Isaiah 52:3 - Bible Ni Thothup

³ Be ga’ar SOMOL ni Th’abi Tolang ngak e girdi’ rok, “Dani chuw’iymed ko salpiy ni ngam manged sib, ma ku aram rogon ni bay ni chuwegmed ko sib ni dab ni pi’ e salpiy ni puluwonmed ni ngan pagmed.

Isaiah 52:3 Σταυροειδείς Αναφορές

Psalms 44:12

Gur e kam pi e girdi’ rom ni chuway’ nib achig puluwon ni gowa dariy fel’nginrad ngabang.

Psalms 44:13

Pi’in gamad buguliyoror e kar guyed e n’en ni kam rin’ ngomad, ya yad be moning ma yad be minmin ngomad.

Isaiah 1:27

Ya SOMOL e ba mat’aw ere bayi mat’awnag yu Jerusalem nge en ke pi’ keru’ ko kireb rok.

Isaiah 45:13

I gag e kug gagiyegnag Cyrus ke ngongol ni nge rin’ e tin kem’ay i leamnag rog nge yan i aw nrogon. Bay gu yal’uweg urngin pa’ e kanawo’ ni nge yan riy. Bayi fulweg e binaw rog ni Jerusalem nga rogon, me gagiyegnag e girdi’ rog ni yad be par u reb e nam ni kar kalbusgad nga ni pagrad. Dariy be’ nike pi’ puluwon ara ke pi’ ban’en ngak ni fan e nge rin’ e ren’ey.” I SOMOL ni Gubin ma Rayag Rok e keyog e pi thin ney.

Isaiah 50:1

Be ga’ar SOMOL, “Mogned, gimed be finey ma gu n’agmed e girdi’ rog ni bod be’ ni n’ag le’engin? Ere bu uw babyoren e machuw? Gimed be finey ma gu pi’med nchuway’ ngam kalbusgad ni bod be’ nib mo’on ni pi’ pifak nchuway’ ngar manged sib? Danga’, ni fekmed nga reb e nam ngan kalbus nagmed ni bochan e denen romed; ni fekmed ngam marod ni bochan e kireb romed.

Isaiah 62:12

Bay ni piningmed ni “Girdi’ Rok Got Ni Thothup,” “Fapi Girdi’ Nike Ayuwegrad SOMOL.” Jerusalem e bay nog ni “Fare Binaw Nib T’uf Rok Got,” “Fare Binaw Ni de Fek Got Owchen Riy.”

Isaiah 63:4

Ya gu turguy ni ngiyal’ ni nggu ayuweg e girdi’ rog e ke taw; ya ke taw nga nap’an ni nggu gechignag e pi to’ogor rorad.

Jeremiah 15:13

I SOMOL e ga’ar ngog, “Bay gu pi’ e pi to’ogor ngar feked e fel’ rogon nge machaf ni bay u pa’ e tirog e girdi’, ni aram e gechig rog ngorad ni bochan e pi denen ni yad be ngongliy u lan e re nam ney ni ga’ngin.

Ezekiel 16:31

U daken gubin e yupa’ i kanawo’ e kam toy yungi tagil’ ni ngu’um tayfan e pi liyos riy mu’um pi’em riy nchuway’. Machane gathi ga be rin’ ni bochan e salpiy ni bod boch e pi’in yad ma falchuway’ ngorad.

Ezekiel 34:27

Ma bay i k’uf e gek’iy, ma be yib e ggan ko woldug, mra be’ ma be par ko girok’ e binaw ndabki buch ban’en rok. Ngiyal’ ni gu ra luf e chen ko girdi’ rog ngar chuwgad u tan pa’ e pi’in ni ka ra tedyad ni sib, ma aram e bay ra nanged ni Gag SOMOL.

Levitikus 25:54

Fa’anra dab ni pag nge yan nib puf rogon u reb e pi kanawo’ ney, ma ir nge pifak e thingar ni pagrad ngranod nib puf rogorad ko fare Duwan e Felfelan’.

1 Peter 1:18

Ya gimed manang e n’en ni kan pi’ nga puluwmed ni fan e ngan pithigmed u pangimed nib m’ayfan ni af ngomed rok pi chitamangimed ni kakrom. Gathi ban’en nrayag ni nge kireb, ni bod rogon e silber ara gol;