Genesis 28:16 - Bible Ni Thothup

¹⁶ Me od Jakob me ga’ar, “I SOMOL e riyul’ ni bay u roy, ma da ug nang.”

Genesis 28:16 Σταυροειδείς Αναφορές

1 Kings 3:15

Me od Solomon me nang nike non Got ngak u malik’ay. Me yan nga Jerusalem nge yan i sak’iy nga m’on ko fare Kahol ko M’ag rok SOMOL me pi’ e maligach ni mo’oruf ngak SOMOL nge maligach nma gapaseg thilin Got nge girdi’. Me ngongliy ba mur ni fan ngak urngin e pi tolang ni bay u tan pa’.

BABYOR NI JOB 33:14

Yu gu, am rogom ni be non Got bayay nge bayay, ma dariy be’ ni be motoyil ko n’en ni be yog.

BABYOR NI JOB 9:11

Ra yan Got u chireg, ma dabyag ni ngguy.

Psalms 139:7

Uw e rayag ni gu wan ngay nge yog ni gu mil rom? U uw e rayag ni gu wan ngay nda mmoy riy?

Psalms 68:35

Ri ra ngat’ ngak Got nike yib u tagil’ nib thothup — fare Got rok yu Israel! Ma pi’ gelngin ngak e girdi’ rok. Ke sorok Got!

Exodus 15:11

“SOMOL, i mini’ u fithik’ e pi got e bod gur? I mini’ e bod gur nri gab thothup? I mini’ e rayag ni ngongliy e pi maang’ang me maruwel ni bod gur?

Exodus 3:4

Ma fa’ani guy SOMOL ni be chugur Moses i yib, me non Got ngak u fithik’ i ran’ fachi ke gek’iy ni ga’ar. “Moses, Moses!” Me ga’ar Moses, “Gub aray.”

Exodus 3:5

Me ga’ar Got ngak, “Dab kum chugur i yib. Mu chuweg e sus u em, ya gab sak’iy u daken e but’ nib thothup.

Isaiah 8:13

Dab mpag talin ni Gag fare SOMOL ni Gubin ma Rayag Rok e gub thothup; kemus ni gag e ngam rus ngog.

Jeremiah 31:26

Ma aram e bayi be’ me ga’ar, ‘Gu mol ma kug od nike ba’udan’ug.’

Numbers 12:6

Me ga’ar SOMOL, “Mu telmew ko tin ni nggog! Ra bay e profet u fithik’med ma gu ma piliyeg e changar rorad ngar nanged gag, fa gu non ngorad u malik’ay.

Joshua 5:13

Nap’an ni chugur Joshua nga Jeriko, ma yigi da’da’ nike guy be’ ni pumo’on nib sak’iy nga m’on rok, ni bay ba saydon u pa’. Me yan Joshua ngak nge fith ni ga’ar, “Gur reb e salthaw romad ara gur e to’ogor romad?”

Joshua 5:15

Me ga’ar fare mo’on ngak ni ir e gireng ko ba’rok SOMOL e salthaw, “Mu lul e sus rom; ya gab sak’iy u daken e but’ nib thothup.” Me rin’ Joshua ni bod rogon nike yog ngak.