Genesis 45:11 - Bible Ni Thothup

¹¹ Ya ga ra yib mu par ngalan yu Goshen, mrayag ni ug pigpig ngom. Ya kaba’ lal e duw ko re uyongol ney; ma dabug ni ngu’um gafgow, nge girdi’en e tabinaw rom, nge urngin e tin bay rom.’”

Genesis 45:11 Σταυροειδείς Αναφορές

Genesis 45:12

Miki ul ul Josef ngay nge ga’ar, “Ere gimed gubin, nge gur Benjamin, ni gimed be guy nriyul’ ni gag Josef.

Genesis 47:12

Mi i pi’ Josef gan e chitamngin, nge pi walagen ni pumo’on, nge urngin girdi’en e tabinaw rok e chitamngin, nib mu’un e bin th’abi bitir ngay.

Genesis 47:6

me gur e mmil fan yu Egypt ngom ni ga’ngin. Mu guy e gin nth’abi fel’ riy ngam ta’rad ngay. Rayag ni ngar pired u lan e nug nu Goshen, ma fa’anra bay boch e girdi’ u fithik’rad ni yad manang rogon i gafaliy e gamanman, ma ga pag fan e gamanman rog ngorad ngu’ur gafaliyed.”

Genesis 50:21

Ere dab kum rusgad. Ya bay gu ayuwegmed nge pifakmed.” Ara’ rogon ni micheg ngorad u fithik’ e thin nib munguy ni kun ngorad.

Ester 10:3

I Mordekai ni fare Jew e ir e migid tolangin ngak Xerxes ni Pilung. Mordekai e ma tay e Jew fan ma go’ yad ba’adag daken. I maruwel ni nge fel’ ngak e girdi’ rok nge ngak gubin e pi’in owchen ni nge dabi buch ban’en rorad.

1 Timothy 5:4

Ma fa’anra bay be’ ni bpin ni aray rogon ma bay pifak ara pifak pifak, ma susun e som’on e nge fil e pi’in ni pifak nem rogon ni ngar ngongliyed e maruwel rorad nrogon e maruwel nma tay girdi’en Kristus ngak girdi’en e tabinaw rorad, ireray kanawo’en miyad fulweg taban e magaer rok e matam nge matin rorad nge matam nge matin rok e gallibthir rorad, ya ireram e n’en nib m’agan’ Got ngay.