Hosea 14:3 - Bible Ni Thothup

³ Yu Assyria e dabiyag ni ngar chuweged gamad ko riya’, ma pi os ko mael e dabiyag ni ngar yororiyed gamad. Ri dab ku gogned bayay ngak e pi liyos romad ni yad e Got romad. A SOMOL, ga ma dag e wurngan’ ngak e pi’in dakriy be’ ni yad ra man ayuw ngak.”

Hosea 14:3 Σταυροειδείς Αναφορές

2 Kronicles 16:7

Ngiyal’ nem me yan Hanani ni profet ngak Asa ni Pilung me ga’ar ngak, “Bochan e fare pilung nu Syria e ka mu gif ngak magathi SOMOL ni Got rom, ma aram e ke mil rom fare raba’ i salthaw rok fare pilung nu Israel.

Psalms 10:14

Machane ga be guy; ga be yaliy e oloboch nge gafgow ma urngin ngiyal’ ni ka mu fal’eg rogom ni ngam pi’ e ayuw. Pi’in dabyag rorad ni ngar ayuwegedyad e ka ra pi’edyad nga pa’am; gubin ngiyal ni ga ma ayweg e pi’in ni ba t’uf e ayuw rorad.

Psalms 146:3

Dabi pagan’med ngak e pi tolang ni bogi girdi’; dariy ba girdi’ nrayag ni ayuwegmed.

Psalms 146:9

Ma yoror ko pi milekag ni yad ma par u daken e but’ rodad; ma ayuweg e pi’in ke yim’ figirngirad nge pi’in kanim’ rorad, machane ma kirebnag wo’en e pi’in kireb.

Psalms 33:17

Ma pi os ko mael e gathiyad e ra gel niged e mael; gelngirad nib gel e dabi ayuw.

Psalms 68:5

I Got, nma par u lane Tempel rok nib thothup, e ma ayweg e pi’in kanim’ rorad mma yoror rok e pi’in ke yim’ figirngirad.

Isaiah 1:29

Bay mu pilgad ngan’med ni um meybilgad ko pi gek’iy ma gimed be yung yungi milay’ nib tabgul.

Isaiah 2:20

Nap’an nra taw ko rofen nem, ma bay ra n’iged e gol nge liyos ni silber nra ngongliyed, ngar n’iged ngak e boro’ nge magl’aw.

Isaiah 27:9

Kemus ni ta’reb e kanawo’ nrayag ni ngan n’agfan e kireb nge denen rok yu Israel riy: Thingar ra buthuged e pi altar ni malang rok yug boch e kan ngar bilbilged nge yochyang ni bod e chalk, nge dabki par reb e altar ko incense ara reb e pow rok Asherah ni fare got ni bpin.

Isaiah 30:16

Ya kam leam niged ni ngam afgad nga daken e pi os romed nib machreg ngam milgad rok e pi to’ogor romed. Ma soromed, ya rib mudugil ni bay mmilgad! Gimed be leamnag nib machreg e pi os romed, machane pi’in bay ra lol’iged gimed e ka yad ba machreg boch ngomed!

Isaiah 30:2

Kranod nga Egypt ko man ayuw ndar fithedgag ko mang e ngan rin’. Magan’rad ngay ni yu Egypt e nge yoror rorad, ere pilung nu Egypt e ir e ke pagan’rad ngak.

Isaiah 31:1

Pi’in yad ra yan ko man ayuw nga Egypt e kar riya’gad! Yad be toer nga gelngin yu Egypt, ni os, nge chariot nge salthaw. Ya darir toergad ngak SOMOL, ni fare Got nu Israel nib thothup, ara ra weniggad ngak ni nge ayuwegrad.

Isaiah 31:3

Piyu Egypt e gathiyad e got, kemus ni yad e girdi’! Pi os rorad e gathiyad e kan! Ra maruwel SOMOL, ma re nam nem nib gel e ra muchbu’ nga but’, ma fare nam nib waer ni be yib e ayuw ngak ko fare nam nib gel e ku ra thay; l’agruw nra kireb.

Isaiah 36:8

Nggu ngongliy ba m’ag u daken fithingan e emperor nu Assyria. Bay gu pi’ ngomed l’agruw e biyu’ e os ni fa’an gimed ra pir’eg aram oren e pumo’on ni nge yan u daken.

Jeremiah 49:11

Mu paged e pi aromed ni kanim’ rok rog, bay gu chothowliyrad. Pi aromed nike yim’ figirngin e rayag ni ngar toergad ngog.

