Genesis 42:15 - Bible Ni Thothup

¹⁵ Ba’aray rogon ni ngan sikeng nagmed: nggu micheg u fithingan Farao ndab ni pagmed ngam sulod ni fa’anra dabi yib e bin th’abi bitir i walagmed ngaray.

Genesis 42:15 Σταυροειδείς Αναφορές

Genesis 42:12

Me ga’ar Josef ngorad, “Danga’! Kambad ni ngam guyed e gin’en nib me’waer e nam romad riy.”

Genesis 42:14

Me ga’ar Josef, “Ri bod rogon faram ni kugog. Gimed e damit.

Genesis 42:16

Mol’oged bigimed nge yan i fek ngaray. Ma pi aromed ni bayi par e bay ni tay e matanag ni nge matanagiyrad nge yan i mada’ ko ngiyal’ ni bay nnang e tin riyul’. Ya fa’anra danga’, me ere rogon feni mich ni bay Farao nib fos, e aram feni riyul’ ni gimed e damit.”

Genesis 42:20

Thingar mfeked i yib ngog e bin th’abi bitir i walagmed ni pumo’on, ni nge mang mich riy nriyul’ e tin kam weliyed ngog, ma aram e dab ni thang e pogofan romed.” Me lungurad, “Kefel’.”

Genesis 42:30

“En ni governor ko re nam nem e ba gel e thin ni yog ngomad, i yog ni gamad e damit ni kug warod ko re nam nem.

Genesis 42:34

Mi gimed fek i yib ngog e en nth’abi bitir romed. Ma aram e gu ra nang ni gathi gimed bogi damit, ya gimed be yog e tin riyul’; ma aram mu gu pi’ ngomed walagmed, ngu’um pired nrayag ni ngkum chuway’gad u lan e re nam ney.’”

Genesis 42:7

Ma fa’ani guy Josef fapi pumo’on ni walagen me poyrad, machane me dake susun e de nang owcherad. Me yog e thin ngorad nib gel ni ga’ar, “U uw e kambad riy ngaray?” Me lungurad, “Kugbad u Kanaan ngaray ni nggu chuw’iyed e ggan.”

Genesis 43:3

Me ga’ar Judah ngak, “Fare mo’on e kari tay chiylen ngomad ndab gu warod nga p’eowchen ni fa’anra dabi un walagmad ngomad.

Genesis 43:5

Mra dabum, me ere dab gu warod, ni bochan e ke ga’ar e re mo’on nem, dab mbad nga p’eowcheg ni fa’anra de mo’ romed fa’anem ni walagmed.”

Jeremiah 5:2

Yug aram rogon ni gimed ma yog ni gimed ma tay fan SOMOL, ma gathi aram rogon u wan’med.

Jeremiah 5:7

I SOMOL e fith ni ga’ar, “Gur mangfan ni nggu n’ag fan u wun’ug e denen rok e girdi’ rog? Yad e ka ra n’aged gag yad be tay fan boch e got nde riyul’. Ku gu durwi’iy e girdi’ rog karfos gad, machane yad be par e girdi’ ni gathi mabgol rorad ke ga’ forad ngak e ppin ni yad ma falchuway’ ngorad.

Deuteronomy 6:13

Kemus ni SOMOL ni Got romed e ngu’um pired ni bay madgun u wun’med; kemus ni ir e ngu’um liyorgad ngak, ma kemus ni go’ fithingan e ngam mowgad ngay.

James 5:12

Pi walageg ni girdi’en Kristus, bin ba ga’ fan e dab mmow gad ko ngiyal’ ni gimed be micheg ban’en. Dab mmow gad u fithngan e tharmiy ara fithingan e fayleng ara demturug ban’en. Kemus ni nge lungumed “Er rogon” ni fa’anra aram rogon u wun’med, ara nge lungumed, “Danga’ ” ni fa’anra aram rogon u wun’med, nge dabi yib e gechig rok Got nga dakenmed.

1 Samuel 1:26

Me ga’ar Hannah ngak, “Siro’ ngom, ka ga manangeg fa danga’? I gag fare pin ni mu guyeg u roy ni gub sak’iy ni gu be meybil ngak SOMOL.

1 Samuel 17:55

Fa’ani guy Saul David nike yan ni ngar chamgow Goliath, me fith Saul ngak Abner ni pilungen e salthaw rok ni ga’ar, “Abner, i mini’ e re pagel nem?” Me fulweg Abner ni ga’ar, “Pilung rog, da gu nang.”

1 Samuel 20:3

Me fulweg David ni ga’ar, “Ri manang e chitamam gelngin ni gub t’uf rom, ere ke turguy ndabi weliy ngom e tin ke leamnag ni nge rin’, ya ra kireban’um. Nggu micheg ngom u fithingan SOMOL ni be par nib fos, ni gag e gu be yan u thathren e riya’!”