Genesis 18:22 - Bible Ni Thothup

²² Me yan fa gali pumo’on ni yow be sor i yan nga Sodom, machane me par SOMOL rok Abraham.

Genesis 18:22 Σταυροειδείς Αναφορές

Genesis 18:16

Me chuw fapi pumo’on ngranod nga bangi n’en ni yira changar riy nga but’ ma yibe guy yu Sodom, me un Abraham ngorad i yan ni nge fangichiyrad miyad yan.

Genesis 18:17

Me ga’ar SOMOL u wan’, “Dabiyag ni gu mithag rok Abraham e n’en ni bay gu rin’.

Genesis 19:1

Fa’ani yib fa gali engel ngalan e binaw nu Sodom nike blayal’, ma bay Lot nike par nga but’ u to’oben e garog ko fare binaw, ko gin ni tagil’ e mu’ulung rok e girdi’. Ma fa’ani guy row Lot, me sak’iy nge yan ngorow. Me yan i ragbug u p’eowcherow nike yan i yip’ owchen nga but’,

Genesis 19:27

Ri kab kadbul u reb e rran riy me gurnag Abraham ir ko fa gin’em ni sak’iy riy u p’eowchen SOMOL.

Psalms 106:23

Nap’an ni yog Got nra thang owchen e girdi’ rok, me Moses nike mel’eg ni tapigpig rok, e sak’iy nga thilin e girdi’ nge Got nge taleg e damumuw rok Got ndabi thang owcharad.

Jeremiah 15:1

Me ga’ar SOMOL ngog, “I mus ni fa’an mang e ba sak’iy Moses nge Samuel u roy ni yow be wenig ngog, ma dab gu runguy e girdi’ nu Judah. Mu guy rogon ngar chuwgad u p’eowcheg.

Jeremiah 18:20

Gur tin nib kireb e puluwon e tin ni bfel’? Ya ka ra kered ba low ni nggu mul nga langgin. Mu tafinaynag rogon ni gub ngom nggu welthin ngom ni gu be wenig nagrad, ni nge dab mu gechig nagrad u fithik’ e damumuw rom.

Ezekiel 22:30

Gu be changarnag be’ nrayag ni nge ubung bang i rungrung, nrayag ni nge sak’iy ko yungi n’en nike puth e rungrung riy me ayweg e nam ko ngiyal’ ni nge aw e damumuw rog ngay, machane dag pir’eg be’.

Acts 7:55

Machane i Stefen, nib sug ko fare Kan Nthothup, e sap ngalang me guy e fla’ab rok Got, nge Jesus nib sak’iy u ba’ ni mat’aw rok Got.

1 Timothy 2:1

Ere bin som’on e gu be wenignag ngak girdi’en e galesiya ni ngu’ur meybilgad ngak Got ni fan ngak urngin e girdi’, ma yad be wenig ngak ni nge runguyrad, miyad pining e magaer ngak ni fan e tin ni bayi rin’ ni fan ngorad,