Genesis 50:18 - Bible Ni Thothup

¹⁸ Me yib pi walagen ni pumo’on ngarbad ra siro’gad ngak. Me lungurad, “Kugbad nga p’eowchem e chiney ni gamad e sib rom.”

Genesis 50:18 Σταυροειδείς Αναφορές

Genesis 27:29

Ma pi nam e ngar manged tapigpig rom, ma girdi’en e pi nam e ngu’ur siro’gad ngom. Ma ga par ni gur e masta rok e girdi’ rom, mi i siro’ ngom e pi’in ni owchen e chitinam. Ma pi’in yad ra yibilayem ni nge buch wa’atham, e nge buch wa’athrad, ma pi’in yad ra yibilayem ni nge fel’ wa’atham, e nge fel’ wa’athrad.”

Genesis 41:43

Me pi’ e bin l’agruw e chariot ngak ni fen e en ni migid ngak e pilung ni nge yan riy, ma ke m’on e matanag rok ni be tayfan ni be tolul ni be ga’ar, “Mbinged e kanawo’!” Josef e ni duwgiliy ni ir e governor u ga’ngin e nam nu Egypt.

Genesis 42:6

Mi Josef, ni ir e governor u ga’ngin e nam nu Egypt, e i pi’ e grain nchuway’ ngak urngin e girdi’ nu fayleng. Ma aram me yib fapi pumo’on ni walagen Josef, marbad ra siro’gad ngak nge yan i math owcherad nga but’.

Genesis 44:14

Fa’ani yib Judah nge pi’in walagen ko naun rok Josef, ma kabay Josef u rom. Marbad ra siro’gad ngak,

Genesis 45:3

Me ga’ar Josef ngak pi walagen, “I gag Josef. Kabfos e chitamag fa?” Me par pi walagen ni kar rusgad ngak nde yag ni ngar fulweged lungun.

Genesis 50:17

Mogned ngak Josef ni be lungug, ‘Gu be wenig ngom ni ngam n’ag fan u wun’um e tin nib kireb ni ngongliy pi walagem ngom.’ Ere wenig ngom, mu n’ag fan u wun’um e kireb ni gamad e pi tapigpig ko Got rok e chitamam e kug rin’ed.” Fa’an nog e re bugithin ney ngak Josef, me tabab Josef ko meyor.

Genesis 50:19

Machane me ga’ar Josef ngorad, “Dab mu tamdag gad; ya dabiyag ni nggu teg nga luwan Got.