Isaiah 41:1 - Bible Ni Thothup

¹ Be ga’ar Got, “Mu th’abed gulungmed ngam telmed ngog gimed e pi nam ni gimed bmal’af! Mu fal’eged rogomed ni ngam feked e oloboch romed nga tafen e puf oloboch. Bay ni pagmed ngam welthingad. Ngad mu’ulunggad ngad guyed ko mini’ e bmat’aw.

Isaiah 41:1 Σταυροειδείς Αναφορές

Isaiah 1:18

Be ga’ar SOMOL, “Mired ngad puruy’gad. Kam alitgad ko denen nib row ram’en, machane bay gu maluk nagmed ngam be’echgad ni bod feni be’ech e ayis. Yug aram rogon ni kam alitgad nrib row ra’en, ma bay mu wechwechgad ni bod bunu’en e saf.

Habakkuk 2:20

I SOMOL e bay u lan e Tempel rok nib thothup; gubin e girdi’ nu fayleng ma nge th’ab gulungan u p’eowchen.

Zekariah 2:13

Mu th’abed gulungmed gimed gubin e girdi u p’eowchen SOMOL, ya arme ke yib u tagil’ nib thothup.

Psalms 46:10

Be ga’ar, “Mu paged e cham, mi gimed nang ni gag Got, ni gag e th’abi tolang u fithik’ e pi nam, mi gag e th’abi tolang u fayleng!”

Isaiah 34:1

Mired, gimed e girdi’ u gubin e pi nam! Mu’ulung gad ngam motoyilgad. Ga’ngin e fayleng nge gubin e pi’in ni be par u daken e nge yib ngaray nge motoyil.

Isaiah 11:11

Rofen nem, e ra maruwel Somol nga gelngin nge fulweg e girdi’ rok nga tabinaw, ni pi’in nra magachgad u Assyria ngu Egypt, u lan fare nam nu Pathros ngu Sudan, ngu Elam, ngu Babylonia, ngu Hamath, nge pi binaw u charen e day nge pi donguch u lan e day.

BABYOR NI JOB 38:3

Mu sak’iy chiney ngalang nrogon e pumo’on ngam fulweg e tin nggu fith ngom.

Isaiah 50:8

ya Got e ba chugur ngog, me ir e bayi micheg ni bfel’ e rog. Gur bay be’ nra math’ loran rok ni nge yog ban’en nib kireb ni kug rin’? Ere ngani pagmow nggu warow nga tafen e puf oloboch! Mi ni pag nge weliy e kireb ni gomanga kug rin’!

Isaiah 49:1

Mu telmed ngog e pi nam nib mal’af, ni gimed e girdi’ ni mal’af! Dawor ni gargel nigeg ma ke mel’egeg SOMOL, me turguyeg ni nggu mang tapigpig rok.

Isaiah 48:16

“Mu chugurgad ngog ngam rung’aged e n’en ni gu be yog. Aram ko tobolngin e ug non nib tamilang ma gubin ngiyal’ ni ug gagiyegnag nge yib i m’ug e thin rog nib rriyul’.” (I SOMOL Ni Th’abi Tolang e ke pi’ gelngin ngog e chiney ma ke l’oegneg.)

Isaiah 40:31

Machane pi’in yad be toer ngak SOMOL ni nge ayuwegrad e bay ra pir’eged nike yib gelngirad bayay. Bay ra changeggad ngalang ni bod e arche’ ni eagle; yad ra mil, ma dab ra magaergad; ma yad ra yan, ma dabi m’ay gelngirad.

Isaiah 41:5

“Girdi’ ko pi nam ni yad bmal’af e ka ra guyed e pin’en ni ku gu ngongliy; ka ra tamdaggad ni yad be t’on ko marus. Ka ra mu’ulunggad ni yad gubin karbad.

Isaiah 43:9

Mpininged e pi nam ngarbad ko pufthin. Bin ngan e pi got rorad e rayag rok ni nge yog e tin bay fini yib? Mini’ e arorad e yi’iynag e pin’en ni be m’ug e chiney? Pi got nem e ngar feked e pi mich rorad ngarbad ngar micheged ni yad e sororad, ngar micheged ni thin rorad e ba riyul’.

Isaiah 43:26

Darod nga tafen e puf oloboch; mired nga mogned e tin ni gomanga kam dabuyed rog. Mu welthingad ngam micheged ni gimed ba mat’aw!