Genesis 42:25 - Bible Ni Thothup

²⁵ Me yog Josef ni ngan suguy e tutuw rorad ko grain, ma nge bagayad min fulweg e salpiy rok nga nin’ ngalan e birok e tutuw, mi ni pi’ e ggan ngorad ni fan ko milekag; min rin’ ngorad ni aram rogon.

Genesis 42:25 Σταυροειδείς Αναφορές

Genesis 42:26

Miyad af fa yu tutuw i grain ni kar chuw’iyed nga daken e dongki rorad, miyad yan.

Genesis 43:12

Mu kum feked e salpiy ni gonap’an e ruw yay ko fa tinem e salpiy ni mfeked ko som’on, ya thingar mfulweged fapi salpiy romed nni fulweg ni fa’an nnin’ nga daken e grain u lan e tutuw romed. Ya sana ni balyang riy.

Genesis 45:21

Me rin’ pifak Israel ni aram rogon. Me pi’ Josef e karro ni wagon ngorad, ni bod rogon nike yog Farao, me pi’ e ggan ngorad ni fan ko re milekag nem.

Isaiah 55:1

Be ga’ar SOMOL, “Mired, ni gimed gubin e pi’in ke yib e belel ngomed, ba’aray e ran! Mired e pi’in ndariy e salpiy romed, mu chuw’iyed e grain ngam koyed! Mired, mu chuw’iyed e wayin nge milik, dariy puluwon ni ngam pi’ed!

Matthew 5:44

Machane chiney e nggog ngomed ni nge lungug, Nge t’uf romed e pi to’ogor romed, mpi’ed e meybil rok e pi’in yad be ngongliy e kireb ngomed,

Matthew 6:33

Ere ngam m’oneged u wun’med e gagiyeg rok Got nge tin nib m’agan’ ngay ni ngam rin’ed, ma arame urngin e pin’ey nra pi’ ngomed.

1 Peter 3:9

Dab mu puluw niged e tagan, ara mpuluw niged e thin nib kireb; machane ngam fulweged taban nga ban’en ni bfel’, ya ban’en ni bfel’ e ke yog Got ni nge pi’ ngomed ko ngiyal’ ni fa’ani piningmed.