Ezekiel 36:25

Bay gu atngiy e ran nib machalbog nga dakenmed nggu machalbog nagmed u urngin e meybil ni um ted ko pi liyos romed nge urngin ban’en nike taymed ni kam kirebgad u p’eowcheg.

Ezekiel 37:23

Dab ku ra ta’ay niged yad ko fapi liyos ni sunsonogor bi’id ara ra alit niged yad ko denen. Bay gu pithigrad ko yupa’ i kanawo’ ni yad ma denen riy ngu’ur n’igedgag. Bay gu machalbog nagrad; bay ra manged girdi’ rog, mu gu mang Got rorad.

Hosea 12:1

Gubin ban’en ni be ngongliy yu Israel ni kakadbul nge blayal’ e dabyag i fanay mra kirebnag boch ban’en. Sasalap nge modyargel. Yad be fal’eg e tha’ u thilrad yu Assyria miyad be siyobay yu Egypt.”

Hosea 13:2

Dartalgad ko denen ra ngongliyed ya’an boch e ban’en ko wasay ngu’ur tedfan — bogi liyos ko silber, ni girdi’ e leamnag rogon, ni pa’ e girdi’ e ni ngongliy ngay. Ma aram miyad ga’ar, “Ngan pi’ e maligach ngorad!” Mi i yan e girdi’ ngi i faray fapi liyos — ni bogi liyos ni bod ya’an e garbaw!

Hosea 14:8

Ma girdi’ nu Israel e dakriy bochi ban’en ni yad ra rin’ ko pi liyos, ma aram e bay ug fulweg taban e meybil rorad ma gu be ayuwegrad. Bay gu par ni kug mang manaf rorad ni bod fa mit i gek’iy ni yugu ma par nib galunglung yuwan; I gag kenggin gubin e pi fla’ab rorad.”

Hosea 2:17

Ma gathi bay kug pag nge un fithingan Baal u l’ugun bayay.

Hosea 4:12

Yad be de’eriy yungi ren ni nge dag ngorad e tin ni ngar rin’ed! Boch ley i gek’iy e be yog ngorad e tin ni yad ba’adag ni ngar nanged! Kar pi’ed keru’rad ngog; kar pi’ed yad ngak yugu boch e got ni bod be’ ni bpin ni yan ngi i pi’ ir ni chuway’.

Hosea 5:13

“Fa’ani guy Israel feni gel e m’ar nike yib ngak, me guy yu Judah e maad’ad nike tay, ma aram me yan Israel nga Assyria ni nge wenig ngak fare pilung ni nge ning e ayuw, machane de yag rok ni nge gol nagrad ara faseg e maad’ad rorad.

Hosea 7:11

Yu Israel e yad be so’og’og ni bod ba arche’ ni bulogol nib man lanyan’; som’on riy me man ayuw e girdi’ nu Israel nga Egypt, miyad cheal ngar milgad nga Assyria!

Hosea 8:6

Be’ nu Israel nib salap e ir e toy fare liyos, ni aram e gathi ba got e ran’em! Fare garbaw nni ngongliy ko gol ni bay u Samaria e bay ni bilbilig nge yochiyang.

Hosea 8:9

Girdi’ nu Israel e ra bagyad ma rogon ni ba’adag e be rin’, ba gel lanin’rad ni bod e dongki ni malboch. Karanod ni yad be gaweg e ayuw i yan nga Assyria ma kar pi’ed puluwon boch e nam ni ngar manged rungrung rorad.

Jonah 2:10

Me non SOMOL ngak fare nig, me yib fare nig i thuwag Jonah nga dap’el’ay.

Zekariah 13:2

Ma rofen nem e bay gu chuweg fithngan e pi liyos u daken e re nam ney, nge dab ku’urbad ngan’uy. Ma ku bay gu chuweg u daken e re nam ney e pi profet ni go’ bogi ban’en, mug chuweg u wun’uy chogowen e pi liyos ni nga un tayfan.

John 14:18

“Dab gu pagmed ngam pired ni go’ gimed; ya bay kug sul ngomed.

Deuteronomy 17:16

En nra pilung e dabi leamnag ni nge yo’ornag e os rok ni fan ko ba’ rok e salthaw, ma dabi l’oeg e girdi’ nga Egypt ni ngar chuw’iyed e os. Ya keyog SOMOL ni girdi’ rok e dakuriy bi’id ni ngki sul ngaram.