Genesis 14:20 - Bible Ni Thothup

²⁰ I Got ni Th’abi Tolang e nga ni pining e sorok ngak, ya ir e ke ayuwegnem kam gel ngak e pi to’ogor rom ko mael.” Me fek Abram ragag e pasent u urngin e tin ni fek u fithik’ e mael nge pi’ ngak Melkizedek.

Genesis 14:20 Σταυροειδείς Αναφορές

Genesis 14:21

Me ga’ar fare pilung nu Sodom ngak Abram, “Mu tay rom urngin ban’en ni kam fulweg, machane ngam pi’ ngog urngin e tirog e girdi’.”

Genesis 24:27

ni ga’ar, “SOMOL, ke sorom, i gur fare Got rok e masta rog i Abraham, i gur e ri gab yul’yul’ ya kam tay nga tagil’ e tin mog ngak e masta rog ni bay mu rin’. I SOMOL e ke pow’iyeg nga tafen fare mo’on ni walagen e masta rog.”

Genesis 28:22

Re malang ney ni kug suwonnag ni nge par nib malang ko puguran e bayi mang naun rom ni ngu’un meybil ngom riy, mu gu pi’ ngom ragag e pasent ko pin’en ni ga be yagnag ngog.”

Genesis 47:24

Mra taw nga nap’an ni ngan t’ar wom’ngin e woldug, ma thingar mpi’ed ta’ab guruy u lal guruy riy ngak Farao. Ma tin nike magey riy e ngam yunged nga daken e yungi milay’ romed, mi gimed kay nge girdi’ nu tabinaw romed, nge pifakmed.”

Genesis 47:26

Ma aram me ngongliy Josef nib motochiyel ko nam nu Egypt ni woldug nike el e ngan t’ar mi ni guruynag ni lal guruy me par ni ba guruy riy e fen Farao. Ere re motochiyel ney e kabay gelngin e daba’. Kemus ni yungi binaw rok e pi prist e de tafnay Farao.

Genesis 9:26

Miki ga’ar: “Ke sorok SOMOL, ni Got rok Shem. Bayi par Kanaan ni ir e sib rok Shem.

2 Samuel 18:28

Me non Ahimaaz ni ba ga’ laman ni ga’ar ngak e en ni pilung, “Kabfel’ rogon urngin ban’en!” Me paraw nga but’ u p’eowchen David ni Pilung me ga’ar, “Ke sorok SOMOL ni Got rom, ya ke gagiyegnag kam gel ngak e pi’in ni kar togopluwgad ngom!”

2 Kronicles 31:12

mi ni tay gubin e pi tow’ath nge pi ragag e pasent nga langgin ngan cha’riy ni dabi buch ban’en riy. Ma be’ ni Konaniah fithingan ni reb e Levite e ra ted ni nge mang ga’ riy me Shimei nib mo’on ni walagen e ta’ayuw rok.

Nehemiah 10:37

Gamad ra fek i yan ko prist nga Tempel e flowa nni ngongliy ko tin nga’on e grain nt’ar u reb e duw nge ku tin e maligach ni wayin, gapgep ni olive, nge gubin mit e wom’ngin e gek’iy. Magmad fek ragag e pasent ko grain romad i yan ko Levite ni yad e maruwel rorad ni yad ma kunuy ragag e pasent u lan e pi binaw romad.

Nehemiah 13:12

Ma aram e gubin e girdi’ nu Israel nra tababgad bayay i fek iyan ko fapi senggil u Tempel ni tafen e cha’ar ragag e pasent ko grain, wayin nge gapgep ni olive.

Psalms 144:1

Ke sorok SOMOL, ya ir e yoror rog! Ke fil ngog rogon e mael ma ke falfal’eg rogog ni ngu’un ko mael.

Psalms 44:3

Pi girdi’ rom e dar gelgad ko fare nam ni bochan e saydon rorad; ma ku gathi gelngirad e ra gelgad riy; ya ra gelgad u daken gelngim nge fenam gel, ya ga bay rorad, ni aram e be dag ni yad ba t’uf rom.

Psalms 68:19

Ngan pining e sorok ngak SOMOL, nma fek e gilab rodad u reb e rran ngu reb; ir fare Got ni ta’ayuw rodad.

