Haggai 2:22 - Bible Ni Thothup

²² mug gathay gil’ilungun e pilung mug taleg gelingrad. Bay gu pulpuliy e pi chariot nge pi girdi’en e yan riy; ma bayi yim’ e pi os, ma pi girdi’en e yan u os e bay ra chelgad ngorad ngu’ur thanged e fan rorad.

Haggai 2:22 Σταυροειδείς Αναφορές

2 Kronicles 15:6

Ra reb e nam ma be gafgownag reb e nam, ma ra reb e binaw ma be togopluw nga reb e binaw, ni bochan e ke pag Got gubin mit e wodmang nge gafgow ke yib nga dakenrad.

2 Kronicles 20:22

Nap’an nra tababgad ko tang me balyangnag SOMOL fa raba’ i salthaw ni karbad ni mael.

2 Kronicles 20:23

Pi salthaw nu Ammon ngu Moab e ra chelgad ngar maelgad ngak fa raba’ i salthaw nu Edom ngar thanged e pogofan rorad’, ma aram miyad cheal ngorad ngu’ur li’ed yad.

Psalms 46:9

Be taleg e pi mael ni yibe tay u fayleng i yan; be t’ar e gat’ing, ma be kirebnag epi sarey nge dilak, ma be urfiy e pi shield!

Psalms 76:6

A Got rok Jakob, nap’an ni mu puwan’ ngorad, me aw e os nge pi’in nma yan u os nga but’ ni karm’ad.

Exodus 14:17

Bay gu tay piyu Egypt ngari gel lanin’rad ngar leked piyu Israel nga maday; ma bay gu gel ngak Farao, nge fa rab’ i salthaw rok, nge pi chariot rok, nge pi’in yad ma yannag e pi chariot rok nem, min ta’fag ni bochan.

Exodus 14:28

Me sul e day nge tharey fapi chariot, nge pi’in yad be yannag, nge urngin e salthaw rok Farao ni lek piyu Israel nga maday; ndariy ta’bagayad ni magey.

Exodus 15:19

Yu Israel e ranod ngar th’abed e day nga barba’ u daken e but’ nib mlik. Machane nap’an ni yib e pi chariot rok yu Egypt nge pi os rorad nge pi’in yad be yannag nga maday, me fulweg SOMOL e day nge thareyrad.

Exodus 15:4

“Ke yin’ e pi chariot nge salthaw rok Farao nga maday; pi tolang ko salthaw rok ni yad ba falu’ e kar limochgad u lan fa gi day ni Red Sea fithingan.

Isaiah 19:2

Be ga’ar SOMOL, “Bay gu k’aring e mael u lan yu Egypt me cheal e walag ko walag ngu’ur togopluw gow ngorow me togopluw e buguliyoror ko buguliyoror. Pi binaw e bay ur chamgad ngorad, nge pi pilung ni yab ba to’ogor e bay u ra lu’aged e en nge sorok.

Isaiah 60:12

Ma pi nam ndab ur pigpiggad ngom E bay ni thirifrad u but’.

Isaiah 9:19

Bochan e damumuw rok SOMOL ni Gubin ma Rayag Rok, me mo’oruf daken e but’ ma girdi’ e mang ma’af ko nifiy; ndakuriy be’ ni yag ni ayweg walagen.

Ezekiel 21:27

Nge puth! Nge puth! Bay gu pag fare binaw nge mogothgoth. Machane dabi buch e ran’ey nge mada’ ko ngiyal’ nike yib e cha’ ni ku gu mel’eg ni nge gechignag fare binaw. Ni ir e bay gu pi’ nga pa’.

Ezekiel 26:16

Gubin e pilung ko pi nam u dap’el’ay e bay ra luwgad nga but’ u tagil’rad. Bay rabad ra lufed e thal ni wuru’ e mad rorad nge mad rorad ni kan sisyunag miyad par nga daken e but’ ni yad be t’on. Bay ra pired nike puw e marus rorad ko n’en nike buch rom miyad par ni dabkiyag ni ngar talgad ko t’on.

Ezekiel 38:21

Bay gu k’aring e marus ngak Gog ko urngin e pin’en ni yima rus ngay. I Gag SOMOL ni Th’abi Tolang e gu be non. Pi salthaw rok e bay i mang yad e ra chealgad ngar yip’ed e saydon rorad ngorad.

Ezekiel 39:20

U daken e tebel rog e bay ra languyed urngin e tin nrayag rorad e os nge pi’in yad ma yan u os, nge salthaw nge pi girdi’en e mael. I Gag SOMOL ni Th’abi Tolang e kugog e pi thin ney.”

Daniel 8:25

Ma bay i mon’og i yan e tin ni be rin’ u fithik’ e sabanban ni bochan e ba sasaliyeb. Bay i par nib ufanthin me li’ bo’or e girdi’ ni yugu yad ra gin ma ke og ngorad. Ma bayi togopluw ngak fare Pilung ni ir e th’abi ga’ u fithik’ e pilung, machane bay ni thirif u but’ ni gathi gelngin e girdi’ e bay ni maruwel ngay.

