Genesis 38:25 - Bible Ni Thothup

²⁵ Ma nap’an e yibe fek i yib, me pi’ fare bpin e thin nge yan ko fare pumo’on ni chitmangin figirngin ni be ga’ar: “I gag e kug diyan rok be’ nib pumo’on nib milfan e pin’ey ngak. Ere mu changar ngay ngam guy ko mini’ e fen ere hang ney ni bay gafan nge re sog ney.”

Genesis 38:25 Σταυροειδείς Αναφορές

Genesis 37:32

Miyad fek fare mad i yan ngak e chitamangirad. Me lungurad, “Ba’aray ba mad ni kug pir’eged. Mu guy ko mad rok fakam fa danga’.”

Genesis 38:18

Me fith fare pumo’on, “Mang e nggu pi’ ngom ni mich ko thin rodow?” Me fulweg fare bpin ni ga’ar, “Ngam pi e hang rom nib mu’un gufan ngay nge re sog ni be’er u pa’am ni ga be fek.” Me pi’ fa pin’em ngak. Aram miyow par, me yib i diyen Tamar.

Psalms 50:21

Urngin e pin’ey ni kam rin’ed, ma ku gu th’ab gulungag, ere kam leam niged ni ta’ab rogog ngomed. Ma chiney e nggu puwan’ ngomed, mu gup’ e kireb romed nga owchemed.

Jeremiah 2:26

“Bod rogon ba moro’ro’ ni yira kol’, ere gimed e girdi’ nu Israel e bay mu tamra’gad; ni gimed gubin, ni pilung romed nge pi tolang romed, nge pi prist romed nge pi profet.

Roma 2:16

Ireray rogon e Chirofen ni bayi pufthinnag Got u daken Jesus Kristus urngin e tin nib mith ni be leamnag e girdi’, ni bod rogon ni be yog e Thin Ni Bfel’ ni yib rok Got, ni ir e gu be machibnag.

1 Korinth 4:5

Ere dab mu turguyed e kireb nga daken be’ u m’on ndawori taw nga nap’an. Bin tomur e pufthin e thangri son nge yan i mada’ ko ngiyal’ ni bayi sul Somol riy ni ba’aray rogon: bayi fek nga tamilang e tin yibe mithag me dag nga tamilang e tin nib mith ni i leamnag e girdi’. Ma aram e ra be’ ni bay rogon ni nge pining Got e sorok ngak ma bayi pining Got e sorok ngak fa’anem.

Revelation 20:12

Ma aram mu gguy e pi’in ni karm’ad, ni pi’in nib tolang nge pi’in nib sobut’ ni kar sak’iygad u m’on u tagil’ Got. Min pithig e babyor, mu kun pithig ba kaen, ni fare ke babyor ni babyoren e pi’in ni kar fosgad. Ma pi’in ni karm’ad e ni pufthinnagrad ni be yan u rogon e n’en ni ur ngongliyed, ni bod rogon ni kan yoloy ngalan fa yu ke babyor.