Exodus 18:10

Me ga’ar Jethro, “Ngu’un pining e sorok ngak SOMOL, ya ir e en nike chuwegmed u pa’ Farao ni pilung nge piyu Egypt! Ngu’un pining e sorok ngak SOMOL ya ir e ke chuweg e girdi’ rok ko sib ni ur ted!

Amos 4:4

I SOMOL ni Th’abi Tolang e be ga’ar, “Gimed e girdi’ nu Israel, fa’anra thingar mu denen gad, me’ere mmarod ngam denen gad ko fa gin ba thothup u Bethel! Marod nga Gilgal, ngam rin’ed e ngongol nib denen ngari musmus rogomed riy! Mu feked e gamanman i yib ni ngam pi’ed ni maligach u reb e kadbul ngu reb, mi gimed fek ta’ab guruy ko ragag guruy e tin bay romed ni yu duk’uf.

Malaki 3:10

Mu feked i yib nga Tempel, ni urngin u gubin, ragag e pasent ko tin ba’ romed, ya nge yib e ggan nga naun rog. Mu sikeng niged gag, mi gimed guy ni bay gu bing mban e tharmiy mu gu pu’og nga dakenmed e pin’en ni bfel’ nge pag e fol riy.

Malaki 3:8

Nggu fithmed, gur bmat’aw ni nge mororo’ be’ ngak Got? Dangay, machane gimed be mororo’ ngog. Ma gimed be fith ni be lungumed, ‘Uw rogon ni kug mororo’ gad?’ Ko ragag e pasent ko tin bay romed nge tin ngam ognaged.

Numbers 28:26

Re rran ni m’on ko Madnom ko T’ar Wom’ngin e Woldug, e aram e rofen ni ngam pi’ed fare maligach ni grain ni kab be’ech ngak SOMOL, ma gimed e ngam mukun gad nga ta’bang ni fan ko liyor, ma dariy ba maruwel ni ngan rin’.

Luke 18:12

Gu ma pag e abich u l’agruw e rran u reb e wik, ma gu ma pi’ ngom 10 pasent u urngin e pin’en ni gu ma thognag.’

Roma 15:16

ni nggu mang ba tapigpig rok Kristus Jesus, ni nggu maruwel ni fan ngak e pi’in gathi yad piyu Israel. Gu be pigpig ni bod rogon ba prist ni gu be machibnag e Thin Ni Bfel’ ni yib rok Got, ni bochan e nge yag ni mang e pi’in gathi yad piyu Israel reb e maligach nib m’agan’ Got ngay, ni fare Kan Nthothup e ke gagiyegnag nge ydorom.

Efesus 1:3

Ngad pininged e magaer ngak Got ni ir e Chitamngin e Somol rodad i Jesus Kristus! Ya ke tow’ath nagdad u daken e ta’ab girdi’ ni kad ted Kristus, ni fan e ke pi’ ngodad urngin mit e tow’ath nu tharmiy.

Deuteronomy 12:17

Urngin e pin’en ni kam pi’ed ngak SOMOL e thingar dab mu ked ko gin ni gimed be par riy, ni aram e ragag e pasent ko grain romed, nge wayin, nge gapgep ko olive, nge bin som’on i fak e garbaw nge saf romed, ara pin’en ni kam micheged ngak SOMOL ni ngam pi’ed ngak, fa pin’en ni kam turguyed u wun’med ni ngam pi’ed ngak, ara yugu boch e maligach.

Deuteronomy 14:23

Mi gimed yan ko gin ke turguy SOMOL ni Got romed ni nguum liyorgad riy ngak; mu rom u p’eowchen e ngam ked fapi yu ragag e pasent ko grain, nge wayin, nge gapgep ni olive, nge tin nganni’ u pifak e garbaw nge saf romed. Ngu’um rin’ed ni aray rogon, ya nge mechem ngomed ngi i par madgun SOMOL ni Got romed u wun’med ni gubin ngiyal’.

Deuteronomy 14:28

Tomuren yu da dalip e duw mi gimed fek fapi ragag e pasent ko urngin e pi woldug romed ngam cha’ariyed u lan e pi binaw romed.

Joshua 10:42

Gubin e pilung ntaferad e yu ngin’ey ni go’ gel Joshua ngorad me fekrad nge binaw rorad ni bochan e SOMOL ni Got rok yu Israel e be cham ni pa’ yu Israel.