Genesis 32:4 - Bible Ni Thothup

⁴ Me yog ngorad ni nge lungurad ngak Esau, “I gag Jakob ni tapigpig rom nma fol rom e nggu weliy salpeg ngom i gur Esau, ni masta rog, ug par rok Laban nda gu sul ke mada’ ko chiney.

Genesis 32:4 Σταυροειδείς Αναφορές

Genesis 23:6

“Siro’ mmotoyil ngomad, gamad be sap ngom ni gur be’ nib ga’ lungum; ngam chubgiliy le’engim ko bin th’abi fel’ ko pi malangen e yam’ romad ney. Gamad gubin ni gamad ba falan’ ngay ni ngan pi’ ngom e bin th’abi fel’ ko malangne yam’ romad, ngam chubgiliy le’engim ngay.”

Genesis 25:30

me ga’ar ngak Jakob, “Ku gum’ ko bilig; mpi’ buchuuw e pi n’ir nib row nggu way.” (Aram fan ntunguy Edom ngak.)

Genesis 27:29

Ma pi nam e ngar manged tapigpig rom, ma girdi’en e pi nam e ngu’ur siro’gad ngom. Ma ga par ni gur e masta rok e girdi’ rom, mi i siro’ ngom e pi’in ni owchen e chitinam. Ma pi’in yad ra yibilayem ni nge buch wa’atham, e nge buch wa’athrad, ma pi’in yad ra yibilayem ni nge fel’ wa’atham, e nge fel’ wa’athrad.”

Genesis 27:37

Me ga’ar Isak ngak Esau, “Kug mu’ i yibilay ni nge par ni ir e masta rom, ma kug yibilay ni urngin e tirok e girdi’ ni ngar pired ni tapigpig rok. Ma kug yibilay ni nge yag e grain nge wayin ngak. Ere be mang e kabay ni gu ra pi’ ngom, i gur fakag?”

Genesis 31:41

Aram rogon ni ug par rom u lan rliw’ e duw. Ragag nge aningeg e duw e gu maruwel rom ni nge yag fa gal ppin ni fakam ngog, ma nel’ e duw ni ug gafaliy e gamanman rom. Ni yug aram rogon e tin ug rin’ ni fan ngom, ma mus nga puluwog ma ragag yay nim thilyeg.

Genesis 32:18

Ma thingar mu fulweg ni nge lungum, ‘I Jakob ni tapigpig rom e fak. Ke pi’ ni tow’ath rok e masta rok i Esau. Mi Jakob e be yib ni be lekmad.’”

Genesis 32:5

Bay e garbaw ni fakag, nge dongki, nge saf, nge kaming, ma ku bay e sib rog. Kug pi’ e thin ke yib ngom ni ngam runguyeg.”

Genesis 33:14

Wenig ngom, mm’on rog, ya bay ug saf’og i yib, ni bay gub ni gu be fol u payngin e garbaw nge bitir, nge mada’ ko ngiyal’ ni bay gu taw ngom nga Seir.”

Genesis 33:8

Me ga’ar Esau, “Ma fa tinem e girdi’ ni kug mada’gad mang farad?” Me ga’ar Jakob, “Farad e bochan e ngam runguyeg.”

Genesis 36:8

Ere Esau e i par u fithik’ e burey u Edom.

Genesis 36:9

Irera’ e pi’in owchen Esau, ni ku yad e chitamngin e Edomite.

Genesis 4:7

Fa’an mang e mu ngongliy e tin ni bfel’, ma be m’ug u owchem ni gab felfelan’; machane bochan e kam ngongliy e tin nib kireb, ma aram e be son nigem e denen u langan e mab rom ni nge og ngom. Ba’adag ni nge gagiyeg nigem, machane thingar mu gel ngak.”

1 Kings 20:32

Ma aram miyad bachiy e mad ni tutuw nga lukngurad miyad yin’ e opol nga k’anganrad, mranod ngak Ahab me lungurad, “Tapigpig rom i Benhadad e be wenignag e yafos rok ngom.” Me fulweg Ahab ni ga’ar, “Ma kabfos? Ba manigil! Ya bod be’ ni walageg!”

Exodus 32:22

Me ga’ar Aron, “Dab mu puwan’ ngog; ga manang rogon e pi cha’ney ni fa’an yad ra turguy u lanin’rad ni ngar ngongliyed e kireb.

Proverbs 15:1

Fulweg ku be’ nib sumunguy e ma chuweg e damumuw, ma fulweg u fithik’ e thin nib gel e ma k’aring e damumuw.

Proverbs 25:15

Guman’ nge thin nib simunguy e rayag ni nge t’ar lanyan’ be’ ni der pag lanyan’, ma ku rayag ni nge thilyeg lanyan’ e pi tayugang.

Proverbs 6:3

Ere, fakag, ka mu par nga tan gelngin fa’nem, machane ba’aray rogon ni ngam mul riy: mu gur nigem ngak, ngam wenig ngak ni nge pagem.

Eklesiastes 10:4

Fa’anra damumuw e en nib ga’ rom ngom, ma dab mu pi’ babyorem ni ngam tal ko maruwel; ma tin ni rib kireb ni ka mu rin’ e rayag ni ngan pithgem riy ni fa’anra mu th’ab gulngam.

Isaiah 21:11

Irera’ e thin ni murung’agen yu Edom. I tolul be’ ngog u Edom ni ga’ar, “Matnag, ke chugur ni nge rran fa dawor? Mog ngog ko mingyal’ e ra mus.”

Luke 14:11

Ya en nra tolangnag ir e yira sobut’nag, ma en nra sobut’nag ir e yira tolangnag.”

1 Peter 3:6

I Sarah e aram rogon; i fol rok Abraham mi i pining Sarah Abraham ni ga’ar “Masta rog.” Gimed e chiney e kam manged bogi ppin ni pifak ni fa’anra um rin’ed e tin ni bfel’ ma damur tamdaggad nga ban’en.

Judges 5:4

SOMOL, fa’an mu chuw ko fapi burey nu Seir, fa’an mub u lan fa gi binaw nu Edom nga wuru’, me rur e but’, me aw e n’uw u lang. Arrogon, i map’ e ran ko manileng nga but’.

1 Samuel 26:17

Me poy Saul laman David me fith ni ga’ar, “Mog lungum e yer, i gur David ni fakag?” Me fulweg David ni ga’ar, “Errogon, i gur Pilung.”