Hosea 11:8 - Bible Ni Thothup

⁸ “Israel, uw rogon ni nggu pagem? Uw rogon ni nggu n’igem? Gur rayag ni gu thirifem u but’ ni bod ni gu rin’ nga Admah? Ara gu rin’ ngom e n’en ni gu rin’ nga Zeboyim? Dabiyag u ngorongreg ni nggu rin’! Ya ri gab t’uf rog!

Hosea 11:8 Σταυροειδείς Αναφορές

Jeremiah 31:20

“Israel, i gur fakag nri gab t’uf rog, nri gur e th’abi t’uf rog. Gubin ngiyal’ ni gu ra yog fithingam mu gu leam nigem nri gab t’uf rog. Lanin’ug e be un ngom; ri bay gu runguyem.

Matthew 23:37

“Jerusalem, Jerusalem! Kam thang e pogofan rok e pi profet, ma kam malangnag e pi’in ni l’oegrad Got ngar feked e thin rok i yib ngom! Nge gaman e in yay ni kug guy rogon ni nggu kunuy urngin e girdi’ rom, ni bod ba alabal ni chugumiy pifak nga tan pon, machane da mpageg nggu rin’!

Hosea 6:4

Be ga’ar SOMOL, “Israel nge Judah, be mang e nggu rin’ ngomew? Rogon ni gub t’uf romew e kem’ay ni bod e ath ni sum ko garbeb ni kadbul me m’ay ngabang nib machreg; bod e wa’angachal ni kab kadbul me m’ay ngabang.

Deuteronomy 32:36

I SOMOL e bayi ayuweg e tirok e girdi’ u pa’ e to’ogor rorad ko ngiyal’ nra guy ni kem’ay gelngirad. Bayi runguy e pi’in yad be pigpig ngak ko ngiyal’ nra guy ni’in i yad e ke magey.

Deuteronomy 29:23

Pi yungi milay’ e bayi par ndakuriy ban’en ni bfel’ ngay ya ke upunguy e sulfur nge sol. Dariy ban’en ni yira yung riy, mus ko pan ma ku dabki tugul riy. Nam romed e bayi par nike bod fa gali binaw nu Sodom ngu Gomorrah ni bay u Admah ngu Zeboiim, ni fa’a ni thirif SOMOL u but’ ko fangiyal’ ni kari damumuw.

Jude 1:7

Mu tafinay niged fare binaw nu Sodom nge binaw nu Gomorrah, nge tin ni bay e binaw u to’oben ni girdi’ riy e i ngongol ni bod e n’en ni rin’ fapi engel nra thum’gad nga wuru’ i mat’wunrad, ya girdi’ riy e ur ngongliyed e ngongol ko darngal, ma i darngalnag e pumo’on e pumo’on: kar gafgowgad ko gechig u fithik’ e nifiy ni dabi math bi’id, ni aram e kar manged puguran ngak urngin e girdi’.

2 Peter 2:6

I Got e gechignag e binaw nu Sodom ngu Gomorrah ya ni urfiy e gali binaw nem, ni aram e ke dag ngak e pi’in kireb e n’en nra rin’ ngorad ni fa’anra ur pired nib kireb e ngongol rorad.

Amos 4:11

“Gu thang owchen bochi gimed ni bod ni gu thang owchen yu Sodom ngu Gomorrah. Pi aromed ni de yim’ e yad bod ba ley i l’ud ni be yik’ min laeg u mit e nifiy. Machane ku da msulod ngog,” I SOMOL e be non.

Lamentations 1:20

“SOMOL, mu changar nga ga’ngin e gafgow rog, nge lanin’ug ni kari gafgow! Kari gafgow lanin’ug ni fan ko pi denen rog. Yi be thang e fan u lan e pi kanawo’; ma ku aritay lan e naun, pi naun ma bay e yam’ riy.

2 Kings 13:23

machane SOMOL e ba gol mma runguyrad. Ma de pagrad nge math owcharad, machane ayuwegrad ni bochan e m’ag rok u thilrad Abraham, Isaak, nge Jakob. Dariy bangiyal’ nike pagtalin e girdi’ rok.

2 Samuel 24:16

Nap’an ni deg fare engel rok SOMOL ni nge gathay yu Jerusalem, me thilyeg SOMOL lanyan’ ko gechig ni ngan tay ko girdi’ me ga’ar ngak fare engel ni be thang e fan rorad, “Mu tal! Ya ke gaman!” Ngiyal’nem e bay fare engel u charen e gin ma gunugunuy Araunah nu Jebus e grain riy.

Judges 10:16

Ma aram miyad n’ag fapi got nu boch e nam ni ur ted fan miyad liyor ngak SOMOL; me kirban’ ngak yu Israel ni kar awgad nga fithik’ e gafgow.

Genesis 14:8

Ma fapi pilung nu Sodom, ngu Gomorrah, ngu Admah, ngu Zeboyim, ngu Bela e ra kunuyed e yu raba’ i salthaw rorad ngalan e Loway nu Siddim ngar maelgad

Revelation 18:18

ngu’ur tolulgad ma yad be guy e ath rok ni be yik’ ma be lungurad, “Dariy reb e binaw ni immoy ni bod feni gilbuguwan e re binaw nem!”

Revelation 11:8

ma bayi par downgirow u daken e wo’ ko fare binaw nib gilbuguwan, ni aram e gin nrichibiy e Somol rorow riy ko kuruth. Re ngachal nra m’ag ko re binaw nem e Sodom, ara Egypt.

