Hebrews 4:7 - Bible Ni Thothup

⁷ Ke yan i m’ug riy ni aram rogon ni bochan e ki duwgiliy Got reb e rran ni ir e kanog e “Daba’ ” ngay. Ke yo’or e duw nga tomuren me yog e re bugithin ney ni yog u l’ugun David, ni bod rogon ni fa’ani kem’ay i yog rok u lan e babyor nib thothup nike ga’ar, “Fa’an gimed ra rung’ag laman Got e daba’, ma dab mu gelniged lanin’med.”

Hebrews 4:7 Σταυροειδείς Αναφορές

1 Kings 6:1

U lan e bin l’agruw e pul ni fare pul ni Ziv, ko duw ni gaman e aningeg e duw nap’an nike pilung Solomon u Israel, ma ke gaman 480 e duw nap’an nike chuw yu Israel u Egypt, me tabab Solomon i muruwliy fare Tempel.

Psalms 95:7

I ir e Got rodad; ma gadad fapi girdi’ ni be ayuweg, ni fare ran’ i saf ni ir e be gafaliy. Mu telmed e daba’ ko thin ni be yog ni be ga’ar:

Matthew 22:43

Me fith Jesus ni ga’ar, “Ere mangfan ni ying e Kan ni Thothup ngak David nge pining Somol ngak? Ya David e ga’ar,

Mark 12:36

I David e yib i ying e Kan Nthothup ngak me ga’ar: ‘I Somol e ga’ar ngak e Somol rog: Mpar aray nga ba’ ni mat’aw rog, nge yan i mada’ ko ngiyal’ ni bay gu tay e pi to’ogor rom nga tan e rifrif u em.’

Luke 20:42

Ya David e yog u lan e babyor ko Psalm ni ga’ar: ‘I Somol e ga’ar ngak e Somol rog: Mpar iray nga ba’ ni mat’aw rog,

Acts 2:29

“Pi walageg: thingar gu weliy ngomed nib tamilang murung’agen e chitamangidad i David. I yim’ mi ni k’eyag, ma malangen e bay rodad u roy ke mada’ ko bin daba’ e rran.

Acts 2:31

I David e guy e n’en ni bayi rin’ Got, ma aram me weliy murung’agen e fos ko yam’ ni bayi tay fare Messiah ni fa’ani ga’ar: ‘Da nn’ag nge par u tafen e yam’, ma downgin e de mel u lane low.’

Acts 28:25

Ma aram miyad yan ndakir ta’reb lanin’rad u fithik’rad u tomuren nike yog Paul e re bugithin ni ba’aray ni ga’ar, “Rib fel’ rogon ni welthin fare Kan Nthothup u l’ugun fare profet ni Isaiah ni welthin ngak e pi chitamangimed!

Hebrews 3:15

Ba’aray e tin ni be yog e babyor nib thothup ni be ga’ar: “Fa’anra mu rung’aged laman Got e daba’, ma dab mu gel niged lanin’med ni bod rogon pi chitamangimed ni kakrom ko fa ngiyal’nem nra togopluwgad ngak Got.”