Ezra 4:9 - Bible Ni Thothup

⁹ “Ke pi’ Rehum ni governor nge Shimshai ni tayol ko nam, nge pi’in yad ngabang, nge pi tapuf oloboch, nge urngin e pi tayugang’ ni bogni’ nri girdi’en yu Erek, ngu Babylon, ngu Susa ko nug u Elam,

Ezra 4:9 Σταυροειδείς Αναφορές

Genesis 10:22

Ma pifak Shem ni pumo’on e Elam, Ashur, Arpakshad, Lud nge Aram.

2 Kings 17:24

Me fek fare pilung nu Assyria e girdi’ ko fapi binaw nu Babylon, Kuth, Ivvah, Hamath, ngu Sefarvaim, nge tayrad ngalan fapi binaw nu Samaria nga ron’ed luwan fapi girdi’ nu Israel ni kani kalbus nagrad u reb e nam. Miyad fek e pi binaw ney ngar pired u rom.

Ezra 4:8

Ma ku errogon Rehum ni governor, nge Shimshai ni tayol ko fare nam, nra yoloyew bangi babyor ni murung’agen yu Jerusalem ni ba’aray e thin riy nge yan ngak Artaxerxes ni Emperor:

Ezra 5:3

Ma kangiyal’ nem me yib Tattenai ni governor ko ley ni ngal u Eufrates, nge Shethar Bozenai, nge pi tolang rorad nga Jerusalem ni yad be ga’ar: “Mini’ e cha’ nike yog ngomed ni ngam toyed e re Tempel ney?”

Ezra 5:6

Ba’aray e re thin nra pi’ed nge yan ngak fare emperor:

Ezra 6:6

Ma aram me pi’ Darius ni Emperor e re bugithin ni ba’aray ni ga’ar: “Ngak Tattenai ni governor ko ley ni ngal yu Eufrates, nge ngak Shethar Bozenai, nge ngak e pi tolang ko am ni gimed nga maruwel. “Mu pired u orel ko Tempel

Nehemiah 4:2

Me welthin u p’eowchen e pi’in yad be un ngak nge pi salthaw nu Samaria ni ga’ar, “Mang e be leamnag e pi Jew ni gafgow ney ni yad be rin’? Gur yad be leamnag ni ngar fulweged e re binaw ney nga rogon? Gur yad be finey ni ngar pi’ed e gamanman ni maligach miyad mu’nag e re maruwel nem u lan ta’reb e rran? Gur ku rayag ni ngar fanayed e malang ko bin kakrom e yoror ni kan buthug ma kan urfiy?”

Ester 2:3

Rayag ni nge bang e nug u tan gil’ilungum ma ga duwgiliy be’ riy ngamog ngorad ngar feked gubin e rugod nib pidorang i yib ko harem ni bay u roy u Susa, ni re binaw ni tochuch. Ma ga tayrad nga tan pa’ Hegai, ni fare eunuch ni ir e bmilfan e pi pin rom ngak, nge chamgiyrad ko falay ngari m’ug fel’ngirad.

Isaiah 21:2

Ke pilyeg e changar rog ku gguy ba gafgow nib ga’ nra be’ ma be yagnag be’ nge mathang pogofan ni yibe tay. Salthaw nu Elam, mu chamgad! Salthaw nu Media, mu thabey niged fapi binaw! Got e bayi museg e gafgow ni k’aring yu Babylon.

Jeremiah 49:34

De n’uw nap’an nike pilung Zedekiah u Judah, ma SOMOL ni Gubin ma Rayag Rok e yog ngog murung’agen e binaw nu Elam.

Ezekiel 32:24

“I Elam e bay u rom, nib liyeg fapi malangen e yam’ ko salthaw rok. Yad gubin nli’rad ko mael, miyad yan nga’ar ko fare fayleng ko pi’in karm’ad nda ni maad’ad nagrad ni bod ni yog e motochiyel ku Moses. Nap’an e yad bfos ma ur k’arnged e marus i yan, machiney e yad ba thig u but’ ni yad ba yam’ nib m’ayfarad.

Daniel 8:2

Yiggu dada’ ma gu bay u lan fare binaw nu Susa ni kan yororiy u lan e nug nu Elam. Ni ku gu sak’iy u charen e lul’ ni Ulai,

Acts 2:9

Ya da bad u Parthia, ngu Media, ngu Elam; ngu Mesopotamia, ngu Judea, ngu Kappadocia; ngu Pontus ngu Asia,