Zefaniah 2:9

Rogon ni gu be par ni Gag SOMOL ni gub fos ni Got rok yu Israel, e gu be micheg nu Moab ngu Ammon e ngan thirif u but’ ni bod yu Sodom ngu Gomorrah. Bayi par nike sug nag e low ni go’ sol ni dabki fel’ bi’id, nike polo’ i pan. Ma tin ni magay ko girdi’ rog e bay ra giliw nigedrad ngar feked e binaw u pa’rad.”

Amos 7:6

Me thiliyeg SOMOL laniyan’ bayay me ga’ar, “Ku er rogon e biney ni dabki yodorom.”

Amos 7:3

Me piliyeg SOMOL laniyan’ me ga’ar, “N’en ni kam guy e dabki yodorom.”

Lamentations 3:33

Dar ma felfelan’ ngay ni nge k’aring e gafgow ara amith ngodad.

Jeremiah 9:7

Bochan e ran’ey me ga’ar SOMOL ni Gubin ma Rayag Rok, “Bay gu machalbognag e girdi’ rog ni bod e wasay nggu sikeng nagrad. Girdi rog e ka ra ngongliyed e kireb — mang e kabay ni nggu rin’ ngorad?

Jeremiah 3:12

I yog ngog ni nggu wan gga’ar ngak Israel, “Israel, ni dariy e yul’yul rom, mu sul ngog. Ya gag e gub marnguy ma dab gu par ni gub damumuw; dabi par e damumuw rog ngom ndariy n’umngin nap’an.

Isaiah 63:15

SOMOL, mu sap u tharmiy ngomad, ko gin ga be par riy ni gab thothup ma gab fla’ab. Gelngin e magafan’ rom ngomad e ke yan ngan? Ke yan gelngim ngan? Gelngin ni gamad ma par ni gamad ba t’uf rom ma ga be runguymad e ke yan ngan? Dab mu pi’ keru’um ngomad.

Psalms 106:45

Bochrad me yib ngan’ e m’ag rok u thilrad, ma bochan e t’ufeg rok nib ga’ me waer e damumuw rok.

1 Kings 3:26

Bin ba’aram e bpin nri ir e chitiningin fare tir e rib t’uf rok e re tir nem, me ga’ar ngak fare pilung, “Wenig ngom, dab kun li’ e re tir ney! Mpi’ ngak!” Me ga’ar fa bin ba’aram e bpin, “Dab mpi’ ngak bagamow; mu th’ab nge ruw ley.”

Isaiah 16:11

Ku gu gel’gel’nag e kirban ni fan ngak yu Moab, ma ke gafgowan’ug nga Kir Heres.

Jeremiah 18:8

ma fa’anra pi’ girdi’en e re nam nem keru’rad ko kireb rorad, ma aram dab ku gu rin’ e tin kugog ni nggu rin’ ngorad.

Jeremiah 42:10

‘Fa’anra ba m’ag u wan’med ni ngkum pired u daken e re nam ney, ma bay gu ubungimed ngalang ma gathi nggu buthugmed nga but’; bay gu yungmed ma gathi nggu pugmed ngalang. Fare riya’ ni gu fek nga dakanmed e ke kireban’ug ngay.

Lamentations 3:32

Yug bay i feke kireban’ i yib ngodad, machane t’ufeg rok ngodad e rib mich ma ba gel.

Ezekiel 6:9

ni aram e yungin ni bay un kalbus nagrad riy. U rom e bay gub riy ngan’rad miyad nang ni gag e kug gechig nagrad ma kug m’aynag farad, ni bochan e dag mich u wan’rad kar pi’ed keru’rad ngog kar m’oneged e pi liyos u wan’rad ngog. Bay ra dabuyed yad ni bochan e kireb rorad nge tin ni de mat’aw ni karrin’ed.

Ezekiel 33:11

Mog ngorad ni bod feni rriyul’ ni Gag SOMOL ni Gag fare Got ni be par nib fos, e aram feni rriyul’ ni dabug ni ngug guy reb e tadenen ni nge yim’. Ya gu ba’adag ni nggug guy nike cheal ke pi’ keru’ ko denen nge par nib fos. Israel, mu taleg e kireb ni ga be rin’. Mang ni ga ba’adag ni ngamum’?

Hosea 7:1

“Nap’an ni gu ra leamnag ni nggu golnag e girdi’ rog nu Israel mug fal’eg rograd bayay, ma tin gu be guy e kemus ni leam rorad nge pangirad ni kireb. Yad be dumpumrad ngorad, ma yad be mab naun ngu’ur mororo’gad, ma yad be og ko girdi’ u kanawo’.

Mikah 5:3

Ere SOMOL e bayi pag e girdi’ rok nga pa’ e pi to’ogor rorad nge mada’ ko ngiyal’ ni fare pin ni nge gargel e ke gargeleg fak ni pumo’on. Ma aram e girdi’en e nam rok ni yad bay u reb e nam ni yad ba kalbus e bay ra sulod ngar cheaggad ngak e tirorad e girdi’.

Deuteronomy 29:22

“Tin bay i yib e mfen ni pi’in owchemed nge pi girdi’ nu boch e nam nib palog e bay ra guyed e pi riya’ nge gafgow ni bayi pag SOMOL nge yib nga daken e nam romed.

2 Kronicles 36:15

I SOMOL ni Got rok e pi chitamngirad e de tal ni i l’oeg e pi profet ngu’ur ginanged girdi’en, ni bochan e ba’adag ni nge dabi thangrad nge fare Tempel ni dabi kirebnag.