Genesis 9:20 - Bible Ni Thothup

²⁰ Mi Noah e be’ nma woldug mma chugol gamanman, me ir e som’on ni yung bangi woldug ni grape.

Genesis 9:20 Σταυροειδείς Αναφορές

Genesis 3:23

Ma aram me l’oeg SOMOL ni Got fagali’nem nga wuru’ fa gi woldug nu Eden me tay row ngar muruwliy fare but’ ni ir e ni ngongliy row ngay.

Genesis 4:2

Me migid me gargeleg Abel ni walagen Kain. Me par Abel ni ir reb e tachugol saf, ma Kain e par ni ir be’ nib tawoldug.

Genesis 5:29

me ga’ar, “Re tir ney e ra pi’ e toffan nga urngin e maruwel nib gel ni gadad be tay; ya bucheg SOMOL wa’athan e re but’ ney”; ma aram me tunguy fithingan ni Noah.

Genesis 9:19

Dalip i pumo’on ney ni fak Noah e yad e chitamngin urngin e girdi’ nu fayleng.

Genesis 9:21

Ma nap’an ni mu’ i unum rok boch fapi wayin ni yib ko grape, me balyang ngay, me chuweg urngin e mad rok nge mol u lan e tent rok ni dariy e mad u daken.

Proverbs 10:11

Thin u l’ugun e en nib mat’aw e ba thang’el ko yafos, machane welthin rok be’ nib kireb e ma upnguy e kireb rok.

Proverbs 12:11

Be’ ni girdi’en e milay’ e bo’or gan, ma rib pinat e en ma adbey tayim rok ko maruwel ni dariy gam’ingin.

Proverbs 24:30

Gu wan u daken fa yung i flang nge milay’ ko grape rok be’ nib gamead ma ba pinat.

Eklesiastes 5:9

Ni mus ko pilung mma pag e taga’ nga wom’ngin e woldug.

Tang Ko Pitang 1:6

Dab mu lik’ath ngog ni bochan rama’eg, ya yal’ e ke butbut’ nigeg. Pi pumo’on ni walageg e ra damumuwgad ngog ra tedgag ko maruwel u milay’. Ni dakriy e ngiyal’ ni nggu aywegneg.

1 Korinth 9:7

Mini’ e cha’ ni ka’a yigi rung’ag murung’agen ba salthaw ni ir e be pi’ puluwon e tin nge yag ngak? Ara be’ ni be woldug nde unum e grape ko grape rok nike yung? Ara be’ ni ir e be gafaliy e saf nde fek e milik ko saf rok nge unum?

Deuteronomy 20:6

Bay bigmed u roy ni kaf ni mu’ i yung bangi woldug rok ni grape, ma dawori yag ni nge t’ar wom’ngin? Fa’anra bay, ma nge sul nga tabnaw rok. Ya ra dangay, ma fa’anra yim’ ko mael, ma yug be’ e ra felan’ ko wayin nra yib riy.

Deuteronomy 28:30

“Bay ni duwgliy be’ ni bpin ni ngam mabgolgow — machane yug reb e pumo’on e ra le’engiy fare pin. Bay mu toy ba naun, machane dariy bi’id ni ga ra par riy. Bay mu yung bangi milay’ ni grape, machane dariy bi’id ni ga ra kay wom’ngin.