ nu Babylon e ka ra ubungyed e but’ nga wuru’ fare yoror nib liyeg fare binaw ni ngar oggad riy ngar koled. Mael, nge uyngol, nge m’ar e bayi gagiyegnag fare binaw nge aw ngalan pa’rad. Ke m’ug ni gubin e tin mog e ke riyul’.

Ezekiel 30:19

Nap’an ni gu ra gechignag yu Egypt ni aray rogon, miyad nang ni Gag fare SOMOL.”

Ezekiel 33:33

Machane nap’an ni bay yib i m’ug e tin kam weliy ngorad ngar nanged nriyul’, ya mmuduwgil ni bay yib i m’ug nriyul’, ma aram miyad nang ni immoy ba profet u fithik’rad.”

Ezekiel 7:27

Pilung e bay i yor, ma fak e pilung e bayi mulan’, ma girdi’ e bayi t’on ko marus. Bay gu gechig nagmed ko urngin e pin’en ni kam rin’ed, bay gu pufthin nagmed ni bod ni um pufthin niged boch e girdi’. Ni biney e bayi dag ngomed ni Gag fare SOMOL.”

Ezekiel 7:9

Dab gu digeymed fa gu dag bochi marnguy ngomed. Aram e nggu gechig nagmed ni fan ko pin’en nib golong ni kam rin’ed, ma aram e bay mu nanged ni Gag SOMOL ni gag e cha’ ni gu be gechig nagmed.”

Hosea 8:14

“Girdi’ nu Israel e kar toyed bogi tafen e pilung, machane kar paged talin e en ni sunmiyrad. Ma girdi’ nu Judah e kar toyed bogi binaw ni kan yaroriy ni fan ko mael, machane bay gu pi’ e nifiy nge urfiy fapi tafen e pilung nge fapi binaw rorad nga but’.”

Malaki 1:4

Yu Edom, ni yad e pi’in owchen Esau, e fa’anra lungurad, “Pi binaw rodad e ka ni kirebnag, machane bay da ngongliyed nge sul nga rogon,” machane fulweg rok SOMOL ngorad e be ga’ar, “Ngani pagrad ngar muruwliyed, ya bay gu sul ngay nggu kirebnag bayay. Ma bayi yog e girdi’ fithingan e pi binaw nem ni Binaw Nib Kireb, ma ku bay ntunguy fithingrad ni, ‘Fare nam ni bay i par SOMOL nib damumuw ngorad ndariy n’umngin nap’an.’”

Malaki 3:13

Be ga’ar SOMOL, “Kam thibthib niged gag, machane ke lungumed, ‘Mang e ku gogned ni murung’agem?’

Malaki 4:1

I SOMOL ni Gubin ma Rayag Rok e be ga’ar, “Nap’an ni bayi taw ko fare rran ma bayi mo’oruf e pi’in tolngan’ nge girdi’ ni kireb e leam rorad ni bod e pan nike mlik’. Rofen nem e yad ra mo’oruf ni dariy bochyang rorad nra magay.

1 Peter 5:5

Ma ku er rogomed e pi’in pagel nthingar mu folgad rok e pi’in pumo’on ni pi’ilal. Ma gimed gubin nthingar mon’ed madan e sobut’ laniyan’ nge bigimed me pigpig ngak bigimed; ya babyor nib thothup e be ga’ar, “I Got e ma togopluw ngak e pi’in nib tolangan’rad, mma ayuweg e pi’in nib sobut’an’rad.”