Isaiah 41:2 - Bible Ni Thothup

² “I mini’ e gagiyegnag fa’anem nma gel ko mael nge yib u ngek demturug e gin be yan riy mma gel ko mael? I mini’ e be gagiyegnag nge gel ngak e pi pilung nge pi nam ko mael? Saydon rok e ma toy ngorad nga but’ ni gowa yad e fiyath! Gan e gat’ing rok e ma weregrad ni bod e nifeng nma wereg e pan nike mlik’!

Isaiah 41:2 Σταυροειδείς Αναφορές

Genesis 11:31

Me fek Terah Abram ni be’ nib mo’on ni fak, nge tongin i Lot ni be’ nib mo’on ni fak Haran, miki fek Terah Sarai ni le’engin Abram ni fak me un ngorad ngar chuwgad ko re binaw nem nu Ur ni bay u lan e nam nu Babylonia, miyad yan ni ngranod ko nam nu Kanaan. Miyad mada’ nga Haran miyad par u rom,

Genesis 17:1

Nap’an ni mereb i ragay nge merab e duw yangren Abram, me yib i m’ug SOMOL ngak me ga’ar ngak, “I gag Got ni Gubin ma Rayag Rog. Mu par ni ga be fol rog u n’umngin nap’an e yafos rom ngam par ni dariy thibngim.

2 Samuel 22:43

Kug pirdi’iyrad kar pired ni yad bod e fiyath; gu be yit’yit’rad nga but’ ni bod e rungdu’ u daken e kanawo’.

2 Kings 13:7

Ma dakuriy e salthaw rok Jehoahaz ni magey, kemus wugem e girdi’en e yan u os, ragag e chariot, nge 10,000 e salthaw ni mayan u but’, ya fare pilung nu Syria e ke thirif u but’ e tin ki immoy, ke yotyotrad nga but’ ni bod e fiyath.

2 Kronicles 36:23

“Irera’ e n’en keyog Cyrus ni Pilung nu Persia ni ngan rin’. I SOMOL ni Got nu Tharmiy e ke teg ni gag e nggu gagiyeg u daken e re fayleng ney ni ga’ngin ma ke pagfan fare tempel ngog ni nggu toy ni fen u Jerusalem u lan yu Judah. Ere chiney e gimed gubin e pi’in ni gimed e girdi’ rok Got e ngam marod e ngaram, mang e yigi un SOMOL ni Got romed ngomed.”

Ezra 1:2

“Ba’aray e thin ni yog Cyrus ni Emperor nu Persia. I SOMOL, ni ir fare Got nu tharmiy, e ke teg ni gag e pilung ko fayleng ni ga’ngin, ma ke pi’ e maruwel rog ni ngug toy ba tempel ni fan ngak u Jerusalem ni bay u lan e nug nu Judah.

Isaiah 40:24

Yad bod e woldug ni kafini tugul, kafini thay lik’ngin. Ma nap’an ni pi’ SOMOL e nifeng nge yib, me mororay me changegnag e nifeng ni bod ba ke pan nike mlik’.

Isaiah 41:25

“Kug turguy be’ nib mo’on nma par ko ngek; bay gu gagiyegnag nge yib u lel’och i cham ngomed. Bay i yot’yot’ e pi’in yad ma gagiyeg ni gowa yad e rungdu’, ni bod be’ nma ma’ th’ib ni be yot’yot’ e but’.

Isaiah 41:3

Ma lekrad ni be lol’ograd ndariy ban’en nra buch rok, nib machreg ni be yan ni nge langlang u but’ ngalang!

Isaiah 42:6

“I Gag SOMOL e kug piningem ku gu pi’ gelngim ni ngam guy rogon ngam rin’ e tin nib yal’uw u fayleng. Ngug ngongliy bm’ag u thilmad urngin e girdi’ ni nggu rin’ u dakenam; bay gu pi’ e tamilang ngak e pi nam u dakenam.

Isaiah 45:1

Cyrus e fare pilung ni SOMOL e duwgiliy! I SOMOL e turguy ni nge gel ngak e pi nam ko mael; SOMOL e l’oeg nge gel ngak e pi pilung; SOMOL e bayi bing e mab ko pi binaw ngak. I SOMOL e ke ga’ar ngak Cyrus,

Isaiah 45:13

I gag e kug gagiyegnag Cyrus ke ngongol ni nge rin’ e tin kem’ay i leamnag rog nge yan i aw nrogon. Bay gu yal’uweg urngin pa’ e kanawo’ ni nge yan riy. Bayi fulweg e binaw rog ni Jerusalem nga rogon, me gagiyegnag e girdi’ rog ni yad be par u reb e nam ni kar kalbusgad nga ni pagrad. Dariy be’ nike pi’ puluwon ara ke pi’ ban’en ngak ni fan e nge rin’ e ren’ey.” I SOMOL ni Gubin ma Rayag Rok e keyog e pi thin ney.

Isaiah 46:11

Gu be pining be’ nib mo’on ni nge yib u ngek; bay yib ni bod ba arche’ ni pag ir nge yib nga but’ ni nge kol ban’en, me rin’ e tin kem’ay i leamnag rog. I gag e kug non, ma tin kugog e bay nrin’.

Isaiah 48:15

I gag e en ni gu non nggu pining; nggu pow’iy mu gu gagiyegnag nge fel’ rogon.

Lamentations 1:15

“I Somol e ke minmin ko urngin e salthaw rog ni yad ba chacheag; Ma ke pi’ barba’ i salthaw ni ngar li’ed e pumo’on ni bfel’ yangren rog. Ke pirdi’iy e girdi’ rog ni bod e grape ni yima udiy ni ngan fek l’ogwen.

Hebrews 7:1

Cha’ney i Melkizedek e immoy ni ir e pilung nu Salem me ir e prist rok Got ni th’abi tolang. Nap’an ni be sul Abraham nike mu’ ko mael ni ir e li’ fapi pilung riy, me yib Melkizedek i guy me yibilay Melkizedek Abraham ngak Got ni nge fal’eg Got wa’athan.

Revelation 16:12

Me pu’og fa bin nel’ e engel e ba’ rok e plet nga daken fare lul’ ni ba ga’ ni Eufrates fithingan. Me mlik’ fare lul’ nge mang kanawo’ ngak e pi pilung ni ngarbad u lan e ngek.

Revelation 7:2

Mu gguy yugu reb e engel nike yib ngalang u lan e ngek nike fek fare hang rok fare Got ni be par nib fos. Me non ni ba ga’ laman ngak fa aningeg i engel ni fa’ani ke pi’ Got gelngirad ni ngar tagan niged e binaw nge day.