Genesis 48:20 - Bible Ni Thothup

²⁰ Ma aram me fal’ew wa’athrow e rofen nem ni ga’ar, “Piyu Israel e bay u rogned gimew u nap’an ni yad be thum’nag e fel’wa’athan. Bay ur ga’argad, ‘Mang e yigi tem Got ni bod Efraim nge Manasseh.’” Ireray rogon ni tay Efraim nib m’on rok Manasseh.

Genesis 48:20 Σταυροειδείς Αναφορές

Genesis 24:60

Miyad yibilay Rebekah ni lungurad, “I gur walagmad e ngam mang chitiningin bo’or e biyu’ e girdi’. Ma pi’in ni owchem e ngar gelgad ngak e pi to’ogor rorad ngar feked e pi binaw rorad.”

Genesis 28:3

I Got ni Gubin ma Rayag Rok e nge fal’eg wa’atham ko mabgol rom nge pi’ ngom e bitir ni pire’, ngam mang chitamngin bo’or e nam.

Genesis 48:21

Me ga’ar Israel ngak Josef, “Kam guy nike chugur ni nggum’, machane Got e bay i par rom, ma bayi fulwegnem ko nam rok e pi chitamam.

Numbers 13:16

Irera’ e pi girdi’en e damit ni l’ograd Moses ni ngar lekged fare nam. Me thilyeg fithingan Hoshea nib mo’on ni fak Nun nge tunguy Joshua ngak.

Hebrews 11:21

Michan’ rok Jakob ngak Got e ir e pow’iy Jakob nge yibilay fa gali pumo’on ni fak Josef u m’on ni be n’en ni nge yim’; ni duwgil nga p’ebugul e sog rok nge yibil ngak Got.

Joshua 17:14

Me ga’ar e pi’in owchen Josef ngak Joshua, “Mangfan ni kemus ni ta’bang ko fare gi binaw e kam pi’ ngomad ni nggu tafned? Gamad ba yo’or ni bochan e ke fal’eg SOMOL wa’athmad.”