Genesis 47:30 - Bible Ni Thothup

³⁰ Gu ba’adag ni ngan k’eygeg ko gin ni bay e pi chitamag riy; mu fekeg nga wuru’ yu Egypt ngam k’eygeg ngalan e low rorad.” Me ga’ar Josef, “Bay gu rin’ ni bod ni kamog.”

Genesis 47:30 Σταυροειδείς Αναφορές

Genesis 15:15

Machane gur e bay mpar nib n’uw nap’am, nga mum’ u fithik’ e gapas; min k’eyaggem.

Genesis 23:17

Aram e n’en ni rin’ me tafnay Abraham e re gi binaw nem u Makpelah u lan e ngek u Memre ni immoy nib milsuwon ngak i Efron. Nib dachug e flang ngay, nge fare yiy ni bay riy, nge gubin e gak’iy ni bay u daken e gi flang n’em nge mada’ ko mathil ko re gi binaw n’em.

Genesis 23:19

Ma aram me chubgiliy Abraham Sarah ni le’engin ngalan fare yiy u lan fagi flang nu Kanaan.

Genesis 25:10

Ireram fare flang ni chuw’iy Abraham rok e Hittite; Abraham nge le’engin i Sarah e ni k’eyag row u rom.

Genesis 25:9

Me k’eyag Isak nge Ishmael Abraham ni chitmangrow u lan e yiy nu Makpelah, u daken e flang rok Ephron ni fak Zohar nib Hittite, ni bay ngalan e ngak u Memre.

Genesis 35:29

Me yim’ ni kari labthir; ma gal pumo’on ni fak ni Esau nge Jakob e yow e ra k’eyaggew.

Genesis 50:25

Ma aram me wenig Josef ngak fapi pumo’on ni fak Israel ni ngar micheged bbugithin ngak u mit Got. I ga’ar, “Mmicheged ngog nnap’an nra ayuwegmed Got u fithik’ e runguy rok ngomed, ma gimed ra fek e yil rog nge un ngomed.”

2 Samuel 19:37

Ma ga pageg nggu sul nga tabinaw rog, nggum’ ni gub chugur nga to’oben e malang rok e gallibthir rog. Ba’aray e tapigpig rom i Chimham ni fakag; mfek nge un ngom, ma ga ayuweg nrogon ni ga be finey ni bfel’.”

2 Samuel 2:32

Me fek Joab nge salthaw rok fare Idow rok Asahel ngar k’eyagged ngalan fare malangan e yam’ ko fare tabnaw nu Bethlehem. Ma aram mranod ni polo’ e nep’ ma nap’an ni be tatamilang mar tawgad bayay nga Hebron.

1 Kings 13:22

Ya, kam sul kam abich u bangi ban’en nike yog ngom ndab mu abich riy. Bochan e ran’ey ma aram e bay nthang e fan rom, ma downgim e dab ni k’eyag u lane taliw ko tabnaw rom.”

Nehemiah 2:3

mu gu fulweg ni lungug, “Pilung, ngam par ndariy n’umngin nap’an! Ra di’in mu gu par ndabi kireban’ug ni re binaw ni ka ni k’eyag e pi ga’ rog riy kakrom e ke mogothgoth ma pi garog riy e kan urfiy?”

Nehemiah 2:5

me lungug ngak fare pilung, “Fa’anra gub fel’ u wun’um i gur pilung ma mm’agan’um ko n’en ni nggu wenignag ngom, me ere mpithig ethin ngog nggu wan nga Judah, ko fare binaw ni kan k’eyag pi ga’ rog riy kakrom, nge yag ni gu ngongliy bayay fare binaw.”

Deuteronomy 31:16

Me ga’ar SOMOL ngak Moses, “Dabki n’uw nap’an ma gam’, ma nga tomuren ni kamum’ e bay dabki yul’yul’ fapi girdi’ ngog miyad th’ab fare m’ag ni gu ngongliy u thilmad. Bay ra n’igedgag ngar tedfan yugu boch e got ko re nam ni ba’aram ni bay ranod ngay.