Isaiah 22:2 - Bible Ni Thothup

² Ga’ngin fare binaw nike mada’ lingan ngalang, nike sug nga lingan e uf uf. Girdi’ nike yim’ u tan e re mael ney e gathi cham e rm’ad riy.

Isaiah 22:2 Σταυροειδείς Αναφορές

Isaiah 10:4

Bay ni li’med ngam m’ad u fithik’ e mael ara ni girngiymed i yan ni gimed ba kalbus. Ma damumuw rok SOMOL e daworimus; ma pa’ e bayi par ni ka ba k’iy ni nge gechig.

Isaiah 23:7

Moged irera’ fare binaw ko felfelan’ nu Tyre nni sunmiy ni kari kakrom? Irera’ fare binaw nma pi’ e girdi’ nge th’ab e day nge yan i par nga boch e nam?

Isaiah 32:13

ma pan ni bay rachangalen e be tugul u daken e but’ rok e tirog e girdi’. Mu yor niged urngin e naun ni i par e girdi’ riy ni yad ba felfelan’ nge fare binaw ni i yan e maruwel riy ni bfel’ rogon.

Isaiah 32:14

Mus nga tafen e pilung ni bay nn’ag, ma fare binaw ni tochuch ko nam e bay nn’ag. Pi tafen e girdi’ nge pi naun ni kan yororiy ni fan ko mael ma matanagen e binaw e bayi par nib puth ndariy n’umngin nap’an. Pi gamanman ni dongki ni malboch e bay ur gorbalgad riy, ma saf e bay ur pir’eged e pan riy ni ngar ked.

Isaiah 37:33

Ba’aray e thin nike yog SOMOL ni murung’agen e emperor nu Assyria, “Ri dabi yib ngalan e re binaw ney fa pag ta’reb e gan e get’ing nge yib nga langgin, ma salthaw ni kar feked fa yungi shield e dab ra chugurgad ko re binaw ney, ma salthaw rok e dab ra ubunged e malang nge but’ ni nge longobiy e re binaw ney ni ngar mithgad nga fon ko mael.

Isaiah 37:36

Re nep’ i n’em e yan ba engel rok SOMOL ko gin be par e salthaw nu Assyria riy me thang e pogofan rok 185,000 e salthaw. Ma fa’ani puf e woch ma yad gubin ni yad bay u but’ ni karm’ad.

Jeremiah 14:18

Nap’an ni gu ra yan nga daken e pi flang ma gu be guy e ldow ko pumo’on ni kan li’rad ko mael; ma nap’an e gu ra yan ngalan e yochi binaw, mu gguy e girdi’ ni yad be yim’ ni mak’iy. Pi profet nge pi prist e ka yad be ngongliy e maruwel rorad, machane dar nanged e n’en ni yad be rin’.”

Jeremiah 38:2

ke ga’ar SOMOL, “En nra par u lan e re binaw nem e ra yim’ u fithik’ e mael, ara uyongol, ara liliy. Machane en nra yan nga wuru’ e re binaw nem nge pi’ ir nga pa’ piyu Babylon e dab ni li’ ngem’; me thay u pa’ e riya’ me fos.”

Jeremiah 52:6

Rofen ni gaman e mereb ngay ko pul ni aningeg ko re duw i n’em, me gel e uyongol u lan fare binaw ndakuriy ban’en ni nge kay e girdi’,

Lamentations 1:1

Yu Jerusalem nike par ni go’ ir, ya immoy bangiyal’ nib sug ko girdi’! Immoy ni ir e ba sorok u fayleng, ma chiney e ke bod be’ ni bpin nike yim’ figirngin; Re nam nib pilung u fithik’ e pi nam e ke mang ba sib.

Lamentations 2:20

SOMOL mu changar! Mangfan ni ga be gechig nagmad ni arayrogon? Pi’in ni ppin e yad be longuy pi fakrad nrib t’uf rorad! Prist nge profet e yi be thang e pogogan rorad u lan e Tempel!

Ezekiel 22:5

Tin ba chugur e binaw nge tin ba palog rom e yad be girig ngom ya ridamur dum’.

Zefaniah 2:15

Irera’ e n’en ni bayi buch ko fare binaw nrib tolngan’ ma rib taf nga gelngin nib gel, ma be leamnag ni dakriy ban’en nra buch rok. Girdi’ riy e yad be leamnag nre binaw rorad nem e ir e th’abi cheag u fayleng. Ere ayugumguyew ko gin bayi yan i aw ngay, ni bayi par ndakuriy be’ riy me mang tagil’ e toffan ko gamanman. Gubin e girdi’ nra yib u charen me m’ing ban’en u yinrad ko morus.