Genesis 47:23 - Bible Ni Thothup

²³ Me ga’ar Josef ngak e girdi’, “Kam guyed ni kug chuw’iymed nge yungi binaw romed e daba’ ni fan ngak Farao. Ba’aray awochngin e woldug, ni ir e thingar mu yunged nga daken e yungi binaw romed.

Genesis 47:23 Σταυροειδείς Αναφορές

Genesis 41:27

Ma fa medlip i garbaw ni yib i m’ug ko tomur, nge fa medlip punug i grain nib achig nike mororoy ko nifeng nib gowel ni be yib u daken e ted ni desert e medlip i duw ni nge yib e uyongol.

Genesis 45:6

Ya ireray e bin l’agruw e duw ko re uyongol ney u daken e nam; ma kabay lal e duw ndab ni gi’ e but’ ara nt’ar wom’ngin e woldug.

Genesis 47:22

Ma re gi binaw nde chuw’iy Josef e kemus ni re gi binaw ni ba’aram ni tafen e pi prist. Dariy rogon ni ngar pi’ed e yungi binaw rorad ni chuway’, ni bochan e bay e f’oth rorad ni be pi’ Farao, ni ir e yad be abich riy.

Genesis 47:24

Mra taw nga nap’an ni ngan t’ar wom’ngin e woldug, ma thingar mpi’ed ta’ab guruy u lal guruy riy ngak Farao. Ma tin nike magey riy e ngam yunged nga daken e yungi milay’ romed, mi gimed kay nge girdi’ nu tabinaw romed, nge pifakmed.”

Psalms 112:5

Ba felfelan’ e en nib gol ko tin ma pi’ ni ku yira fulweg ngak, en nib yul’yul’ u rogon nma siyobay.

Psalms 41:1

Nge falan’ e pi’in ma magfan’rad ko pi’in gafgow; ya SOMOL e ra aywegrad ko ngiyal’ nike yib e oloboch ngorad.

Proverbs 11:26

Girdi’ e ma gernag e en nma si’innag e grain, ni be sonnag puluwon ni nge tolang mfini pi’, ma yad ma yog e sorok ko en ni be pi’ e tirok ni chuway’.

Proverbs 12:11

Be’ ni girdi’en e milay’ e bo’or gan, ma rib pinat e en ma adbey tayim rok ko maruwel ni dariy gam’ingin.

Proverbs 13:23

Yung i flang ni dawor ni milay’nag bayay e rayag ni ngan milay’nag nge yib e ggan riy nib yo’or ni fan ko pi’in gafgow, machane pi’in nib buchan’ e yad be taleg ni dab ni milay’nag.

Eklesiastes 11:6

Mu yung e woldug rom ni kakadbul nge blayal’; ya dabiyag ni ngam nang ko gubin nra tugul ni bfel’ rogon fa dangay, ara reb e ra tugul boch ni bfel’ rogon ma boch e dabi fel’ rogon.

Isaiah 55:10

“Thin rog e bod e ayis nge n’uw nma aw u lang nga but’ ya nge tarannag e but’. Nge ayuweg e woldug nge ga’; me yib awochngin ni ngan yung nge ggan ni ngan kay.

Matthew 24:45

“Ere mini’ e en ni ir fare tapigpig nib yul’yul’ ma ba gonop? I ir e en ni masta rok e ke tay ni nge milfan e tin kabay e tapigpig ngak, ni nge pi’ garad ko ngiyal’ ni yima pi’ riy.

2 Korinth 9:10

Mi Got nma pi’ e awoch ngak e cha’ nma wereg e awoch u milay’ nge ggan ni nge kay e ku bayi pi’ ngomed urngin e awoch ni nge yag ngomed me muruwliy nge tugul, nge yib wom’ngin ni pire’ ni nge yib ko gol ni mu ted.