Ezra 7:1 - Bible Ni Thothup

¹ Pire’ e duw nga tomuren ko ngiyal’ ni Artaxerxes e pilung nu Persia, ma bay be’ ni Ezra fithingan nib mo’on ni fak Serayah, nib mo’on ni fak Azariah, nib mo’on ni fak Hilkiah,

Ezra 7:1 Σταυροειδείς Αναφορές

2 Kings 22:4

“Mman ngak Hilkiah ni prist ni th’abi tolang ma ga fith ngak babyoren e salpiy nike kunuy e prist ni yad ma kunuy e salpiy u pa’ e girdi’ u langan e mab ko Tempel.

2 Kings 22:8

Me yan i yog Shafan ngak Hilkiah e thin nike yog e en ni pilung, me yog Hilkiah ngak nike pir’eg fare Ke Babyor ko Motochiyel u lan e Tempel. Me pi’ Hilkiah fare ke babyor ngak Shafan, me be’eg Shafan.

2 Kings 25:18

Miki fek Nebuzaradan ni pilungen e salthaw i Serayah ni ir e Prist ni Th’abi Ga’, nge Zefaniah ni fare prist ni ir e mmigid ngak, nge ku fa dalip i tolang u Tempel ngar kalbusgad.

2 Kronicles 34:15

Me ga’ar ngak Shafan, “Ku gu pir’eg fare ke babyoren e Motochiyel u lan e Tempel.” Me pi’ fare ke babyor ngak Shafan,

2 Kronicles 34:9

Pi salpiy nike kunuy e pi Levite nma matnag u lan fare Tempel e ni pi’ ngak Hilkiah ni ir e Prist ni Th’abi Ga’. (Ni mokun u pa’ e girdi’ nu Efraim nge Manasseh nge pi’in kabay u ley ni lel’och fare nam rok e en pilung, ngu pa’ e girdi’ nu Judah, Benjamin, ngu Jerusalem.)

Ezra 4:7

Miki yan i bayay u na’pan e gagiyeg rok Artaxerxes ni Emperor nu Persia me yoloy Bishlam, nge Mithredath, nge Tabeel, nge pi’in yad ngabang bang e babyor ngan pi’ ngak fare emperor. Re gi babyor nem e ni yoloy nthin nu Aramaic, re ni pilyeg ngan be’eg.

Ezra 6:14

Pi’in yad ma yog e thin e pi Jew e ra tababgad i toy fare Tempel me yan e maruwel riy ni bfel’ rogon, ma thin ni yi’iynag Haggai nge Zekariah e i pi’ e athamgil nga lanin’rad. Miyad mu’nag fare Tempel ni bod rogon ni yog fare Got nu Israel ngorad, nge Cyrus, nge Darius, nge Artaxerxes ni Pilung nu Persia.

Ezra 7:10

Ma ke par Ezra ni be fil urngin fapi motochiyel rok SOMOL, ma be fol riy, ma be fil ngak yu Israel.

Ezra 7:12

“I yib rok Artaxerxes ni Emperor ngak Ezra ni prist, nib tamilangan’ ko fare Motochiyel rok Got nu tharmiy.

Ezra 7:2

nib mo’on ni fak Shallum, nib mo’on ni fak Zadok, nib mo’on ni fak Ahitub,

Ezra 7:21

“I gag Artaxerxes ni Pilung e gu be yog ngak urngin e pi’in yad ma chubgiliy e salpiy ko Pilung u ley ni ngal e nug nu Eufrates ni be lungug ngorad: Urngin e tin nra yog Ezra ni prist ni ir e ba tamilangan’ ko Motochiyel rok fare Got nu tharmiy ni nga ni pi’ ngak e thingar ni pi’ urngin ni be ning,

Nehemiah 11:11

Me Serayah nib mo’on ni fak Hilkiah nib mo’on ni fak Meshullam. Ma pi ga’ rok e ba muun Zadok ngay, nge Merayoth, nge Ahitub ni ir fare Prist ni Th’abi Ga’.

Nehemiah 2:1

Reb e rran ko fa aningeg i pul nike thumur, nap’an ni be abich Artaxerxes ni Pilung, mu gu fek e wayin i yib ngak. Ma dawori guyeg ba ngiyal’ nib kireban’ug,

Nehemiah 8:1

Fa’ani taw ko bin medlip e pul ma ke sul yu Israel kar pired ko pi binaw rorad. Rofen ni som’on ko re pul nem e yad gubin nra mu’ulunggad nga Jerusalem nga tagil’ e mu’ulung u mit fare garog ni fithingan e Garog ni Ran. Miyad wenig ngak Ezra, ni ir e prist me ir e ba tamilangan’ ko Motochiyel ni pi’ SOMOL ngak yu Israel u pa’ Moses, ni nge yan i fek fare babyor ko motochiyel.