Genesis 40:4 - Bible Ni Thothup

⁴ Ma fa’anem ni kapten rok girdi’en e matanag e pi’ Josef ni ngi i pigpig ngak e gali cha’nem. Mi yow par u kalbus nib n’uw nap’an.

Genesis 40:4 Σταυροειδείς Αναφορές

Genesis 37:36

Ma ngiyal’nem u Egypt e ke pi’ fapi Midianite Josef ni chuway’ ngak Potifar, ni ir reb e salthaw rok Farao nib tolang, ni ir e kapten rok e pi salthaw nma matanagiy tafen Farao.

Genesis 39:1

Me fek fa pi Ishmaelite Josef nga Egypt ngar pi’ed ni chuway’ ngak Potifar, i Potifar e ir reb e salthaw rok Farao nib tolang, ya ir e kapten rok e pi salthaw nma matanagiy tafen Farao.

Genesis 40:3

me ta’row nga kalbus ngalan e naun rok e cha’ ni ir e kapten rok girdi’en e matanag ko gin ni bay Josef riy.

Genesis 40:5

Me reb e nep’ u rom u kalbus, me lik’ay fa’anem ni ir e i pu’og e wayin nga kap rok e en ni pilung, ma ku eritay fa’anem ni ir pilungen e lum flowa rok e en ni pilung nu Egypt. Ra bagayow ma bay e birok e lik’ay ni tay nge fan.

Genesis 42:17

Ma aram me tayrad nga kalbus ni dalip e rran.

Psalms 37:5

Mu pi’em ngak SOMOL; mu pagan’um ngak, me ayuwegnem;