Genesis 30:20 - Bible Ni Thothup

²⁰ Me ga’ar, “I Got e ke pi’ ba tow’ath ngog nrib fel’. Bay gu fel’ e chiney u wan’ figirngig, ya nga nel’ e pumo’on ni kug gargeleg ni fak”; me tunguy fithingan ni Zebulun.

Genesis 30:20 Σταυροειδείς Αναφορές

Genesis 29:34

Me diyen nge gargel bayay ni ku reb e pagel. Me ga’ar, “Chiney e bayi gel e pagan’ rok e pumo’on rog ngog, ni bochan e kug gargeleg dalip i pagel ni fak”; me tunguy fithingan ni Levi.

Genesis 30:15

Me ga’ar Leah, “Dawori fel’ u wun’um ni kam tel figirngig rog? Ma ga be guy rogon e chiney ni ngam fek e mandrakes rok fakag.” Me ga’ar Rachel, “Fa’an ga ra pi’ e mandrakes rok fakam ngog, ma rayag ni ngam mol rok Jakob e nep’ ney.”

Genesis 30:19

Miki diyen Leah bayay nge gargelnag e bin nel’ e pumo’on ni fak Jakob.

Genesis 30:21

Me tomur me gargeleg bochi pin, me tunguy fithingan ni Dinah.

Genesis 34:12

Mogned ngog ko mang e gimed ba’adag ni nge yag ngomed, mi gimed tay puluwon e re pin nir ni rogon tolngin ni gimed be leamnag, ma demturug ko mang e gimed ra yog mu gu ra pi’, ni fa’an gimed ra pi’ e re pin nir nggu le’engiy.”

Genesis 35:23

Pi pagel ni fak Leah e Ruben (ni bin nganni’ i fak Jakob), Simeon, Levi, Judah, Issachar, nge Zebulun.

Genesis 46:14

Nge Zebulun nge pifak ni pumo’on: Sered, Elon nge Jahleel.

Genesis 49:13

“I Zebulun e bay i par u to’oben e day; ma dap’el’ay rok e bayi par ni tafen e barkow; ma tafen e bay yan nge mada’ nga Sidon.

Psalms 68:27

Benjamin ni ir e bin th’abi achig e ganong, e m’on nra yib, me migid e pi tayugang’ rok Judah nib mu’un e ulung rorad ngorad, me lay e pi tayugang’ rok Zebulun nge Naftali.

Exodus 22:17

Machane fa’anra siyeg e chitmangin fare pin ni nge le’engiy fak, ma thangri pi’ fare mo’on puluwon fare pin nrogon yalen puluwon e bpin ni dawri nang e pumo’on.

Matthew 4:13

Ma de par u Nazareth, machane me yan i par nga Kapernaum, nib binaw ni bay u to’oben e lipath nu Galile, ni bay u lan e nug nu Zebulun nge Naftali.

Deuteronomy 27:13

Ma tin ba’aray e ganong e yad ra sak’iy nga daken e burey ni Ebal u nap’an ni yibe be’eg fapi buchwa’athan: Ruben, Gad, Asher, Zebulun, Dan, nge Naftali.

Judges 4:10

Me ulunguy Barak e ganong rok Zebulun nge Naftali nga Kedesh, ma 10,000 e pumo’on e ra uned ngak. Me un Deborah ngak.

Judges 5:14

Rabad u Efraim ngalan e loway ni yad be lek e ganong rok Benjamin. Me yib e pi’in yad be tay murung’agen e salthaw u Makir nga pe’ning, ma pi tolang ko salthaw e rabad u Zebulun nga pe’ning.

1 Samuel 18:25

me yog Saul ngorad ni nge lungurad ngak David, “N’en ni be finey e en ni pilung ni ngam pi’ ngak ni puluwon e chi pin ni fak nem ni ngam leay e ra’ay yang i biyach u dal’ ra’ay i Filistine ni kam li’rad, ni aram e ke fulweg ngak e pi to’ogor rok taban e kireb ni kar ngongliyed ngak.” (Aray rogon kanawo’en ni leamnag Saul ni nge li’ e pi Filistine David.)