Genesis 43:32 - Bible Ni Thothup

³² Mi ni pi’ gan Josef nga reb e tebel ni go ir, mi ni pi’ gan pi walagen nga reb e tebel ni go’ yad; ma girdi’ nu Egypt nra uned ngak Josef ko abich e ni pi’ garad ngabang, ya yad be finey ni ban’en nib gel e tamra’ riy ni fa’an yad ra un ngak e girdi’ ni Hebrew ko abich.

Genesis 43:32 Σταυροειδείς Αναφορές

Genesis 31:54

I li’ ba gamanman, ni ir e mang maligach rok u daken e burey, me pininge girdi’ rok ko abich, ma nap’an ramu’gad ko abich, miyad par e re nep’ i n’em u rom u daken fare burey.

Genesis 43:16

Fa’ani guy Josef Benjamin nike un ngorad, me ga’ar ngak e re tapigpig nib milfan e naun rok Josef ngak, “Mfek e pi pumo’on ney nga naun; ma ga li’ reb e gamanman ngam lith, ya pi pumo’on ney e ngar uned ngog ko abich ko misiw’.”

Genesis 46:34

me lungumed, ‘Gamanman e ug gafaliyed ni ka gamad bbitir ke mada’ ko chiney ni bod ni i rin’ pi chitamngimad ni kab kakrom i yib.’ Ya ara’ rogon me yag ni mpired u lan e nug nu Goshen.” I yog ngorad ni aram rogon ni bochan e girdi’ nu Egypt e daburad e pi’in yad ma gafaliy e saf.

Exodus 8:26

Me ga’ar Moses, “De fel’ ni er rogon, ya gamanman ni gamad ra pi’ ni maligach ngak SOMOL ni Got romad e ra dabuy piyu Egypt. Fa’an gamad ra fek e gamanman ndabun piyu Egypt ni ngan pi’ ni maligach, ma gamad li’ e pi gamanman nem ko gin yad ra guy riy, ma yad ra malang nagmad nggu m’ad.