Genesis 18:23 - Bible Ni Thothup

²³ Me chugur Abraham i yan ngak SOMOL me fith ngak ni ga’ar, “Mog, ngari mu chagiy e pi’in ndawor ra ngongliyed e kireb ngak e pi’in kar ngongliyed e kireb ngam thang e fan rorad?

Genesis 18:23 Σταυροειδείς Αναφορές

Genesis 18:24

Fa’anra bay wugem e girdi’ u lan e re binaw nem ndarir ngongliyed e kireb, ma ka ga ra kirebnag e re binaw nem ni ga’ngin? Dab mu tay ndab mu kirebnag ni fan e ngam ayuweg e pogofan rok e re wugem i girdi’ nem?

Genesis 18:25

Rib mudugil ndab mu chagiy e pi’in ndawor ra ngongliyed e kireb ko pi’in yad ba kireb ngam thangefan rorad. Dabiyag! Dabiyag ni ngam rin’ ni er rogon. Ya ra yodor, me ere bay ni gechignag e pi’in ndawor ra ngongliyed e kireb nta’reb rogon ngak e pi’in kar ngongliyed e kireb. Dabiyag ni nge yodor. Tapufthin ko fayleng ni polo’ e ma ngongol nib yal’uw.”

Genesis 20:4

Machane dawori yan Abimelek nga to’oben Sarah, me ere ga’ar, “SOMOL, i gag e bfel’ e rog! Ere ga ra li’eg nge girdi’ rog?

2 Samuel 24:17

Me guy David fare engel ni be thang e fan rok e girdi’, me ga’ar ngak SOMOL, “I gag e ba kireb e rog. I gag e kug rin’ e kireb. Mang e ke bucheg e pi girdi’ ni gafgow ney? Susun e gag nge tabnaw rog e ngam gechignag.”

BABYOR NI JOB 34:17

Mog, ga be turguy e kireb nga daken Got nib mat’aw? Ga be leamnag ni ir e dabun e tin nib mat’aw?

BABYOR NI JOB 8:3

I Got e dar ma olobochiy e tin nib mat’aw; dariy bangiyal’ nra pag i rin’ e n’en nib mat’aw.

Psalms 73:28

Machane gag e kari felan’ug, ya gu be par u to’oben Got! U charen SOMOL Nib Th’abi Tolang e kug par riy ndabi buch ban’en rog, ma bay ug weliy urngin e tin ke rin’ ngan nang.

Exodus 23:7

Dab mu tungyed e thin nga daken be’, ma dab mu thanged e fan rok e en ni bfel’ e rok, ya gu ra gechignag e en ni rin’ ban’en ni ararogon.

Jeremiah 30:21

Cha’ ni nge gagiyeg nagrad e be’ ko re nam rorad nem, ma fare mo’on ni fak e pilung rorad e kabagyad. Ra yib ngog ko ngiyal’ ni gu ra pining, ya bu uw rogon be’ ni nge yib ni dawor ni pining? Bay ra manged girdi’eg, ma bay gu mang Got rorad. I Gag SOMOL e kugog e pi thin ney.”

Numbers 16:22

Machane me ragbug Moses nge Aron nga but’ nge math peri’ row ko but’ me lungurow, “Got, I gur e ga ma pi’ e yafos. Ere mog, nap’an nra denen ta’abe’ ma aram e ngam damumuw ngak urngin e girdi’ u lan fare binaw ni ga’ngin?”

Hebrews 10:22

Ere ngad chuchugurgad ngak Got ni gadad ba yul’yul’ u lanin’dad ngak ma mmich u wun’dad nder maruwaran’dad rok, nge lanin’dad ni kan be’echnag ndakir yog ngodad ban’en nib kireb ni kad rin’ed, nge dowef ni kan maluknag ko ran nib machalbog.

James 5:16

Ere um weliyed ngomed e denen ni kam ngongliyed, me bigimed me pi’ e meybil rok bigimed ngak Got, nge yag ni gol nagmed Got. Meybil rok be’ nib mat’aw e bay angin ni ba ga’.

James 5:17

I Elijah e be’ ni ku bod gadad e tiney e girdi’. Ri meybil ngak Got ni nge dabki aw e n’uw, ma daki aw e n’uw u daken e re nam nem ni dalip nge baley e duw.