Genesis 31:54 - Bible Ni Thothup

⁵⁴ I li’ ba gamanman, ni ir e mang maligach rok u daken e burey, me pininge girdi’ rok ko abich, ma nap’an ramu’gad ko abich, miyad par e re nep’ i n’em u rom u daken fare burey.

Genesis 31:54 Σταυροειδείς Αναφορές

Genesis 21:8

Me ilal e re tir nem, ma chirofen nda kun duruw’iy ko thuth e ngongliy Abraham ba mur ni ba ga’.

Genesis 26:30

Me fal’eg Isak bochi abich ni fan ngorad, miyad abich ma yad be garbad’.

Genesis 37:25

Nap’an ni yad be abich, miyad guy bogi ni’ ni kanog e Ishmaelite ngorad ni karbad u Gilead. Ma kar suguyed daken keru’ e kamel rorad ko florida nge spices, ni yad be fek i yan nga Egypt.

Exodus 18:12

Ma aram me pi’ Jethro ba maligach ni ngan orfeg ni polo’ nge ku boch e maligach ni ngan pi’ ngak Got; me Aron nge urngin e pi’in yad ma yog e thin rok yu Israel e ra uned ngak Jethro ko abich ni aram e yad be liyor ngak Got.

Ezekiel 44:3

Kemus ni fak e pilung ni be gagiyeg e ir e ra yan i par nga ba’ ni langgin re garog ney ni nge kay fare ggan nib tabgul u p’eowcheg. Ra yan u langan e garog ngalan bochi senggil nga naun ma ku aram e gin nra sul riy nga wean.”

1 Samuel 9:12

Me lungurad ngorow, “Bay, mu sapgow, ba’aram nga m’on romew. Mu gurgow; ya ka fini taw ngalan binaw e chiney, ya daba’ e ra pi’ e girdi’ ba maligach u daken e altar ni bay u daken e burey.