Filippi 1:16 - Bible Ni Thothup

¹⁶ Pi cha’ney e yad be machib ni aram rogon ni bochan e gub t’uf rorad, ya yad manang nike pi’ Got e maruwel ngog ni nggu micheg nib riyul’ fare Thin Ni Bfel’.

Filippi 1:16 Σταυροειδείς Αναφορές

BABYOR NI JOB 16:4

Fa’an mang e gimedgag ma gag e gimed, mra yag ni nggog urngin e tin gimed be yog. Rayag ni nggu gochum u fithik’ e gonop mug welthin ngomed ngam limochgad nga lungug.

BABYOR NI JOB 6:14

Gu ma finey e fager nib yul’yul’ u fithik’ e gafgow ni ara’ rogon, ni demturug ko kug pag Got fa dawo’.

Psalms 69:26

Yad be gafgownag e pi’in kam gechignag; yad be weliy murung’agen e gafgow ni be tay e pi’in kam maad’ad ngorad.

1 Korinth 9:17

Fa’an mang e gu be muruwliy e re maruwel ney ni gag e gu leamnag ni nggu muruwliy, me ere rayag ni gu leamnag ni ngan pi’ puluwog riy; machane bochan e gu be ngongliy ni bochan e ri maruwel rog nike pi’ Got ngog ni nggu rin’, ma aram fan ni nggu muruwliy nib maruwel ni ka ni pi’ ngog.

2 Korinth 2:17

Gathi gadad bod pire’ e girdi’ ni yad ma wereg e thin rok Got ni gowa ba chugum nib sobut’ puluwon; machane gadad e Got e ke l’oegdad, aram fan ni gadad be weliy e tin nib riyul’ u p’eowchen nrogon e pi tapigpig rok Kristus.

Filippi 1:10

nge yag ni ngam mel’eged e tin ni ir e ba th’abi fel’. Me yag ni um pired ni kam gilafgad nga orel ko urngin mit e kireb nge n’en ni yira yog e tagan riy ngomed ko Chirofen nra sul Kristus riy.

Filippi 1:12

Pi walageg, gub adag ni ngam nanged ni pin’en ni kug mada’nag e kari ayuweg i wereg fare Thin Ni Bfel’.

Filippi 1:5

ni bochan e kam ayuweged gag kam uned ngog i wereg rok e girdi’ i yan fare Thin Ni Bfel’ ko chirofen ni som’on ni mu rung’aged riy ke mada’ ko chiney.

Filippi 1:7

Gubin ngiyal’ ni gimed be par u lanin’ug! Aram fan nib mat’aw ni ngu’ug leam nagmed ni aray rogon. Ya gimed gubin ni kam uned ngog nga mat’wug nike pi’ Got ngog, ni chiney ni gu bay u kalbus nge fa ngiyal’nem ndawor non’eg nga kalbus ni ug ayuweg fare Thin Ni Bfel’ ma gu be micheg nga laniyan’ e girdi’.

Filippi 2:22

Gimed manang ni kad guyed ni bay fan Timothy, nge rogon nike par ni bod be’ ni fakag ngog ni be un ngak e chitamngin ko maruwel ni fan ko fare Thin Ni Bfel’.

Filippi 4:15

Gimed piyu Filippi e ri gimed manang faram fa ngiyal’ i n’em ni gu chuw u Macedonia kakrom ni gu be machibnag fare Thin Ni Bfel’ ko girdi’ i yan, ma kari mmusgad e ta’are galesiya ni mu ayuweged gag; ma kari mmusgad e pi’in mu uned ngog ko tin gu win riy nge tin gu lus riy.

Filippi 4:3

Ma ku errogon gur e cha’ ni gab yul’yul’ ni gadow ma ayuwegdow ko re gaf i maruwel ney, gub adag ni ngu’um ayuweg e gali ppin ney; ya ba gel e maruwel nra tew nra unew ngog ngu’ug wereged fare Thin Ni Bfel’, ma kur unew ngak Klement nge tin kabay e girdi’ ni ug muruwliyed e re gaf i maruwel ney u ta’bang, ni bay fithingrad u lan e babyor rok Got ni babyoren e pi’in kar fosgad.