Genesis 50:23 - Bible Ni Thothup

²³ I par Josef nge guy e bitir rok Efraim nge bitir rok e bitir rok Efraim. Fa’an nni gargeleg pifak Makir, ni be’ nib mo’on ni fak Manasseh, me tayrad Josef ni yad girdi’en e tabinaw rok.

Genesis 50:23 Σταυροειδείς Αναφορές

Genesis 30:3

Me ga’ar Rachel, “Ba’aray’ fare pin ni Bilhah ni sib rog; mpirew nge yag ni diyennag reb e bitir nggu fakay. Ara’ rogon mu gu mang chitiningin reb e bitir u daken.”

Genesis 48:19

Me siyeg e chitamngin ni ga’ar, “Fakag, gu manang, gu manang. Pi’in ni bay yib ni owchen Manasseh e ku er rogorad ni bay ra manged girdi’en reb e nam ni ba ga’. Machane bin ni walagen nib bitir ngak e bayi par ni kab ga’ rok, ma pi’in ni bay yib ni owchen e bay ra manged girdi’en boch e nam nib ga’.”

Genesis 49:12

Ke row owchen ni bochan e wayin ni be unum, ma nguwelen e ba wech ni bochan e milik ni be unum.

Genesis 50:22

Me par Josef u Egypt ni yad girdi’en e tabinaw rok e chitamngin; me yim’ ni 110 e duw yangren.

1 Kronicles 7:14

Reb e bpin rok Manasseh ni be’ ni bpin nu Aram e diyennag l’agruw e pagel rok Manasseh, ni aram Asriel nge Makir. I Makir e chitamngin Gilead.

BABYOR NI JOB 42:16

Nga tomuren e biney miki par Job nib fos ni 140 e duw, nge guy pifak pifak nge pifak pifak pifak ni aram e bin aningeg e mfen.

Psalms 128:6

Mang e yugum par ngam guy pifak pifakam! Nge par e gapas u daken yu Israel!

Proverbs 17:6

Pi tutuw nge titaw e yad ba uf ngak pi tonginrad, ni bod e pi’in bitir ni yad ba uf ko pi chitamangirad.

Numbers 32:33

Me pi’ Moses urngin e binaw rok Sihon ni Pilung nu Amorite nge Og ni Pilung nu Bashan ko ganong rok Gad nge Ruben nge baley ko ganong rok Manasseh, nib mu’un ngay e yochi binaw nge charen i yan.

Numbers 32:39

Fare ke girdi’ rok Makir ni be’ ni pumo’on ni fak Manasseh e ranod ni mael ngalan e binaw nu Gilead, miyad kol e re binaw nem, miyad tuluf e pi Amorite ni ur pired u rom.

Joshua 17:1

Bang ko fare gi but’ ni bay ko ngal u Jordan e ni pi’ ngak boch fapi tabnaw ni owchen e bin nganni’ e pumo’on ni fak Josef ni aram Manasseh. Me Makir e chitamngin Gilead ma irreram e bin nganni’ e pumo’on u fak Manasseh, cha’anem i Makir e reb e salthaw nrib cheag mab flu’, ere ni pi’ yu Gilead nge yu Bashan ngak ni bay ko ngek ko Jordan.