Amos 2:15

Girdi’en e gat’ing e yad ra sul nga tomur, ma pi’in yad mmachreg ko mil e dabiyag ni ngar thay gad, ma pumo’on ni bay u daken e os e dabiyag ni ngar milgad.

Mikah 5:10

Be ga’ar SOMOL, “Ngiyal’ nem e bay gu fek e pi os rom mu gu kirebnag e pi chariot rom.

Mikah 5:15

Mu fithik’ e damumuw rog nib gel e bay gu fulweg taban e kireb ngak e pi nam ndar folgad rog.”

Mikah 5:8

Ma ku yad ra bod ba layon ni be gay e ggan ni nge kay u fithik’ e gerger ara gin bay e pan riy nma kay e gamanman. Bay i yan nga fithik’ e saf ngi i og ngorad nge popofrad, ma dariy be’ nra ayuwegrad rok.

Mikah 5:9

Israel e bayi gel ngak e pi to’ogor rok ko mael me thirifrad u but’ ni yad gubin.

Mikah 7:16

Pi nam e bay ra guyed e ran’ey me ngochan’rad ni yug aram rogon nib gel gelingrad. Me mulan’rad nge math e thin u langrad miyad ning telrad.

Zefaniah 3:8

Me ga’ar SOMOL, “Ere yug muson, muson nag fare rran ni bay gu sak’iy nggu togopluw ko pi nam. Kug turguy u wun’ug ni nggu kunuy e pi nam nga ta’bang ya aram e nggu pagrad ngar thamiyed gelngin e damumuw rog. Ga’ngin e fayleng nra mogothgoth ko damumuw rog ni be mo’oruf.

Zekariah 10:11

Nap’an ni yad ra th’ab dayin e gafgow rorad, ma Gag SOMOL, e bay gu toy e pi n’ew, me mlik’ lan e lul’ ni Nile nib to’ar. Yu Assyria ni yad ba tolngan’ e bay i sobut’anrad, ma yu Egypt nib gel gelingrad e bay i m’ay gelingrad.

Zekariah 10:5

Piyu Judah e bay ur gelgad ni bod e pi salthaw ni yad ma yotyot e pi to’ogor rorad u fithik’ e rungdu’ u lan e yupa’ i kanawo’. Bay ra chamgad ni bochan SOMOL ni bay rorad, bay ur gelgad ni mus ngak fa raba’ i salthaw ni yad ba falu’ ni girdi’en e yan u os ma yad ra gel ngorad.

Zekariah 12:9

Rofen nem e bay gu thirif u but’ urngin e pi nam ni yad be mael ngak yu Jerusalem.

Zekariah 14:3

Ma aram e bay yan SOMOL nge cham ko fapi nam ni bod niki i cham ngorad kakrom.

Zekariah 4:6

Fare engel e yog ngog ni nggu pi ngak Zerubbabel e re thin ney rok SOMOL: “Bay mman’og ni gathi gelngin e salthaw rom, ma gathi gelngim, ya gelngig.

Zekariah 9:10

Be ga’ar SOMOL, “Bay gu chuweg e pi chariot ni fan ko mael u Israel, mu gu chuweg e pi os ni bay u Jerusalem; ma pi gat’ing ni yibe fanay ko mael e bay ni kirebnag. Pilung romed e bayi gagiyeg nge aw e gapas u thilin e pi nam; bayi gagiyeg u bang e day nge mada’ nga bang, me tabab ko lul’ ni Eufrates nge yan i mada’ ko yungi n’en ni mus e fayleng riy.”

Matthew 24:7

Ya bay reb e nam me cham ngak reb e nam, ma gin nsuwon reb e pilung e bayi mael ko gin nsuwon reb e pilung. Ma bay i yib e uyongol nge durru’ u gubin yang.

Revelation 11:15

Me thoy fa bin medlip e engel e rappa rok, me yan lamay ni ba ga’ u lan e tharmiy ni be lunguy, “Ke yib gelngin Somol rodad nge Messiah rok ni ngar gagiyegnigew e girdi’ nu fayleng, ma bayi gagiyegnag ndariy n’umngin nap’an!”

Judges 7:22

Ngiyal’nem ni be thoy fapi pumo’on rok Gideon e yabul rorad, me gagiyegnag SOMOL fapi to’ogor ngu’ur chamgad ngorad ko saydon. Miyad mil i yan nga Zerethan ngar mada’gad nga Beth Shittah, nge mada’ ko fachi binaw nu Abel Meholah u charen yu Tabbath.

1 Samuel 14:16

Pi salthaw rok Saul ni be matanag u Gibeah u lan e nug rok Benjamin e ra guyed ni be mil e pi Filistine ni kar balyanggad.