Hosea 6:9 - Bible Ni Thothup

⁹ Fapi prist e yad bod baraba’ i girdi’ ntamororo’ ma yad ba tacham ni yad ma pach ngu’ur son gad. Mus nga daken fare kanawo’ ni yan ko fagin nib thothup nga Shekem ma yad ma mathang pogofan riy. Miyad be ngongliy gubin e pi kireb ney nri lanin’rad.

Hosea 6:9 Σταυροειδείς Αναφορές

Genesis 12:6

me milekag Abram nge yib i mada’ ko fa gin’en ni bay fare ke gek’iy ni oak riy u Moreh u lan e binaw nu Shekem. (Re ngiyal’ i n’em e ka be par e girdi’ ni kanog e Kanaanite ngorad u lan e re nam nem.)

1 Kings 12:25

Me yororiy Jeroboam ni Pilung nu Israel e binaw nu Shekem ni fan ko mael u lan fare gi nug nu Efraim ni go’ burey me par u rom bochi ngiyal’. Me chuw u rom nge yan i yororiy e binaw nu Penuel ni fan ko mael.

Ezra 8:31

Rofen ni ragag nge l’agruw ko bin m’on e pul e gu chuwgad ko fare lul’ ni Ahava nggu warod nga Jerusalem. Got romad e un ngomad ngi i yororiymad ko cham nge gafgow ni be yibnag e pi to’ogor romad ngomad nap’an ni gamad be milekag.

Jeremiah 11:9

Ma aram me ga’ar SOMOL ngog, “Girdi’ nu Judah ngu Jerusalem e yad be makath nib togopluw ngog.

Ezekiel 22:25

Pi tolang e kar boded e gamanman ni layon ni yad be gowol nga daken e gamanman ni kar li’ed. Yad e yad ma li’ e girdi’ ngar feked e salpiy rorad nge tin nib milfan ngorad ban’en, miyad pag e ppin nib pire’ ni dakriy figirngirad.

Ezekiel 22:27

Ma pi tamal’gun e am nu Israel e kar boded e pilis ni malboch ni yad ma popof e gamanman ni kar li’ed. Yad be mathang pogofan ni bochan e nge yo’or ban’en rorad.

Ezekiel 22:9

Boch e girdi’ romed e be gathibthibnag ma be t’ar e thin nga daken boch e girdi’ ya ngan thang e pogofan rorad. Ma bochi yad e be kay e pin’en ni kanpi’ ni maligach ko liyos. Ma boch i gimed e gubin ngiyal’ ni yad be gay e chum’er, ni nge gamen e tin yad be ar ar nag.

Ezekiel 23:27

Bay gu taleg ngonglem ni kireb nge tin golong e gafarig ni mu tabab ngay u lan yu Egypt. Ma dakuriy bangiyal’ ni ga ra sap ngab liyos ara mu leamnag yu Egypt bayay.”

Hosea 2:10

Ma aram e bay gu luf e mad u daken u p’eowchen pi ilingen, ma dariy be’ nrayag rok ni nge ayuweg nge chuweg u pa’ag.

Hosea 4:2

Girdi’ riy e yad ra micheg boch e thin ni yad ra rin’ ma darir ted nga tagil’; yad ma lifith l’ugunrad, ma yad ma thang e pogofan, ma yad ma moro’ro’, ma yad ma par e pi’in ni gathi mabgol rorad. Pi kireb ni yad be rin’ e be yo’or i yan, yugu yad be pu’og e racha’.

Hosea 5:1

“Gimed e pi prist, mu telmed ko pi thin ni ba’aray! Gimed piyu Israel, e ngar mu telmed! Gimed e pi’in ni girdi’en e tabinaw rok e en pilung, mu telmed! Susun e gimed e ngu’um turguyed e gechig nib mat’aw, machane bay yib e gechig ngomed! Kam manged ba wup u Mizpah, ni bangi nug ni kan k’iyag u daken e burey ni Tabor,

Hosea 5:2

nge ba low nib to’ar ko binaw nu Akacia, ere bay gu gechig nagmed ni gimed gubin.

Hosea 7:1

“Nap’an ni gu ra leamnag ni nggu golnag e girdi’ rog nu Israel mug fal’eg rograd bayay, ma tin gu be guy e kemus ni leam rorad nge pangirad ni kireb. Yad be dumpumrad ngorad, ma yad be mab naun ngu’ur mororo’gad, ma yad be og ko girdi’ u kanawo’.

Mikah 3:9

Gimed e pi’in gimed be gagiyegnag piyu Israel, ni ndabumed e tin nib yal’uw ma gimed be pingeg e tin nib mat’aw nge kireb.

Mikah 7:2

Dariy ta’abe’ nike magey u daken e re nam ney nder sasaliyeb, ma dariy be’ riy nib yul’yul’ ngak Got. Ya yad gubin ni karm’ad. Urngin e girdi’ nra be’ ma yugu be son ni gomanga yigi bung rogon nge thang e pogofan. Gubin e girdi’ nra be’ ma be guy rogon nge aw be’ ko wup rok, ni be’ ko nam rok.

Zefaniah 3:3

Pi tolang riy e bod bogi layon ni be tolul; pi’in tapuf oloboch riy e yad bod e pi wolves ni kar uyngolgad, ni kari gel farad cholchol ni mada’ nga balay i yil ma dab ra paged nge kadbul ngay.

Mark 14:1

Ngiyal’nem e ka l’agruw e rran me taw ko madnom ko Paluk’af nge madnom ni yira kay e flowa nda ntay e is nma thownag e flowa ngay. Ma aram mi i gay e pi tolang ko prist nge pi tamchib ko Motochiyel kanawo’en e n’en nra rin’ miyad kol Jesus ndab nnang ngar li’ed ngem’.

John 11:47

Ma aram me yan fapi Farise nge pi tolang ko prist ngar puruy’gad girdi’en e mu’ulung rorad me lungurad, “Mang e ngad rin’ed? Ya ke yo’or e maang’ang nike ngongliy e re mo’on nem!

Acts 4:24

Ma fa’an rrung’aged, ma yad gubin nra meybilgad ngak Got ni lungurad, “Masta, ni gur e mu sunumiy e tharmiy, nge but’, nge day, nge urngin ban’en ni bay u fithik’ e pin’ey!